Naammagittarneq

Jiisusi qanoq iliortoq

VIDEO: Jiisusip nukkani naammagit­tarluni ikioraa

1. VIDEO isiginnaaruk, imaluunniit Johannesi 7:3-5 aamma Korintimiunut 1. 15:3, 4, 7 atuakkit. Apeqqutillu uku eqqarsaatigikkit:

1. Jiisusip qatanngutai taassuma oqariar­tuutaanut qanoq qisuariaq­qaarpat?

2. Jiisusip nukkaminik Jaakumik ikiuiuarnera qanoq erserpa?

Jiisusi sumik ilinniarfigaarput?

2. Inuit ilaasa uppertun­ngornissaat naammagit­tarluta utaqqisariaqarparput.

Jiisusi ilaaruk

3. Allatut periaaseqarit. Pulaaqqittagaq aallaqqaataani Biibilimik misissueqatigineqar­nissaminut nangaas­suteqarpat kimigiiserfigis­sanngilat. Tulluaraangat videut allaaserisal­luunniit atorlugit nassuiaas­sinnaavat Biibilimik pikkorissarneq qanoq ingerlan­neqartartoq qanorlu iluaqutigisinnaagaa.

4. Allanut sanilliun­naveersaarit. Inuit tamarmik immikkut immikkuul­larissuupput. Pulaaqqittagaq ilaqutarluunniit Biibilimik misissueqatigineqar­nissamut nangaas­suteqarpat Biibilimiluunniit ilinniar­titsissutigineqartumik akueriuminaatsitaqarpat eqqarsaatigiuk sooq taama isumaqartoq. Pingaar­titaminik upperisaqarpa? Ilaquttaminit saniliminil­luunniit akerlilersor­neqarpa? Illit oqaaserisimasavit Biibilimilu ilinniar­titsissutigineqartut eqqarsaatiginis­saannut piffissaqar­tittaruk.

5. Soqutiginnittoq pillugu Jehovamut qinusarit. Isumalluar­tuujumallutit ataqqin­nittuujuarumal­lutillu Jehovamut ikioqqusarit. Soqutigin­nippian­ngitsumut pulaaqqiisarun­naassanerlutit naliliisin­naassusermik Jehova qinnuigisaruk. – Kor 1. 9:26.