Atoqateqarnissamut tatineqaruma sussaanga?

ILLIT QANOQ ILIUSSAGALUARPIT?

Ima pisoqar­toq takorlooruk: Panin­nguup Inuk qaam­matini marluin­nar­ni peerarisimavaa, taamaat­torli misigivoq nalun­ngit­tuarsimal­lugu. Al­laqatigiit­tuaan­nar­put, oqarasuaatik­kut tiimer­pas­suar­ni oqaloqatigiit­tar­put al­laal­lu aap­paata oqaatiginiagaa nalun­ngereer­tarlugu! Maan­nali Inuup oqaloqatigiit­tar­ner­tik naam­magiun­naar­paa.

Qaam­matini marlun­ni kingul­ler­ni Inuk Panin­nguarlu taamaal­laat tasior­tarlutil­lu apal­latsiar­tar­put. Panin­nguaq taak­kua saniatigut iliuuseqarusun­ngilaq. Angutaatimili im­mik­korluin­naq pin­nersutut misigitit­tarmani an­naarusun­ngilaa. Ima eq­qarsar­poq: ‘Aam­mami Inul­lu asaqatigiip­pugut ...’

Peeraqarsin­naalersimaguit Panin­nguatul­lu misigisaqarlutit qanoq ilius­sagaluar­pit?

UNILLUTIT EQQARSARIT!

Pin­ngor­titap inatsisaa, soorlu nunap nutsuinerata inatsisaa, suusupagiguk­ku iliuutsivit kinguneri naal­liuutigis­savatit. Taman­na aam­ma misigis­savat ileq­qoris­saar­neq pil­lugu inatsit, soorlu uunga tun­ngasoq, suusupagiguk­ku: ‘Kinguaas­siuutitigut inuunerlut­tuus­san­ngilasi.’ – 1 Thes­salonikamiut 4:3.

Peq­qus­sutip tamatuma naalan­ngin­nera qanoq kinguneqas­sava? Biibilimi al­las­simavoq: “[Kinguaas­siuutitigut] inuunerlut­toq nam­mineq timiminut ajor­tulior­tar­poq.” (1 Korinthimiut 6:18) Sooq taama oqarsin­naavugut?

Ilisimatuut paasisimavaat inuusut­tor­pas­suit katis­simanatik atoqateqarsimasut amerlaner­tigut ukua ilaan­nik kingunerlutsitsisar­tut.

• ALIASUNNEQ. Inuusut­tut katis­simanatik atoqateqar­tut amerlanerit oqar­tar­put peq­qis­simil­lutik.

• TATIGISAQANNGINNEQ. Atoqatigiin­nerup kingor­na eq­qarsaler­tar­put: ‘Kina al­la aamma atoqatigereer­paa?’

• PAKATSINEQ. Ar­nat inuusut­tor­pas­suit qamuuna iluk­kut kis­saatigisar­paat il­ler­suisus­samin­nik, ator­nerluisus­samiun­ngitsoq, naapitsinis­sar­tik. Aam­ma angutit inuusut­tor­pas­suit ar­naq atoqatigisimasar­tik kajungerin­ngin­nerusar­paat.

• Inerniliineq: Katis­simanak atoqateqar­nis­samut nak­kaan­naruit im­minut nikanarsas­saatit erlin­nar­tumil­lu an­naasaqarlutit. (Romamiut 1:24) Timit erlin­nar­tuuvoq, al­lanit ator­nerlutseqinagu!

‘Kinguaas­siuutitigut inuunerlut­tuun­ngin­nis­samut’ inut­tut nukit­tul­lutit takutiguk. (1 Thes­salonikamiut 4:3) Kingusin­nerusuk­kut katik­kuit atoqateqar­sin­naavutit. Katis­simanatik atoqateqar­tut as­siginagit tamak­kiisumik nuan­naarlutit, isumakuluuteqar­nak, peq­qis­siminak toq­qis­sisimal­lutil­lu atoqateqarsin­naas­saatit. – Ussatit 7:22, 23; 1 Korinthimiut 7:3.

ILLIT QANOQ ISUMAQARPIT?

• Ilin­nik ilumoorluni asan­nit­toq timik­kut misigis­sutsik­kul­lu peq­qis­sutsin­nik navianar­torsior­titsis­sava?

• Ilin­nik ilumoorluni asan­nit­toq Guutimut at­taveqar­nin­nik navianar­torsior­titsis­sava? – Hebræerit 13:4.