Kikkut Guutimut ikinngutaappat?

Jesus Kristus tassaavoq Jehovap ernera ikinngutiginerpaasaalu. Jesus inut­tut nunarsuarmukan­ngik­kal­larami qilam­mi anersaatut pis­saanilit­tut piusimavoq. (Juánase 17:5) Nunarsuarmukar­poq inuit Guuti pil­lugu sal­lusuis­sum­mik ilin­niar­tin­niarlugit. (Juánase 18:37) Aam­mat­taaq inut­tut inuunini pil­liutigaa inuit naalat­tut ajor­timit toqumil­lu an­naan­niarlugit. (Rûmamiut 6:23) Jesus maan­na Guutip naalagaaf­fiani, naalagaaf­fim­mi qilam­miit­tumi nunarsuarmut matumun­nga paratiisimik pilersitsisus­sami, kun­ngiuvoq. — sarĸúmersitat 19:16.

Inngilittaaq Guutimut ikinngutaapput. In­ngilit nunarsuarmi inut­tut inooq­qaarsiman­ngil­lat. Qilam­mi pin­ngor­tin­neqarsimap­put Guutip nunarsuaq pin­ngor­tin­ngik­kal­larmagu. (Job 38:4-7) In­ngilit mil­lionilip­pas­suup­put. (Daniel 7:10) Guutimut ikin­ngutaasut qilam­miusut taak­kua kis­saatigaat inuit Jehova pil­lugu sal­lusuis­sut ilin­nias­sagaat. — sarĸúmersitat 14:6, 7.

Aammattaaq nunarsuarmi Guuti ikinnguteqarpoq; taakku nalunaajaasuminik taavai. Nalunaajaasup imaluun­niit eq­qar­tuus­sinermi ilisiman­nit­tup inuk pis­sutsil­luun­niit pil­lugit ilisimasani oqalut­tuarisar­pai. Jehovap nalunaajaasuisa Jehova siuner­taalu pil­lugit ilisimasamin­nik inuit al­lat oqalut­tuut­tar­paat. (Jesaja 43:10) In­ngilitul­li Jehova pil­lugu sal­lusuis­sum­mik ilin­niar­nis­san­nut ikiorusup­paatsit. Kis­saatigaat il­lit­taaq Guutimut ikin­ngutaalis­sasutit.