Ilinniartitsinitsinnut pitsanngoriaataasinnaasut pingasut
1. Sooq ilinniartitsinerput pitsanngorsartariaqarparput?
1 Oqaluussisartut tamarmik ilinniartitsisuupput. Pulaarnermi siullermi imaluunniit pulaaqqiinermi soqutiginninnermik ineriartortitseqqinniarluta Biibilimilluunniit atuaqqissaaqateqarnermi ilinniartitsisarpugut. Ilinniartitsinerpullu immikkorluinnaq ittuuvoq. “Allakkat Illernartut” inunnik ‘annannissamik ilisimassuseqalersitsisinnaasut’ nassuiartarpavut. (2 Tim 3:15) Pisinnaatitaaffik nuanningaarami! Ilinniartitsinitsinnut pitsanngorsaataasinnaasut pingasut misissoriartigit.
2. Qanoq paasiuminartumik ilinniartitsisinnaavugut?
2 Paasiuminarsaaneq: Sammisarput ilisimalluarutsigu ilisimanninngitsunut qanoq paasiuminaatsigisinnaasoq puiupallassinnaavarput. Taamaattumik Biibilimik atuaqqissaaqateqarnermi pisariaqanngitsorpassuarnik ilanngusseqinak. Akerlianilli pingaarnerit saqqummiutikkit. Ilinniartitsinermi oqaluppallaarneq iluaqutaaneq ajorpoq. (Uss 10:19) Nalinginnaasumik allassimaffiit pingaarnerit atuassallugit naammattarpoq. Allassimaffimmik atuaareernermi sammisamut tunngassuteqartut kisiisa sammikkit. Qaqqami oqaluuseq Matthæusi kapitalit 5-imiit 7-imut allaaserineqartoq sallusuissutsinik itisuunik imaqarpoq, taamaakkaluartorli Jiisusi oqaaserpassuit atunngikkaluarlugit paasiuminartumik ilinniartitsisinnaasimavoq.
3. Sooq assersuusiortarneq pitsaasuua qanorlu ilioraanni ajunnginnerussava?
3 Assersuusiorneq: Assersuusiornikkut eqqarsaatit misigissutsillu sunnerneqartarput eqqaamanerulersitsisarlutillu. Torrattunik assersuusiorniarlutit oqaluttuallaqqissuusariaqanngilatit. Jiisusi annikitsunik paasiuminartunillu assersuusiortarpoq. (Matt 7:3-5; 18:2-4) Pappilissamut titartaaneq aamma atorluarneqarsinnaavoq. Eqqarsarlualaarnikkut assersuusiorluarsinnaavutit.
4. Apeqqutit qanoq atorluartarsinnaavavut?
4 Apeqquteqarneq: Apeqqutit atuaqqissaaqatit eqqarsalersittarpaat. Taamaammat apeqquteqareeraangavit erinitsajuillutit utaqqisarit. Apeqqutitit nammineq akiniapallattarukkit atuaqqissaaqatit qanoq paasisaqartigisimanersoq paasinavianngilat. Kukkulluni akippat, naqqinnagu apeqqutinik allanik apeqquteqarnikkut eqqortumik paasisaqarnissaanut ikiorsinnaavat. (Matt 17:24-27) Arlaannarpulluunniit kukkujuitsuunngilaq. Taamaammat ilinniartitsinitsinni pimoorussiuarnissatsinnut Biibilimi kajumissaarneqarpugut. Taamaaliorutta uagutsinnut tusartitsinnullu naassaanngitsumik iluaqutigissavarput. — 1 Tim 4:16.