KRISTUMIUTUT INUUNEQ
Oqaluussinermi pikkorinnerulerit – Filmit atorlugit ilinniartitsinikkut
SOOQ PINGAARUTEQARTOQ:
Filmit isigisinnaasat tusaasinnaasallu iluaqutigalugit inuit uummataannik killiisinnaapput. Tamanna malinnaanissamut eqqaamasaqarnissamullu iluaqutaavoq. Jehova takussaasut atorlugit ilinniartitsinermi maligassaalluarnerpaavoq. – ApS 10:9-16; Saqq 1:1.
Filmit Guuti ateqarpa?, Kina Biibilimik atuakkiortuua? aamma Sooq oqartoqarsinnaava Biibili Guutimeersuusoq? quppersakkami Tusagassat nuannersut-mi ilinniagassanut 2-mut 3-mullu iluaqutissatut suliaapput. Filmit Sooq Biibilimik atuaqqissaartariaqarpit?, Qanoq Biibilimik atuaqqissaartoqartarpa? aamma Naalagaaffilersaarfimmi susoqartarpa? Biibilimik atuaqqissaartalernissamut ilagiilluunniit ataatsimiinneranni najuunnissamut kajumissaarutaapput. Aamma filmit takinerit ilaat Biibilimik atuaqqissaaqatigisartakkat ilinniartinniarlugit atorneqarsinnaapput. – km 5/13 qupp. 3.
QANOQ TAAMAALIORSINNAASUTIT:
Filmi pulaakkamut takutikkusutat oqaluussinnginninni aajuk
Apeqqut ataaseq marlulluunniit filmimi akineqartut eqqartorusutatit eqqarsaatigikkit
Filmi isiginnaarsiuk
Pingaarnerit eqqartorsigit
UNA MISILIGUK:
Naqitaaqqap tunuani QR-kodeq filmimut Sooq Biibilimik atuaqqissaartariaqarpit?-mut innersuussisoq takutiguk
Filmi Sooq oqartoqarsinnaava Biibili Guutimeersuusoq? takutiguk quppersagarlu Tusagassat nuannersut tunniuteriarlugu ilinniagassaq 3 sammiuk