Siunnersuutit nalerisimaarluni inuulersitsisut

AJOR­NAR­TORSIUTEQARAANGAVIT sumut ikior­tis­sarsior­tar­pit? Ikin­ngutit tatigisat imaluun­niit siun­nersuisar­toq misilit­tagaqarluar­toq im­maqa oqaloqatigisar­pat. Imaas­sin­naavorli il­lit nam­mineq misis­suisutit im­maqa atuak­kanik ator­niar­tarfim­mi. Aam­mali Kangiamiunit oqaatigineqar­tar­tut „aanaap ilisimasai“ — tas­sa utoq­qaat misilit­tagaat — isumas­sarsiorfigineqar­tar­put kaam­mat­tuutis­satut. Arlaat pitsaanerutik­kaluaraan­niluun­niit oqaatsit ajor­nar­torsiutip qaanger­nis­saanut iluaqutaasin­naasut tusar­naar­nis­saat ajoqutaan­ngilaq. Siun­nersuutit atorluarsin­naasut inup­pas­suit iluaqutigisimasaat tul­liup­put.

² Ilaqutariinni: Silarsuarmi sun­niutipalaanik ulik­kaar­tumi angajoq­qaar­pas­suit meeq­qatik qanoq perorsas­sal­lugit isumakuluutigisar­paat. Siun­nersuutit uku im­maqa iluaqutaasin­naap­put: „Nukappiaraq ingerlavissamigut ingerlaannarnissaanut kajumissaaruk, utoqqaligaluaruniluunniit tamanna nigussanngilaa.“¹ Meeq­qat ineriar­tor­til­lutik aq­qutis­siuun­neqar­nis­samin­nik najoq­qutarisin­naasamin­nil­lu pisariaqar­titsip­put. Im­mik­kut ilisimasal­lit amerliar­tuin­nar­tut paasivaat meeq­qat iluaqutaasunik najoq­qutas­saqar­tin­nis­saat qanoq pingaar­tigisoq. Angajoq­qaamik naleq­qut­tunik najoq­qutas­saqar­tik­kaangatik meeq­qat toq­qis­sisimasar­put. Ima aam­ma oqar­toqarsimavoq: ’Unatagaaneq ilitsersugaanerlu ilisimassusermik pigisaqalersitsisarput, nukappiaqqalli ilaginnagaasup anaanani kanngusuutissiortarpaa.’² Oqaatsimi „unatagaaneq“-mi angajoq­qaat asan­nit­tumik oqar­tus­saas­sutsimin­nik atuinerat pineqar­poq, meeraq ajor­tumut ingerlan­ngin­nias­sam­mat. Oqar­tus­saanermik tamatuman­nga atuinermi meeq­qat qanorluun­niit atugarlior­tin­neqar­tus­saan­ngil­lat.a Angajoq­qaat ima siun­nersor­neqar­put: „Qitornasi narrassaassanngilasi qunulleqqunagit.“³

³ Nuliariit akor­nan­ni at­taveqatigiil­luar­neq ilaqutariin­nut pil­luar­tunut tun­ngaviuvoq. At­taveqatigiin­neq taamaat­toq qanoq anguneqarsin­naava? „Ilississaarli tamassi immikkut nuliasi immissisut asasussaavasi, nuliaasullu uini mianerisussaavaa.“⁴ Asan­nin­nerup ataq­qin­nin­nerul­lu ilaqutariit­tut inuuneq ingerlal­lualersit­tar­paat. At­taveqatigiil­luaraan­ni aatsaat siun­nersuut siuliani taaneqar­toq ator­neqarsin­naavoq, tas­sami „isumalioqatigiittoqanngikkaangat pilersaarutit asuliinnartarput“.⁵ At­taveqatigiil­luar­niarlutik aap­parmik misigis­susii soqutigisariaqar­paat paasiniarlugu aap­par­tik qanoq isumaqavin­nersoq. Pitsaavoq eq­qaamas­sal­lugu ‘angutip uummataaniittut tassaasut imeq itisooq; silassorissoq taassumannga qalooraasinnaasartoq’.⁶

⁴ Utoq­qar­pas­suit utoq­qalinermin­ni kiserlior­tar­put. Al­laat nunani qanga utoq­qar­nik ataq­qin­nif­fiusuni maan­na utoq­qaat meeq­qamin­nit sumigin­nar­neqar­put. Pitsaas­sagaluaqaaq meeq­qat oqaatsit silatuut mak­ku eq­qarsaatigisin­naap­patigik: „Ataatat anaanallu ataqqikkit.“⁷ „Anaanallu utoqqalisoq sumiginnaqinagu.“⁸ „Ataataminut peqqarniisaartoq anaanaminillu ajuallatsitsisoq erneruvoq narrunartumik kanngunartumillu iliortoq.“⁹ Il­luatungaatigut angajoq­qaat utoq­qalisut isumal­luar­tumik isigin­nit­taaseqar­tariaqar­put al­lanul­lu at­taveqarluarumal­lutik nam­min­neq siul­liul­lutik iliuuseqar­tariaqarlutik. „Inuk inoqatiminit immikkoorniartuusoq nammineq piumasani malillugu iliortarpoq, saqitsaassilersarpoq pikkorissaaqaluni.“¹⁰

⁵ Imigassaq: Ilumoor­poq ‘viinni inuusunut qiimmassaataasarmat’,¹¹ imaas­sin­naavor­taaq imigas­saq ‘isumatsassimasup puigorsaatigigaa’.¹² Eq­qaamajul­li ‘viinni mitalliisuusoq immiarlu perpalulersitsisarluni, taassuminga uppeqqajaassuteqartut ilisimassuseqartuunngitsut’.¹³ Imer­pal­laarluni qanoq pisoqar­tar­nera eq­qarsaatigerias­sagit: „Naggataatigut pulateriaarsuttut kiisisinnaavoq toqunartumik tissalutsitsilluni pulateriaarsuttut toqunartulittut. Taava takusaqassaatit eqqumiitsunik, paatsiveqanngitsunillu oqalulissaatit . . . qaquguuna itissaanga, viinnisoqqinniarumaarama!“¹⁴ Naam­maan­nar­tumik imigas­sar­tor­neq iluaqutaasin­naavoq, ator­nerluiler­nis­sarli sianigiuar­tariaqar­poq.

⁶ Aningaasaqarneq: Eq­qarsarluarluni aningaasaatit ator­nerisigut aningaasatigut ajor­nar­torsiutit pin­ngitsoor­tin­neqarsin­naap­put. Una siun­nersuut malugeriaruk: „Ilaginiaqinagit viinnisorpallaartut, imaluunniit taakku ingasattumik neqitortut, imerpallaartut nerivallaartullu piitsunngortussaapput, sinngullu inuit alittornikunik atisaqalersittarpai.“¹⁵ Imer­pal­laar­naveersaaraan­ni, ikiaroor­naveersaaraan­ni aningaasanoor­naveersaaraan­nilu sipaak­kat ilaqut­tanut ator­neqarsin­naap­put. Inup­pas­suil­li aningaasaatitik sin­nerlugit atuisar­put naggataagul­lu akiitsutik akiler­niarlugit suleruloor­tariaqar­tarlutik. Al­laat ilaat atuk­kamik er­niai akiler­niarlugit atoq­qit­tariaqar­tar­put. Iluaqutaas­saaq oqaatsit silatuut mak­ku eq­qaamanis­saat: „Piunngitsunik noqqaassuteqartoq piitsuussusermik qaarsillaatissaqarpoq.“¹⁶ Im­minut ima aperisoqarsin­naavoq: ’Pisiarerusutara ilumut atorfis­saqar­tip­para? Pisiak­ka qanoq amerlatigisut atulaagin­nariarlugit toq­qor­tar­pak­ka puigorlugil­lu?’ Aviisilior­toq ima al­lap­poq: „Inuup atorfis­saqar­titai ikeqaat — kis­saatigisai kil­leqan­ngil­lat.“ Oqaatsit silatuut uku malugeriak­kit: ‘Sunnguamik nassataqarata silarsuarmut matumunnga pisimagatta aamma sunnguamik nassataqarnata silarsuaq manna qimattussaavarput. Nerisassaqarlutalu atisassaqarutta tamakku naammagissavavut. . . . Aningaaserituujunermi ajortunut tamanut sorlaavoq; tamatumannga pileritsatsitaallutik inuit ilaat . . . imminnut amerlasuunik erloqissutissiorsimapput.’¹⁷

⁷ Eqiasuin­nik­kut aningaasatigut ajor­nar­torsiuter­pas­suit qaanger­neqarsin­naap­put: „Eqiasuttutit, uniaaluk orniguk, iliuusai misissukkit ilisimassuseqalerlutillu . . . sineqqilaarallassaanga, qasuersilaarallassaanga, assakka sarlialaarallassavakka, taavali piitsuussutsip saassutissavaatit angutitut angalaannartutut, ajorsarnerullu piiaasutut.“¹⁸ Pilersaarusiorluar­neq piviusumil­lu aal­laaveqarluni mis­singersuusior­neq aam­ma iluaqutaasin­naap­put: „Kina arlarsi napasulialiorniaruni ingeqqaassannginnerpa naatsorsorlugillu aningaasartuutissat paasiumallugu inaarnissaanut akissaqassanerluni?“¹⁹

⁸ Taavami piitsuuneq nam­mineq pisuus­sutigin­ngik­kaan­ni? Im­maqa aningaasaqar­nik­kut pis­sutsit al­lan­ngormata sulif­feerut­toqar­poq, naal­lu suleruloor­nis­samut piareersimagaluarluni sulif­fit­taarsin­naajun­naar­toqarluni. Im­maqaluun­niit nunagisami amerlanerit piitsuul­lutik inuup­put. Taava qanoq ilior­toqarsin­naava? „Ilisimassusermi alanngortaliisarpoq aningaasat alanngortaliisarnerattut ilisimassutsilli pitsaaqutigiinnarpaa ilisimassuseqartoq inuutittaramiuk.“²⁰ Eq­qarsaat una aam­ma malugeriaruk: „Takusaqaruit angummik suliamini pikkorissaartumik taava taanna kunnginut sassartiguk; inuinnannguimmi sassarfigissanngilai.“²¹ Sulif­fis­sarsinis­saq ajor­nan­ngin­nerulersil­lugu pik­koris­sar­toqarsin­naava?

⁹ Siun­nersuut una im­minut akerlior­pasik­kaluar­poq sun­niuteqaqaarli: „Tunisigitsi, taava ilississaaq tunineqassaasi. . . . Uuttuutigisassinnimmi uuttuiffigineqarumaarpusi.“²² Imaan­ngilaq tuniseq­qin­nis­sani ilimagalugu tunisisoqas­sasoq. Tunisiumatus­sutsip ineriar­tor­tin­neqar­nis­saa eq­qarsaataavoq: „Tukkusooq nammineq tumannguersarneqassaaq; allanik imeruersaasoq nammineq imeruersarneqarumaarpoq.“²³ Ajor­nar­torsiorfin­ni tunisineq al­lanut­taaq tuk­kor­tun­ngor­titsisar­poq, siunis­sami im­minut iluaqutaasin­naasumik.

¹⁰ Inunnut allanut attaveqarneq: Kun­ngi silatooq ilaan­ni ima oqar­poq: „Paasivara suleruloorneq pikkorissuserlu sinngagiinnermit pissuteqartut. Tamannattaaq piunngitsuuvoq tassaallunilu anorimik tigusiniarsarineq!“²⁴ Sin­nganeq inup­pas­suar­nik sianiil­lior­titsisar­poq. Angutip sanilini 32 tom­merimik fjersynitaar­toq tusaramiuk 36 tom­merimik pisiniapal­lap­poq, 28 tom­meriutini ajoquteqan­ngik­kaluar­toq. Sin­nganeq taamaat­toq ilumut piun­ngitsuuvoq. Soorlu tas­sa anorimik tigusiniarsarineq — ulaperulooraluarluni sual­laatiginaluli. Ilaa ilumuungaarami!

¹¹ Al­lat oqaasii ajual­laatigigaan­ni siun­nersuut una eq­qarsaatigineqarsin­naavoq: „Kamaammernaveersaartarniarit sianiitsut kisimik kamaammiasuusarmata.“²⁵ Soorunami ilaatigut kaman­nis­samut pis­sutis­saqar­tar­poq. „Kamassimariannguaritsi, kisiannili ajortuliornasi. Seqineq tarrisinnaveersiuk narrutsassimanissinni“,²⁶ itsaq al­laaserin­nit­tar­tut ilaat taama al­lap­poq. Misigis­suseq taama sak­kor­tutigisoq qanoq nununeqarsin­naava? „Inuk silatussusiata kamajaatsunngortittarpaa, pingaartittaqaa unioqqutitsisimasut asattuunneqarnissaat.“²⁷ Qajas­suus­sinis­samut pis­sutis­saqar­pa? Im­minut ima aperisoqarsin­naavoq: ’Sooq taamaalior­pa?’ Siuneqas­suseqaler­niar­nerup saniatigut pis­sutsit al­lat kaman­nermik nunutitsisin­naasut ineriar­tor­tin­neqarsin­naap­put. „Atiniarsigit nallittuingaarneq, ajunngissuseq, nikanartinneq, qanilaarneq naammagittassuserlu. Kamageqatigiigitsi isumakkeerfigeqatigiittarlusilu arlassinnut assuarliutissaqaraangassi . . . tamakkuali tamarmik qaavatigut atiniarsiuk asanninneq, tassaammat naammalluinnassutsip qilerutaa.“²⁸ Aap, inuit akun­nermin­ni ajor­nar­torsiutigiligar­pas­suatik asan­nin­nik­kut qaangersin­naasar­paat.

¹² Al­lanut at­taveqarluaan­nar­nis­sar­put oq­qap ajor­nakusoor­tun­ngor­tip­paa. Oqaatsit mak­ku ilumoorluin­nar­put: „Inoqanngilarli oqqamik naalatsitsisinnaasumik. Oqaq ajortumeeriniartuartuuvoq toqunartumillu toqussutaasartumik ulikkaarluni.“²⁹ Siun­nersuut una eq­qaamas­sal­lugu aam­ma iluaqutaas­saaq: „Kinaluunniit tusarasuartarli, kisianni oqalukkumaataartuulluni kamajaatsuullunilu.“³⁰ Eq­qis­sisimaan­nar­niaraluarluni ilumoor­tup ilaan­naanik oqalut­tuar­nis­saq mianersuutigisariaqar­poq. „Angernersi imaassaaq: Aap, naaggaarnersilu: Naagga. Taakkununnga ilanngunneqartut ajortumit pipput.“³¹

¹³ Qanoq al­lanut at­taveqarluaan­nar­toqarsin­naava? Najoq­qutas­siami uani siun­nersuut malugerias­sagit: „Tamassi immikkut nammineq iluaqutissarsi pinnagu inoqatississaaq iluaqutissaat isumagisiuk.“³² Taamaalioraan­ni ’maleruagas­samik ator­tuujuaan­nar­tumik’ taasaq una malin­neqas­saaq: „Taamaattumik: Inunnut qanorluunniit iliorfigeqqugussi ilississaaq taamatut iliorfigisigit.“³³

¹⁴ Uippakajaarneq: Silarsuarmi uip­pakajaarfiusumi misigis­sutsik­kut qanoq oqimaaqatigiis­saariuar­toqarsin­naava? „Uummatikkut nuannaarnerup kiinaq saamasunngortittarpaa, uummatikkulli aliasunnerup nikallunganeq ilagisarpaa.“³⁴ Najoq­qutas­siat eq­qor­tuusorisagut al­lanit sumigin­nar­neqaraangata nuan­naarun­naar­toqariaan­naavoq. Oqaatsil­li mak­ku eq­qarsaatigis­sal­lugit pitsaas­saqaaq: „Iluarniarpallaarniaqinak ingasattumillu ilisimaniarnak. Soormi imminut aserorniinnassavit?“³⁵ Imaas­sin­naavoq ul­luin­nar­ni isumakuluutit naal­liuutigineqar­tut. Qanoq ilior­toqarsin­naava? Man­na eq­qaamajuk: „Isumakuluuteqarnerup inuup uummataa artorsaatissittarpaa, qiimmassaallunili oqaaserisat nuannaalersittarpaat.“³⁶ ’Qiim­mas­saal­luni oqaasis­sat’ inus­siar­nersut eq­qarsaatigeq­qis­saar­neqarsin­naap­put. Nikal­lor­nar­tumik nalaataqaraluarluni ajun­ngitsumik isigin­nit­taaseqar­neq peq­qin­nar­poq: „Uummatikkut nuannaarneq peqqinnartuuvoq, nikallunganerulli saarngit isseerutitittarpai.“³⁷ Al­lat soqutigin­nin­ngin­neri nikal­luutigigaan­ni kajumis­saarut una malin­niarsarineqarsin­naavoq: „Tunisineq pilluarnarneruvoq tigusinermit.“³⁸ Ajun­ngitsumik isigin­nit­taaseqaraan­ni uip­pakajaar­neq qaangerluar­neqarsin­naaneruvoq.

¹⁵ Isumaqar­pit oqaatsit silatuut tamak­ku uagut ukiuni 2000-k­kun­ni inuusugut iluaqutigisin­naagivut? Oqaatsit taak­ku atuak­kamit pisoqarujus­suarmeersuup­put, tas­sa Biibilimit. Sooq Biibili al­lat pin­nagit siun­nersor­tis­sarsiorfigis­savar­put? Ilaatigut Biibilimi najoq­qutas­siat pif­fis­sap ingerlanerani atorsin­naajuarsimam­mata. Aap­pariit Japanimiut Yasuhiro aam­ma Kayoko as­sersuutigeriar­tigit. Ar­nat angutil­lu naligiis­sitaanis­saat soqutigisaraat, Kayokolu naar­tulermat aatsaat katil­lutik. Sivitsorian­ngitsoq aningaasatigut ajor­nar­torsiuleramik, misigileramil­lu im­min­nut naleq­quk­kun­naarlutik avip­put. Kingusin­nerusuk­kut Jehovap Nalunaajaasui peqatigalugit Biibili tamarmik im­mik­kut aap­parmik nalusaan­nik misis­suler­paat. Tamarmik im­mik­kut malun­nar­tumik al­lan­ngor­nitik malugileramik­kit kateq­qin­niarlutik aalajanger­put. Ajor­nar­torsiutaarutin­ngil­lat, maan­nali Biibili tun­ngavigalugu najoq­qutas­saqaleramik ajor­nar­torsiutit qaanger­niarlugit marluul­lutik pil­liuteqariaan­nan­ngor­put. Biibilimi najoq­qutas­siat malil­lugit inuul­luni ingerlal­luar­nar­toq Jehovap Nalunaajaasuini takuneqarsin­naavoq. Inuit taak­ku Biibili malil­lugu inuuniarsarisut ilisarisimaler­niarlugit ataatsimiin­nerisa ilaat soormi najuuf­figiguk­ku?

¹⁶ Siun­nersuutit siuliani taaneqar­tut ilisimas­sutsip atoriaan­naap kil­leqan­ngitsup Biibilimiit­tup, paasis­sutis­sal­lu nalis­saqan­ngitsut ilaminiin­nan­nguarai. Jehovap Nalunaajaasui pis­sutis­saqarluarlutik Biibilimi najoq­qutas­siat inuunermin­ni ator­paat. Suut peq­qutaanersut Biibilimilu tun­ngaviusut soormi paasiniar­nian­ngiligit?