Immikkoortoq 4-mut aallarniut
Immikkoortumi uani Juuserfi, Juubi, Moorsisi Israalikkullu ilisaritinneqassapput. Taakku tamarmik Diaavulumit misilinneqarput. Ilaat naapertuilluanngitsumik pineqarput, parnaarussaapput, inussiaataapput tassanngaannarluunniit qanigisaminnik toqukkut annaasaqarlutik. Jehovallu assigiinngitsutigut ikiorpai. Angajoqqaajuguit meeqqat paasitiguk Jehovamut kiffartortut taakku artornartunik aqqusaagaqaraluarlutik qanoq uppernertik attatiinnaraat.
Jehovap perluit qulit atorlugit takutippaa Egyptenimiut guutiinit pissaaneqarnerungaarluni. Erseqqissaruk Jehovap qanoq itsaq innuttani illersortarai qanorlu ullumikkut illersortarai.