Aalajangiusimanninneq

Jiisusi qanoq iliortoq

VIDEO: Jiisusip Nikodiimusi ilinniartikkaa

1. VIDEO isiginnaaruk, imaluunniit Johannesi 3:1, 2 atuakkit. Apeqqutillu uku eqqarsaatigikkit:

1. Sooq Nikodiimusi Jiisusimut unnuakkut saaffigin­nikkumasoraajuk? – Johannesi 12:42, 43 takukkit.

2. Jiisusip qanoq ersersippaa Nikodiimusimik ilinniar­titsinissaq aalajangiusimallugu?

Jiisusi sumik ilinniarfigaarput?

2. Inuit asagatsigit ilinniar­tittuar­nissaat aalajangiusimavarput.

Jiisusi ilaaruk

3. Ilinniartitat sumiiffimmi piffissamilu iluarisaani ilinniar­tittaruk. Ulloq sorleq aamma ullup qanoq ilinerani piffissaqartarpa? Suliffimmini, angerlarsimaf­fimmini imaluunniit sumiiffimmi allami misissueqatigineqarusuttarpa? Iluarisaanut sapinngisannik naleqqus­sartarit.

4. Akuttoqatigiimmik misissueqatigiit­taritsi. Aallassagaangavit uku eqqarsaatigisakkit:

1. Sapaatip-akunnerata ingerlanerani ullormi allami piffissaqarpisi?

2. Oqarasuaatikkut imaluunniit internetikkut misissueqatigiis­sinnaavisi?

3. Allap misissueqatigisinnaavaa?

5. Eqqortumik isiginnit­taaseqarnissat qinnutigisaruk. Ilinniar­titavit akuttoqatigiimmik misissueqatigiit­tarnersi ajornakusoor­tippagu imaluunniit ilikkakkani maleruaruminaatsippagu ilinniar­titsiuarnissat aalajangiusimaq­qullugu Jehova qinnuigisaruk. (Flp 2:13) Ilinniar­titavit pissusii ajunngitsut isiginiar­nerujumallugit Jehova qinnuigisaruk.