Jiisusi decembarimi inunngorpa?

BIIBILIMI oqalut­tuarineqan­ngilaq qaquguk­kut Jiisusi inun­ngorsimanersoq. Biibilili naaper­torlugu pis­sutis­saqarluar­pugut isum­mis­sal­luta taan­na decembarimi inun­ngorsiman­ngitsoq.

Il­loqarfim­mi Jiisusip inun­ngorfiani, Betlehemimi, ukiup taamaalinerani sila qanoq it­tar­pa? Juutit qaam­matisiutaan­ni kislevip qaam­mataani (tas­sa novembarimi/decembarimi) qiianarlunilu sial­lerajup­poq. Qaam­matip tamatuma tul­lia tebeti (decembari/januaari) tas­saavoq ukiup qaam­mataa nil­ler­ner­paasar­toq, qaam­mam­milu tamatumani nunap qatsis­sor­taani al­laat apisin­naavoq. Paasiniariar­tigu nunami tamatumani silap pis­susia pil­lugu Biibilimi qanoq al­las­simasoqar­nersoq.

Biibilimik al­lat­tup Ezrap ersersip­paa kislevip qaam­mataani qiianarlunilu sial­lerajun­nera ilisimaneqar­toq. Inup­pas­suit “qaam­matit qulingiluaata [kislevip] ul­luisa 20-an­ni” Jerusalemimi katersuun­nerat eq­qaareerlugu Ezrap al­laatigaa inuit ‘sialuk uulis­sutigigaat’. Katersuut­tut ukiup taamaalinerani sila pil­lugu ima oqar­put: ‘Sial­lersarfiup naligaa. Maani qeqar­tuaan­narsin­naan­ngilagut.’ (Ezra 10:9, 13; Jeremia 36:22) Tupin­nan­ngilaq savanik paarsisut tamaani najugaqar­tut decembarimi un­nuak­kut isersimasarmata savaatimil­lu silamiin­ngin­nis­saat isumagisarmas­suk.

Biibilimili iivangkiiliumik al­lat­toq Lukasi oqalut­tuar­poq un­nuami Jiisusip inun­ngorfiani savanik paarsisut Betlehemimut qanit­tumi “narsaam­miil­lutik un­nuami pigaar­tut savaatitik paaralugit”. (Lukasi 2:8-12) Malugiuk paarsisut savaatitik narsaam­mi unnuakkut paarigaat. Savanik paarsisut silamiin­nerata taamatut al­laatigineqar­nera decembarip qaam­mataani Betlehemimi qiianarlunilu sial­lerajut­tar­neranut naaper­tuup­pa? Naamik. Pis­sutsinit Jiisusip inun­ngor­nerani atuut­tunit erser­poq taan­na decembarimi inun­ngorsiman­ngitsoq.a

Guutip oqaasiani paasitin­neqar­pugut qangar­piaq Jiisusi toqusimasoq, kisian­ni qanga inun­ngorsimanera pil­lugu sukumiisunik paasis­sutis­saqan­ngilaq. Kun­ngip Salomop oqaasiinik ukunin­nga eq­qaasin­neqar­pugut: “Ajun­ngitsumik tusaamaneqar­neq pitsaaneruvoq tar­num­mit uuliamit akisuumit; ul­loq toquf­fik pitsaaneruvoq ul­lormit inun­ngorfim­mit.” (Oqaluus­sisar­tup oqaasii 7:1) Taamaat­tumik tupin­nan­ngilaq Biibili Jiisusip kif­far­tor­nera toquneralu pil­lugit paasis­sutis­sar­pas­suaqarmat, pif­fis­sarli inun­ngorfia pil­lugu ikit­tuin­nar­nik paasis­sutis­saqarluni.