Ajoqersuut siulleq: Tarneq toqujuitsuuvoq

Ajoqersuut sumit aallaaveqarpa?

“Isumaliutersor­tar­tut kristumiut siul­liit grækerit tar­nip toqujuis­susianik isumaliutersuutaat akueraat tar­nerlu Guutimit pin­ngor­titaasutut timimul­lu tamatuma naar­tuuler­nerani tun­niun­neqar­tutut isigalugu.” — The New Encyclopædia Britannica (1988), atuagaq 11, qup­p. 25.

Biibilimi qanoq allassimasoqarpa?

“Inuk [hebræerisut: næʹfæsj] ajor­tulior­toq taan­na toqus­saaq.” — Ezekieli 18:4.

Oqaaseq hebræerisooq næʹfæsj, Biibiler­pas­suar­ni tar­nermik nutser­neqar­tar­toq matumanili “inuk”-mik nutser­neqarsimasoq, isumaqar­poq ‘pin­ngor­titaq anersaar­tor­toq’. Malugiuk al­las­simasoq næʹfæsj toqusin­naasoq.

Inuup tar­niusup siul­liup pin­ngor­tin­neqar­neranut tun­ngatil­lugu Biibilimi ima al­las­simasoqar­poq: “Taava Guuti [Jehova] inulior­poq is­sumit, sorluisigul­lu anersaar­tor­nermik uumas­sutaasumik sul­luarlugu. Taamaalil­luni inuk pin­ngor­titan­ngor­poq [hebræerisut: næʹfæsj] uumas­suseqar­toq.” (1 Mosesi 2:7) Apustilip Paulusip Adamip pin­ngor­tin­neqar­nera ima al­laatigaa: “Inuk siul­leq, tas­sa Adami, tarninngorpoq uumas­suseqar­toq.” (1 Korinthimiut 15:45) Inuk siul­leq, Adami, Guutimit pin­ngor­titaagami toqujuitsumik tar­niler­neqar­nani tar­nin­ngor­poq. Uumas­sum­mil­li anersaar­tor­nik­kut atatiin­nar­neqar­tar­tumik tunivaa. Taamaat­tumik Biibilimi oqaaseq hebræerisooq næʹfæsj ator­neqaraangat pin­ngor­titaq uumas­susilik tamarmi pineqar­tar­poq. Tar­neq uumas­sum­mit, aal­laq­qaam­mul­li Guutimit tun­niun­neqar­tumit, avis­saar­tin­neqaruni toqus­saaq. — 1 Mosesi 3:19; Oqaluus­sisar­tup oqaasii 9:5.

Tar­nip toqujuitsuuneranik ajoqersuut ima apeq­qutis­saqalersitsivoq: Toqup kingor­na tar­neq sumut pisar­pa? Inuit ajor­tut tar­ningi qanoq pisar­pat? Kristumiut ilaat tar­nip toqujuitsuuneranik ajoqersuum­mik akuerin­nileramik ajoqersuum­mik suli al­lamik akuerin­niler­put — tas­sa an­niarfim­mik ikualasumik ajoqersuum­mik.

Versit Biibilimeersut uku naleqqiutikkit: Oqaluus­sisar­tup oqaasii 3:19; Mat­thæusi 10:28