Ajoqersuinermi assersuusiorneq

Matt 13:34, 35

EQIKKAANEQ: Tusar­naar­tin­nut soqutiginar­tunik pingaarutilin­nil­lu ajoqersuus­sutitalin­nik paasiuminar­tumik as­sersuusior­nik­kut ajoqersuinerit pitsaanerulersiguk.

QANOQ TAAMAALIORSIN­NAASUTIT:

• Paasiuminar­tunik as­sersuusiorit. Jiisusitut pingaarutil­lit nas­suiar­niarlugit nalingin­naasut atuk­kit, paasiuminaatsul­lu paasiuminar­tut atorlugit nas­suiak­kit. Im­mik­kuualut­tor­tat pisariaqan­ngitsut as­sersuusiamik paasiuminaal­lisitsisut ilan­nguteqinagit. Tusar­naar­titit paatsiveerutin­ngin­nias­sam­mata as­sersuusian­ni im­mik­koor­tut eq­qaasavit ilin­niutis­samut tun­ngasuunis­saat qulak­kiis­savat.

• Tusar­naar­tivit suut iluaqutigis­sagaat eq­qar­saatigiuk. Tusar­naar­tivit sam­misar­tagaan­nut soqutigisaan­nul­lu tun­ngasunik as­sersuusior­tarit. Peq­qusiileqilersitsisumik narrujuum­milersitsisumil­luun­niit as­sersuusiun­ngin­nis­sat eq­qumaf­figis­savat.

• Pingaar­neq ajoqer­suus­sutigiuk. Im­mik­kuualut­tor­tat pin­nagit pingaar­nerit pil­lugit as­sersuusior­nis­sat eq­qumaf­figiuk. Tusar­naar­tivit as­sersuut eq­qaamaan­nar­nagu ilin­niutis­sar­taanik eq­qaaman­nin­nis­saa qulak­keeruk.