Siulersuisoqatigiinnit allakkat

Asasarput uppeqaterput:

Nalun­ngisatsitut Biibilimi inuit al­laatigineqar­nerup­put. Angutit ar­nal­lu eq­qaaneqar­tut amerlanerit aalajaatsuup­put uatsitul­li unam­miniagaqar­tarlutil­lu ‘misigis­suseqar­tut’. (Jaaku 5:17, NW) Ilaasa ajor­nar­torsiutit an­nilaanganerlu naner­tisimas­sutigisar­paat. Al­lat ilaqut­tamin­nit up­peqatimin­nil­luun­niit aliatsatsin­neqangaarsimap­put. Amerlasuul­lu kuk­kus­sutigisimasatik ilerasuutigiuar­paat.

Taak­kua Jehova qimal­luin­nar­paat? Naamik. Tus­siaasior­tutut ima qinusutut ip­put: “Savatut tam­mar­tutut angalaan­nar­punga. Kif­fat ujaruk, peq­qus­sutitim­mi puiorsiman­ngilak­ka.” (Tus­siaat 119:176, NW) Misigis­sutsit taak­ku ilisar­nar­pat?

Jehovap pal­lorfigin­nitsini savat ungalusaan­nit qimagus­simasut puiun­ngisaan­nar­pai. Amerlaner­tigul­li up­peqataat aq­qutigalugit uter­nis­saan­nut kajumis­saar­tar­pai. As­sersuutigalugu Jehovap kif­fani Jobi, alianar­tor­pas­suar­nik – soorlu aningaasaqar­nik­kut ajor­nar­torsior­nermik, asasanik toqusoor­nermik nap­paateqaler­nermil­lu – nalaataqar­toq qanoq ikioraa eq­qarsaatigiuk. Jobip im­minik tapersersuisus­saagaluit oqaaserisaat an­ner­nar­tut naam­magalugit ator­pai. Kuk­kusumil­li eq­qarsar­taaseqaleraluarluni Jehova tunun­ngisaan­nar­paa. (Jobi 1:22; 2:10) Jobi oqimaaqatigiis­saareq­qiler­nias­sam­mat Jehovap qanoq ikior­paa?

Jehovap Jobi as­sigiin­ngitsutigut, ilaatigut up­peqataa Elihumik atilik aq­qutigalugu, ikior­paa. Jobip isumakuluutai tusar­naaq­qis­saareerlugit Elihu oqaaseqarusuler­poq. Qanormita oqaaseqas­sava? Jobi isor­nar­torsius­savaa imaluun­niit pisuusutut misigitin­neratigut kan­ngusutsin­neratigul­luun­niit sun­ner­nias­savaa? Elihu eq­qarsar­pa Jobimit pingaaruteqar­nerul­luni? Naamerluin­naq! Elihu Guutip anersaavanit kajumis­sisin­neqarluni ima oqar­poq: “Marluul­luta Guutimut as­sigiip­pugut, uangat­taaq marrarmit sanaajuvunga.” Taava Jobi ima neriorsor­paa: “Uan­nut ersiner­pit qunul­lersis­san­ngilaatit, naqisimanian­ngilak­kit.” (Jobi 33:6, 7) Elihup Jobi suli an­nerusumik naner­tuuser­nagu asan­nil­luni pisariaqar­titaanik siun­nersorumal­lugulu qiim­mas­sarumavaa.

Periuseq taman­na atorlugu qup­persak­kap matuma suliarineqarsimanera erseq­qis­sarusup­par­put. Siul­lermik qimaguk­kiar­torsimasut arlal­lit atugarisaat oqaaserisaal­lu eq­qarsaatigeq­qis­saar­pavut. (Us­satit 18:13) Taava Jehovap siulersuinis­saanik qin­nuigeriarlugu itsaq in­nut­taminik taamatut atugalin­nik qanoq ikiuisar­nera paasiumal­lugu oqalut­tuanik Al­lak­kani Il­ler­nar­tuniit­tunik misis­sueq­qis­saar­pugut. Naggataatigut Biibilimi oqalut­tuat taak­ku nalitsin­nilu misigineqar­tar­tut tun­ngavigalugit qup­persagaq una suliarivar­put. Biibililersaarutip matuma misis­soq­qis­saar­nis­saanut kajumis­saar­patsigit. Qularin­ngisaan­naruk uatsin­nit asaneqangaar­nerit.

Jehovap Nalunaajaasuisa Siulersuisoqatigiivi