Saatani tusarnaarpaat — qanoq kinguneqarpa?

Adami Evalu Guutimut naalanngikkamik toqupput. 1 Mosesi 3:6, 23

Evap pulateriaarsuk tusarnaarpaa orpiullu paarnaanik nerilluni. Aamma Adami tunivaa, taannalu nerivoq.

Iliuuserisaat eqqunngitsuliorneruvoq — ajortuliorneruvoq. Guutip taakku Paratiisimit anisippai.

Inuuneq taakkununnga qitornaannullu erloqinarsivoq. Utoqqalillutillu toqupput. Qilalianngillat; piujunnaarput.

Toqungasut issutulli uumassuseqanngitsigipput. 1 Mosesi 3:19

Inuit toqusarnerat Adamimut Evamullu kinguaajunerannik pissuteqarpoq. Toqungasut takunnissinnaanatillu tusaasinnaanatillu sunnguamilluunniit iliorsinnaanngillat. — Oqaluussisartup oqaasii 9:5, 10.

Inuit toqunissaat Jehovap siunertarinngilaa. Qanittukkut sinippaartut makitissavai. Guuti tusarnaarunikku naassaanngitsumik inuussapput.