Allat qanoq ikuisinnaappat?

„ARLAAN­NIK ikior­tariaqaruit oqaan­nas­saatit,“ im­maqa ikin­ngutitsin­nut qanigisatsin­nul­luun­niit asasaminik toqusooq­qam­mersumut taama oqarumas­saagut. Ilumoorlutami taama oqarumas­saagut, sumil­luun­niit ikiorusuk­katsigu. Ilimanar­pali qimagaasup uagutsin­nut sianer­nis­saa oqarlunilu: „Ikioq­qugaluar­punga“? Naamik. Tas­sa uagut siul­liul­luta iliuuseqar­tariaqar­pugut aliasut­tumik ikiuil­lutalu tup­pal­lersaas­sagut­ta.

Biibilimi ima us­sateqar­poq: „Puugutaasat sølviusut iipiliusar­taat­tut kuultiusutut ip­put oqaatsit oqaaserineqarfis­samik­kut oqaaserisat.“ (Us­satit 15:23; 25:11) Qanoq oqar­nis­saq qanorlu oqannginnissaq, qanoq ilior­nis­saq qanorlu iliunnginnissaq nalun­ngis­sagaan­ni ilisimas­suseq pisariaqar­poq. Siun­nersuutit Biibilimik tun­ngaveqar­tut qimagaasut ilaasa iluaqutigisimasaat matuma kingulianiip­put.

Qanoq iliornissaq . . .

Tusarnaarit: ’Tusarasuarlutit pigit,’ Jâko 1:19-imi al­las­simavoq. Aliasut­tumut iluaqutaaner­paasunut ilaavoq tusar­naar­nik­kut aliasoqatigin­nin­neq. Qimagaasut ilaasa im­maqa toqusumik, ajunaar­nermik nap­paam­mil­luun­niit toq­qutigisaanik, imaluun­niit toqusoor­nermik kingor­na misigis­sutsimin­nik, oqaluuserin­nin­nis­sar­tik pisariaqar­tit­tar­paat. Taamaat­tumik aperigit: „Oqaluusererusup­piuk?“ Aliasut­toq aalajangiisiguk. Angut inuusut­toq ataatami toqunera pil­lugu ima oqalut­tuar­poq: „Iluaqutigisimaqaara qanoq pisoqarsimanera al­lat apeq­qutigigaangas­suk akis­sutin­nul­lu tusarnaaqqissaarlutik.“ Taamaat­tumik naam­magit­tarlutit malin­naal­lutil­lu tusar­naarit, misiginak pin­ngitsoor­nak akisariaqarlutit aaq­qiis­sutis­samil­luun­niit saq­qum­miisariaqarlutit. Aliasut­toq oqalut­tuarerusutaminik tamanik oqalut­tuar­nerani tusar­naaruk.

Tuppallersaagit: Aliasut­toq qular­naatsumik paasitiguk sapin­ngisani tamaat iliuuseqarsimasoq (imaluun­niit arlaan­nik ajunngitsumik ilumoor­tutut nalun­ngisan­nik oqarfigiuk). Oqarfigiuk misigis­susii — aliasun­nerugaluar­pat, kaman­nerugaluar­pat, im­minut pisuutin­nerugaluar­pat al­laagaluar­pal­luun­niit — pisuusis­samisoor­tuusut. As­singusumik an­naasaqarsimal­luni qaangiisimasumik nalun­ngisan­nik oqalut­tuuguk. „Inus­siar­nersumik oqaatsit“ taama it­tut ’timimut peq­qis­saataasut’ Us­satit 16:24-mi al­las­simavoq. — 1 Tásalûníkamiut 5:11, 14.

Ikiuinissannut piareersimajuaannarit: Ul­luni siul­ler­ni marlus­sun­ni ikin­ngutit qanigisal­lu amerlasuut najuuf­figisaan­niin­naan­ngitsoq, aam­mali qaam­matini tul­liut­tuni al­lat ul­luin­nar­ni sam­misar­tak­kamin­nut utereer­neran­ni ikiuinis­san­nut piareersimajuaan­narit. Taamaalil­lutit ikin­ngutitut an­nikil­lior­nermi ikior­tis­satut takutis­saatit. (Us­satit 17:17) „Angerlarsimaf­fitsin­ni kisimiip­pal­laaq­qunata un­nuk­kut pisas­saqar­nis­sar­put ikin­ngutit­ta isumagisar­paat,“ Teresea, biilimik ajunaarsimasumik meeralik, oqalut­tuar­poq. „Imaqan­ngis­sutsimik misiginit­ta ajugaaf­figinis­saanut taman­na iluaqutigaar­put.“ Ul­lut aalajangersimasut, soorlu katif­fis­siorfik ul­lorluun­niit toqusoorfik, qimagaasunut ukior­pas­suar­ni alianar­tumik eq­qaaq­qajaaf­fiusin­naap­put. Qaam­matisiutin­ni ul­lut tamak­ku nalunaaqutsersin­naavatit pisariaqar­pat an­ner­toq­qusersuutaajumal­lutit.

Kiffartuussigit: Meeq­qanik isumagin­nit­tus­samik pisariaqar­titsineqar­pa? Qanigisat ikin­ngutil­lu tikeraar­tut inis­saaleqis­sun­neqar­pat? Toquk­kut an­naasaqar­tut ima tupaq­qatigisar­put al­laat nam­min­neq qanoq ilior­nis­sar­tik nalusarlugu, ingam­mil­lu naluit­tarlugu al­lat qanoq ikiuisin­naaneran­nik oqalut­tuun­nis­saat. Taamaat­tumik pisariaqar­titsinermik takusaqaruit aperineqar­nis­sat utaq­qinagu nam­mineq iliuuseqarit. (1 Korintumiut 10:24; naleq­qiuguk Juánasip agdlagaisa áipait 3:17, 18.) Ar­naq uiminik an­naasaqarsimasoq oqalut­tuar­poq: „Amerlasuut ima oqar­put. ’Arlaan­nik ikior­tariaqaruit oqaan­nas­saatit.’ Ikin­ngutimali ilaat aperin­ngilarluun­niit. Oqarfigineqan­ngivil­luni sinit­tarfim­mut iser­poq oqorutil­lu qalii sinif­fim­mi uima toquf­figisaaniit­tut peerlugit, error­neqar­nis­saal­lu isumagalugu. Al­lap iper­taajaas­sutis­saminik piareersaariarluni natersuaq uima meriarfigisimasaa asap­paa. Sapaatit-akun­neri arlalialuit qaangiut­tut ilagiin­ni utoq­qaaner­tat ilaat sul­liseqarluni ator­tulisarlunilu tak­kup­poq oqarlunilu: ’Nalun­ngilara arlaan­nik iluarsaat­tariaqar­toqas­sasoq. Sumi iluarsaatas­saqar­pa?’ Qujamasuf­figeqaara matu aserorsimasoq iluarsaam­magu, in­naal­lagis­samul­lu ator­tunik iluarsar­tuus­sil­luni. — Naleq­qiuguk Jâko 1:27.

Inoroorsaartuugit: ’Puioqinasi il­lusisitsisas­sagas­si,’ Biibilimi al­las­simavoq. (Eprîarit 13:2) Eq­qaamasariaqar­par­put ingam­mik aliasut­tunut inoroorsaar­tuunis­sar­put. Ima oqar­nak: „Piumal­leruit pulaar­niar­na,“ aalajangersimasumik pulaarfis­saliigit. Aliasut­toq nangaagaluar­pat uniin­nas­san­ngilatit. Im­maqa inus­siar­nersumik kajumis­saar­neqaruni piumal­lis­saaq. Im­maqa qaaq­qusis­sum­mut itigar­titsip­put al­lat tak­kuan­ni misigis­sutsimik aqun­neq sapiler­nis­saat an­nilaan­ngatigigamik­ku. Im­maqaluun­niit maan­nak­kor­piaq nuan­naarsaqatigiin­nermut ilaas­sal­lutik im­min­nut ajorip­put. Eq­qaamajul­li ar­naq inoroorsaarumatooq Biibilimi eq­qar­tor­neqar­toq, Lydia. Taas­suma im­min­nik qaaq­qusinera pil­lugu Lukas ima oqarsimavoq: ’Inangaaler­paatigul­lu.’ — apustilit suliait 16:15.

Kamagittartuugit paasinnittuullutillu: Aliasut­tup aal­laq­qaataani oqaasereriataarsin­naasai tupaal­laatigis­san­ngilatit. Eq­qaamas­savat im­maqa kamam­mat im­minul­luun­niit pisuutil­luni. Puf­fas­simaar­tumik saapiloor­neqaruit narrujuum­mis­san­ngik­kuit siuneqas­suseq misigin­neqataanerlu pisariaqar­tip­patit. ’Atiniarsigik imaat­tut: nal­lit­tuingaar­neq avaagin­nin­nerlu nikanar­tin­nerlu qanilaar­nerlu kamajuin­nerlu,’ Biibilimi siun­nersuuteqar­poq. — Kulorsamiut 3:12, 13.

Allagit: Misigin­neqataal­luni al­lagaqar­nerup naleqas­susia arajutsineqarajut­tar­poq. Qiim­mas­saataasumik al­lagaqar­neq qanoq iluaqutaasar­pa? Cindy, kræftimik toq­quteqar­tumik anaanalik, akivoq: „Ikin­ngutima ilaata nuan­nersumik al­laf­figaanga. Uan­nut iluaqutaaqaat, tas­sami atuaq­qit­tuar­tarak­kit.“ Al­lak­kat takisuujusariaqan­ngil­lat, al­lak­kal­li uum­mam­meersuusariaqar­put. (Eprîarit 13:22) Al­las­sin­naavutit misigeqatigin­nil­lutit aam­malu toqusoq ajun­ngitsunik eq­qaamasaqarfigigit, imaluun­niit al­las­sin­naavutit toqusimasoq qanoq inuunin­nut sun­niuteqarsimasoq.

Aliasuttoq qinoqatigisaruk: Aliasut­tumik qin­nus­sinerit qinoqateqar­neril­lu naleqas­susiat suusupagineqas­san­ngilaq. Biibilimi al­las­simavoq: ’Iluar­tup qin­nutaa ilungersoruni kimit­toqaaq.’ (Jâko 5:16) Im­maqa qin­nuk­kit tusaruniuk misigis­sutsit nuan­niitsut soorlu im­minut pisuutin­neq ajugaaf­figiuminar­tin­nerus­savai. — Takuuk Jâko 5:13-15.

Qanoq iliussanngitsutit

Qanoq oqarnissannik iliornissannilluunniit nalorninerit piinnarlugu tunuarsimaaqinak: ’Maan­nak­kut kisimeerusus­sagunar­put,’ im­maqa taama im­minut oqarfigiumas­saagut. Ilumoor­torli im­maqa tas­sa kuk­kusumik oqar­toor­nis­sar­put ilior­toor­nis­sar­pul­luun­niit an­nilaan­ngatigigip­put. Kisian­ni ikin­ngutit, qanigisat up­peqatil­luun­niit tunuarsimaar­pata qimagaasoq suli kiserlior­nerusutut misigilersin­naavoq, taamaalil­lunilu ar­torsar­nerulerluni. Eq­qaamas­savat oqaatsit iliuutsil­lu an­nikitsun­nguugaluit sun­niuteqar­ner­paasar­tut. (Evfisumiut 4:32) Najuun­nerin­naal­luun­niit qiim­mas­saataasin­naavoq. (Naleq­qiuguk apustilit suliáinik agdlagkat 28:15.) Teresea ul­loq panim­mi toquf­fia pil­lugu ima oqalut­tuar­poq: „Nalunaaqut­tap-akun­nerata ataatsip ingerlanerani nap­parsim­mavis­suup torsuusaa ikin­ngutitsin­nik ulik­kaar­poq; utoq­qaaner­tat tamarmik nuliatil­lu tak­kup­put. Ar­nat ilaat al­laat suli nutsamin­ni imusaateqarlutik tak­kup­put, al­lat sul­liseqarlutik. Suut tamaasa qimaan­narlugit aggersimap­put. Amerlasuut oqar­put qanoq oqar­nis­sar­tik nalul­lugu, taman­nali soqutaan­ngilaq, tak­kuk­kamik naam­map­poq.“

Aliasunnissamik nangartaaqinak: „Tas­sa, qianak,“ im­maqa oqarusuk­kaluar­pugut. Im­maqali pitsaanerus­saaq nununani qiaan­nar­nis­samik kajumis­saarigut­ta. „Isumaqar­punga aliasut­tup misigis­sutsiminik ersersitsinis­saata akor­nusin­ngin­nis­saa pingaaruteqar­toq,“ Katherine uimi toqunera eq­qarsaatigiitigalugu oqar­poq. Al­lat qanoq misiginis­saan­nik oqalut­tuun­naveersaak­kit. Isumaqas­san­ngilatil­lu misigis­susii il­lersor­niarlugit il­lit misigis­sutsitit nunus­sagitit. Akerlianil­li Biibilimi kajumis­saar­neqar­pugut ’qiasut qiaqatigisas­sagivut’. — Rûmamiut 12:15.

Aliasuttoq suli piareertinnagu toqusup atisaanik pigisaanilluunniit piiaanissaanik kajumissaarasuarniaqinagu: Im­maqa isumaqar­pugut pinik eq­qaanar­titanik piiaanis­saq pitsaanerusoq, aliasun­nermut sivitsorsaataagin­nas­sam­mata. Taamaan­nis­saali ilimanan­ngilaq. Im­maqa qimagaasup pisariaqar­tip­paa toqusoq arriitsumik ’iperariar­tuaas­sal­lugu’. Eq­qaamajuk ataataaner­paap Jakobip qisuariarsimanera taamani sal­loqit­tar­neqarluni oqalut­tuun­neqarami er­nini Josef nersum­mit qaasut­tumit toqun­neqarsimasoq. Josefip qal­lersaataa aagin­naq takutin­neqarmat Jakobip ul­lor­pas­suar­ni „er­nini upip­paa. Naal­lu er­nermi panim­milu tamarmik tup­pal­lersar­niaraluaraan­ni tup­pal­lersaq­qun­ngilaq“. — 1 Moses 37:31-35.

Ima oqarniaqinak: ’Allamik meerartaaginnarsinnaavutit’: „An­ner­tar­punga oqarfigineqaraangama al­lamik meerar­taagin­narsin­naasunga,“ anaanaq meeq­qaminik an­naasaqarsimasoq oqalut­tuar­poq. Im­maqa ajun­ngitsumik isumaqarluni taamatut oqar­toqar­taraluar­poq, oqaatsil­li meeq­qamik toqusumik taarser­neqarsin­naaneraar­palut­tut angajoq­qaanut ’panap kapisineratut’ is­sin­naap­put. (Us­satit 12:18) Meeraq taarser­neqarsin­naan­ngil­luin­nar­poq, meeq­qam­mi tamarmik im­mik­kut it­tuum­mata.

Pisariaqanngilaq toqusoq oqaluuserinaveersaassallugu: „Amerlasuut er­nerma atia Jim­my taajuman­ngilaal­luun­niit, oqaluuseriumanaguluuniit,“ anaanaq eq­qaamasalik­kersaar­poq. „Nas­suerutigisariaqar­para taman­na narrujuum­mis­sutigilaarak­ku.“ Taamaat­tumik toqusoq eq­qar­tor­neqaleraangat al­lamut saan­niarsarisas­san­ngilatit. Qimagaasoq aperiuk toqusoq oqaluusererusun­neraa. (Naleq­qiuguk Job 1:18, 19 aam­ma 10:1.) Toqusup pis­susia suna taas­sumin­nga nuan­narin­nilis­sutigisimal­lugu ikin­ngutit oqalut­tuar­tut tusas­sal­lugit qimagaasut ilaasa nuan­narisar­paat. — Naleq­qiuguk apustilit suliáinik agdlagkat 9:36-39.

Ima oqarniaqinak: ’Qujanaannarpoq’: Toquneq ajun­ngitsorsius­sal­lugu tamatigut ’nikal­lor­tunut tup­pal­lersaataasan­ngilaq’. (1 Tásalûníkamiut 5:14) Ar­naq inuusut­toq anaanami toqunera pil­lugu ima oqalut­tuar­poq: „Ilaat oqar­put: ’Maan­na an­niarun­naar­poq’ imaluun­niit: ’Kiisami eq­qis­sivoq’. Taamatul­li tusarusun­ngil­luin­nar­punga.“ Oqaatsit taama it­tut qimagaasunut ima nipeqarsin­naap­put aliasut­tariaqan­ngitsut imaluun­niit an­naasaat an­ner­tuujun­ngitsoq. Im­maqali aliasut­torujus­suup­put toqusumik maqaasinerujus­suar­tik pis­sutigalugu.

Immaqa pitsaanerussaaq ima oqarnani: ’Paasisinnaavara qanoq misigisutit.’ Ilumum­mi paasiviuk? Qanoq ilil­lutit nalun­ngis­sin­naaviuk as­sersuutigalugu ataataq anaanarluun­niit meeq­qaminik toqusoor­toq qanoq misigisoq, il­lit taamatut misigisaqarsiman­ngisaan­naruit? As­singusumil­lu misigisaqarsimagaluaruil­luun­niit eq­qaamasariaqar­pat al­lat il­lit misigisimanit­torluin­naq misigin­ngim­mata. (Naleq­qiuguk Up­putit 1:12.) Naleq­qut­tutul­li ip­pat im­maqa qimagaasumut iluaqutaas­saaq il­lit aliasus­simaner­pit qanoq ilil­lugu anigorsimanera oqalut­tuaris­sal­lugu. Ar­nap toqutaasimasumik panil­lip tup­pal­ler­narisimavaa tusarlugu ar­naq toqusimasumik panilik al­la qanoq ilil­luni pis­susis­samisut inooq­qilersimal­luni oqalut­tuar­toq. Ar­naq toqutaasimasumik panilik oqar­poq: „Ar­nap toqusimasumik panil­lip oqalut­tuar­nini ima aal­lar­tin­ngilaa: ’Nalun­ngilara qanoq misigisutit.’ Oqalut­tuariin­nar­paa nammineq qanoq misigisimasimal­luni, uan­nut tusar­tik­kusuin­narlugu qanoq pisimanini.“

Asasaminik an­naasaqarsimasumik ikiuis­saguit misigin­neqataaneq, naliliisin­naas­suseq asan­nin­nerlu an­ner­tooq pigisariaqar­patit. Nam­mineq ilin­nut saaf­figin­nin­nis­saa utaq­qis­san­ngilat. Oqaan­nas­san­ngilatit: „Ikior­neqar­tariaqaruit . . .“ Nam­mineq paasiniaruk suk­kut ikior­neqar­tariaqar­nersoq, naleq­qut­tumil­lu iliuuseqarit.

Suli apeq­quteqar­poq suli akineqan­ngitsunik: Biibilim­mi makin­nis­samik neriuutis­sarititaa? Taman­na ilin­nut asasan­nul­lu toqusimasunut qanoq isumaqarsin­naava? Qanoq ilil­luta qulak­keersin­naavar­put neriuut taman­na up­per­nar­tuusoq?