Jeremia Jehova pillugu oqaluussiuarpoq

Jehova pillugu oqalukkaangatta ilaannikkut inuit illaruaatigisarlutalu kamaattarpaatigut. Tamanna pissutigalugu Guuti pillugu oqalukkusuk­kunnaar­sinnaa­vugut. Taamatut misiginikuuit? — Biibilimi angut inuusuttoq Jehovamik asannittoq Jeremiamik atilik oqaluttuarineqarpoq. Taanna Jehova pillugu oqaluussiun­naarusuk­kaluarpoq. Jeremia pillugu paasisaqariarta.

Jehovap Jeremia inuusuttuusoq peqquaa Judamiunik ajortulio­runnaaq­qusissasoq. Jeremia tamanna sapernartit­torujus­suullugulu annilaangavoq. Jehovamut ima oqarpoq: ‘Inuusuttuaraan­naagama qanoq oqassanerlunga naluara.’ Jehovalli ima akivaa: ‘Ersissanngilatit uanga ikiorumaarakkit.’

Taamaattumik Jeremiap Judamiut mianersoq­qulerpai ajortuliortuaan­narunik pillarneqa­rumaartut. Inuit Jeremiap oqarneratut iliorsoraagit? — Naamik. Jeremia illaruaatigalugulu kamaappaat. Ilaasa allaat toqukkusuppaat! Jeremia qanoq misigisimas­sasoraajuk? — Annilaangavoq imalu oqarluni: ‘Jehova pillugu oqaloqqinnian­ngilanga.’ Tunniutiinnarpali? — Naamik. Jehova asangaaramiuk taanna pillugu nipangersin­naanngilaq. Jeremia tunniutiin­nanngimmat Jehovap ikiorpaa.

Ilaanni angutit ajortut Jeremia itersaliamut itisuumut marullulimmut igippaat. Nerisassaqarnanilu imigassaqanngilaq. Angutit taakkua Jeremia toquniassammat itersaliami itisuumi qimaannarpaat. Jehovalli ikiuineratigut aniguivoq!

Jeremia qanoq ilinniar­figisin­naaviuk? — Ilaannikkut annilaangasa­raluarluni Jehova pillugu oqaluussiuarpoq. Jehova pillugu oqalukkaangavit inuit illaruaatigisin­naallutillu kamaassinnaavaatsit. Kanngusulersinnaavutit annilaanga­lerlutil­luunniit. Jehovali pillugu oqaluussiuarit. Taassuma Jeremiamik ikiuinermisut ikiortuaan­nassavaatit.