Paratiisimi inuuneq qanoq ippa?

Jehovap Adamimut Evamullu ajunngitsorpassuit tunniuppai. 1 Mosesi 1:28

Jehovap arnaq siulleq, Eva, pinngortippaa, Adamimullu tunniuppaa nuliartaareqqullugu. — 1 Mosesi 2:21, 22.

Jehovap isumakkut timikkullu naammalluinnartuutillugit pinngortippai, ajoquteqanngivipput.

Naatsiivimmi Edenimi, Paratiisimi, najugaqarput. Alianaalluinnarpoq. Kuussuaqarpoq orpeqarlunilu paarnalinnik uumasoqarlunilu.

Jehovap inuit oqaluullugillu ilinniartittarpai. Taakkua taanna tusarnaartarlugulu naalattarunikku nunarsuarmi Paratiisiusumi naassaanngitsumik inuussapput.

Guuti oqarpoq orpiit ilaat ataasiinnaq neriffigissanngikkaat. 1 Mosesi 2:16, 17

Jehovap orpik paarnalik naatsiivimmiittoq Adamimut Evamullu takutippaa oqarfigalugillu neriffigigunikku toqussasut.

Inngilit ilaat Guutimut pikitsitsivoq. Inngili ajortoq taanna tassaavoq Saatani Diaavulu.

Saatanip kissaatiginngilaa Adamip Evallu Jehova naalassagaat. Taava pulateriaarsuk oqalutsillugu Eva oqarfigaa paarnamik orpimmiittumik neriguni toqunani Guutisut ilerumaartoq. Tamanna soorunami salluliorneruvoq. — 1 Mosesi 3:1-5.