Biibili naapertorlugu tarneq sunaasoq

’Inuk siul­leq, Adam, tar­nin­ngor­poq uumasoq.’ — 1 KORINTUMIUT 15:45.

1. Tar­neq pil­lugu Biibili qanoq ajoqersuuteqar­nersoq paasisin­naas­sagutsigu suna paaseq­qaar­tariaqar­par­put?

SOORLU paasereerip­put tar­nip suunera pil­lugu isum­mat as­sigiin­ngitsor­pas­suup­put. Al­laat up­per­ner­tik Biibilimik tun­ngaveqar­nerarlugu oqar­tar­tut akor­nan­ni tar­nip suunera toqugut­talu tar­neq qanoq pis­sanersoq as­sigiin­ngitsunik isumaqarfigineqar­put. Biibilili tar­neq pil­lugu qanor­piaq ajoqersuuteqar­pa? Taman­na akis­sutis­sarsiniarlugu oqaaseq heriiarisooq oqaaserlu griikerisooq Biibilimi „tar­neq“-mik nutser­neqar­tut qanoq isumaqar­nersut paasiniar­tariaqar­par­put.

„Tarneq“ — pinngortitaq uumassusilik

2, 3. (a) Oqaaseq Al­lak­kani Hebriiarisuuniit­toq suna „tar­neq“-mik nutser­neqar­tar­pa, qanorlu isumaqavip­pa? (b) Oqaatsimi „tar­neq“-mi inuup tamarmi pineqar­nera Korintumiunut agdlagkat sujugdlît 15:45-mi qanoq up­per­narsar­neqar­pa?

² Oqaaseq hebriiarisooq „tar­neq“-mik nutser­neqar­toq tas­saavoq næʹfæsj, oqaaserlu taman­na Al­lak­kani Hebriiarisuuni (nalingin­naasumik ’Testamentitoq­qamik’ taaneqar­tar­tuni) 754-eriarluni ator­neqar­poq. Næʹfæsj qanoq isumaqar­pa? Oqaatsinik qinerlerfis­siaq The Dictionary of Bible and Religion naaper­tus­sagaan­ni oqaatsimi tamatumani pineqarajup­poq „pin­ngor­titaq uumas­suseqar­toq tamarmi, inuk tamarmi“.

³ As­sersuutigalugu, Mosesimik al­lak­kat siul­liit 2:7-imi Jehova Guutip is­sumit inulior­neranik al­laaserisaq is­suarlugu Korintumiunut agdlagkat sujugdlît 15:45-mi ima al­las­simavoq: ’Taamalu al­las­simavoq: „Inuk siul­leq, Adam, tar­nin­ngor­poq uumasoq.“’ Malugiuk biibilini kalaal­lisuun­ngor­titani ilaatigut nutser­neqarsimasutut al­las­siman­ngim­mat Adam tar­nilinngortoq, kisian­ni al­las­simal­luni tar­ninngortoq — soorlu nakorsanngortoq tas­saalersar­toq nakorsaq. Taamaat­tumik oqaatsimi „tar­neq“-mi inuk tamarmi pineqar­poq.

4, 5. (a) As­sersuutit suut takutip­paat oqaatsimi „tar­neq“-mi inuk tamarmi pineqar­toq? (b) Inuup tar­niunera The Dictionary of Bible and Religion-imi qanoq taperser­neqar­pa?

⁴ Paasin­nin­neq taman­na Al­lak­kani Hebriiarisuuni tamani taperser­neqar­poq, ilaatigut al­las­simaf­fin­ni matuma kingulianiit­tuni. Al­las­simaf­fiit „Tastamantitoĸaĸ“ kalaal­lisuun­ngor­titaq pisoqaq malil­lugu is­suar­neqar­tut ilaan­ni oqaatsit uingasun­ngor­titavut hebriiarit oqaasian­nit „tar­neq“-mik isumaqar­tumit nutsigaap­put. ’Nalinginnaq ajor­tuliaraluaruni’ (3 Môrsase 5:1); ’nalinginnaq ul­lormi tamatumani sulisoq’ (3 Môrsase 23:30); ’[tar­naa] ilalaar­neq sapiler­poq toqus­saguni al­laat’ (erĸar­tũs­sis­sunik agdlagkat 16:16); ’qanoq sivisutigisumik tar­niga aliasutsik­kumavisiuk’ (Jûpe 19:2) aam­ma ’tar­niga qul­lilivoq aliasun­nermit’. — tugsiaut 119:28.

⁵ Al­las­simaf­fin­ni tamak­kunani toqup kingor­na tar­nip uumaan­nar­tar­neranik ersersitsisoqan­ngilaq. „Oqaraangat­ta toqusup ’tar­naa’ Naalagaq najulis­sal­lugu qimagut­toq, imaluun­niit ’tar­neq toqujuitsoq’ eq­qar­toraangatsigu oqariaatsit [Testamentitoq­qap] nalaani inuusunit paasineqar­navian­ngitsut ator­tar­pavut,“ taama al­las­simasoqar­poq The Dictionary of Bible and Religion-imi.

6, 7. Kristumiut Al­lagaataan­ni Griikerisuuni oqaaseq suna „tar­neq“-mik nutser­neqar­tar­pa, oqaaserlu qanor­piaq isumaqar­pa?

⁶ Oqaaseq Kristumiut Al­lagaataan­ni Griikerisuuni (nalingin­naasumik ’Testamentitaamik’ taaneqar­tar­tuni) 100-t sin­nerlugit „tar­neq“-mik nutser­neqar­toq tas­saavoq psychēʹ. Soorlu næʹfæsj-imi taamaat­toq oqaatsimi tamatumani inuk tamarmi pineqar­poq. Oqaatsit mak­ku malugeriak­kit: ’Maan­na tar­niga siooravoq’ (Johan­nes 12:27); ’inuit [oqaatsimit „tar­neq“-mik isumalim­mit nutsigaq] tamarmik naalak­kersuisunut akimaner­nut naalat­tuugilit’ (Rûmamiut 13:1); ’[tar­nit] nikal­lor­tut tup­pal­lersarsigik’ (1 Tásalûníkamiut 5:14); ’taman­nami inuit qas­sin­nguit (tamas­sa tar­nit arfineqpingasut) an­naf­figaat imik­kut.’ — 1 Pîtruse 3:20.

⁷ Psychēʹ-mi, soorlu næʹfæsj-mi taamaat­toq, nalunan­ngitsumik inuk tamarmi pineqar­poq. Oqaatsinik qinerlerfis­sialior­toq Nigel Tur­ner naaper­tus­sagaan­ni oqaaseq psychēʹ isumaqar­poq „inuup, kinaas­susil­lip, timip Guutip rûah-nik [anersaavanik] najuus­sisimasup ilisar­naataa. . . . Inuk tamarmi pineqar­poq.“

8. Uumasut tar­niup­pat? Nas­suiaruk.

⁸ Oqaaseq „tar­neq“ inun­nuin­naan­ngitsoq Biibilimi ator­neqar­poq, aam­mali uumasunut ator­neqarluni. As­sersuutigalugu uumasut imarmiut pin­ngor­tin­neqar­nerat Môrsasip agdlagai sujugdlît 1:20-mi al­laaserineqar­poq. Guuti ima peq­qusivoq: ’Imaq ujamerialerli uumasunik tar­nilin­nik ujameris­sanik.’ Ul­lup pin­ngor­titsif­fiup tul­liani Guuti ima oqar­poq: ’Nunamit pin­ngorlit uumasut tar­nil­lit, tamarmik im­mik­kut pis­susil­lit: nersutaatit, paarmor­tul­lu, nunal­lu nersutai, tamarmik im­mik­kut pis­susil­lit.’ (1 Môrsase 1:24; naleq­qiuguk Môrsasip agdlagaisa sisamait 31:28.) ’Uumasut tar­nil­lit’ eq­qor­tumik toq­qaan­nar­tumil­lu nutserlugu imaap­poq: „Tar­nit uumas­susil­lit.“ Tas­sa oqaatsimi „tar­neq“-mi pineqar­poq pin­ngor­titaq uumas­susilik, inuk uumasorluun­niit.

Oqaaseq „tarneq“ pinngortitatut inuunermut atorneqartoq

9. (a) Oqaaseq „tar­neq“ aam­ma qanoq isumaqar­tin­neqar­tar­pa? (b) Taman­na inuup nam­mineq tar­niuneranut eq­qarsaam­mut akerliua?

⁹ Oqaaseq „tar­neq“ inuup uumasul­luun­niit inuuneranut ilaan­nik­kut ator­neqar­tar­poq. Taman­nali Biibilip tar­nermik nas­suiaataanik, tas­sa tar­neq tas­saasoq inuk uumasorluun­niit, al­lan­ngor­titsin­ngilaq. Soorlu oqar­tar­pugut inuk uumasoq, tas­sa uumassuseqartoq. Biibilip oqariar­taasia atorlugu oqas­sagut­ta oqas­saagut inuk taan­na tarniusoq. Oqar­toqar­tar­por­taaq inuunermik pigisaqartoq. Biibilil­lu oqariar­taasia malil­lugu oqas­sagut­ta oqas­saagut tarnermik pigisaqartoq.

10. Oqaatsip „tar­neq“-p inuup uumasul­luun­niit inuuneranut atatil­lugu ator­neqarsin­naaneranut as­sersuutinik taasaqarit.

¹⁰ As­sersuutigalugu, Guuti Mosesimut ima oqarsimavoq: ’Angutit taak­ku inuussutsinnik qinugin­nit­tut tamarmik toqup­put.’ (2 Môrsase 4:19) Toq­qaan­nar­tumik nutserlugu Mosesip akeraasa taas­suma tar­naa persarisimavaat. Al­las­simaf­fin­ni tul­liut­tuni oqaatsit uingasun­ngor­titat oqaatsimit „tar­neq“-mik isumaqar­tumit nutsigaap­put. ’Qimaap­put inuussusertik pil­lugu’ (2 kúngit 7:7); ’iluar­tup nersutaatimi piumasaat ilisarisar­pai’ (ússatit 12:10); ’Inuup Er­nera kif­far­tus­sal­luni inuuninilu akis­satut tun­nius­sal­lugu [tikiup­poq]’ (Matîuse 20:28); ’toqu qanil­ligaluar­paa, inuunissi soqutigin­ngin­namiuk.’ — Filípimiut 2:30.

11. Oqaatsimik „tar­neq“-mik Biibilip atueriaasia qanoq oqaatigineqarsin­naava?

¹¹ Tas­sa Biibilimi oqaaseq „tar­neq“ ator­neqaraangami pineqar­tar­poq inuk uumasorluun­niit imaluun­niit inuup uumasul­luun­niit inuunera. Biibilip tar­nip suuneranik nas­suiaataa paasiuminar­tuuvoq, aalajangersimaq­qis­saarluni inuil­lu isumaliutersuutaan­nit paasiuminaatsunit up­perisapalaavinil­lu sun­nersimaneqarani. Inul­li toqugaangat tar­neq qanoq pisar­pa? Apeq­qut taman­na akisin­naas­sagutsigu sooq toqusar­ner­put paaseq­qaar­tariaqar­par­put.

[Qupp. 20-mi assiliartaq]

Tamarmik tar­niup­put