Gûtip okausia ûmavok

inuit avdlat kunugaigit?

„JEHOVAP NALUNAIAISSUE kristumiũngitdlat,“ niviarsiaraĸ atuartoĸ ássilíssame talerpingmĩtoĸ takussat oĸarpoĸ. „jûtdlisiortángitdlatdlũnît!“ atuartut avdlátaoĸ Jehovap nalunaiaissue ugperissaitdlo mitautigilerpait.

oĸarta ivdlit Jehovamut nalunaiaissûssutit inûsugtoĸ tamákualo taimatut oĸarneráne najuissutit. atuaĸativit naluvât jûtdle Gûtimik nalussut nagdliútorssuarigât kristumiutdlo sujugdlît nagdliútorsiutigineĸ ajorât.a ãmátaoĸ naluvât Jehovap nalunaiaissuinut únerdlũssíssutigissat avdlátaoĸ ilumũngitsut. oĸarta atuaĸativit ilât ilingnut sâgdlune avdlatdlo tusâssãnik oĸartoĸ: „ivdlit Jehovap nalunaiaissuisa ilagãtit, ilâ?“ tauva ĸanoĸ akísagaluarpiuk?

taimatut pissoĸásagpat píssuseĸásautit Jesus Kristusip toĸutaunigssâ aĸagútoĸ únuaĸ apustile Peterip píssusianut ássingussumik. únuaĸ táuna Jesus palasiunerup igdluanut erĸúneĸarpoĸ, tássanilo ugperissarsiornerup tungâtigut pissortat katisimáput. Peterip maligpai igdluvdlo silatâne silardliane utarĸivdlune. palasiunerup kivfaisa ilâta arnap Peter takuvâ oĸardlunilo: „unátaoĸ ilagâ.“ Peterivdle miserratigâ.

kingunínguagut avdlap Peter takuvâ oĸardlunilo: „ivdlítaoĸ táukua ilagãtit.“ Peterile oĸarpoĸ: „táunáungilanga.“ nalunaerĸútap akúnera atauseĸ migssiliormago avdlat oĸartalerput: „ilumut táunátaoĸ ilagâ, Galilîamiûvordlume.“ tauva Peter akivoĸ, sôrdlo ássilíssame ĸúpernerup matuma aterpiânĩtume takusínaugit: „oĸautigissat naluvara.“ — Lúkarse 22:54-60; Mákorse 14:53-71.

ilumũngilardle. Peterip Jesus nalúngitsorujugssûvâ. nalunaerĸútap akúnerpâlúngue tamatuma sujornagut Jesus neriorssorĸigsârpâ: „Nâlagaĸ, parnaerússivingmut toĸumutdlo áiparisínãngorpavkit.“ (Lúkarse 22:33) suna píssutigisimanerdlugo Peterip isúmane avdlángortípatdlagpâ? ĸununeĸ. únuamime tássane sagdlusuíssut mumisíneĸarpoĸ. erĸortoĸ erĸúngitsutut isumaĸarfigineĸarpoĸ, pissũngitsordlo pissûssutut isumaĸarfigineĸardlune. Peterip sagdlusuíssut oĸautigíngitsôrpâ inuit avdlat erĸarsautigisínaussait iliûserisínaussaitdlũnît pivdlugit ĸunugigamigit. Gûte erneralũnît, Jesus Kristus, atarĸíngilai.

uvdlumíkut tamatumúnga ássingussumik píssuseĸarĸajâssarpoĸ. Jesus miserratigigamiuk Peterip perĸigsimíssutigingârpâ, isumákêrfigineĸarnigssanilo piumaĸigamiuk isumákêrfigineĸarpoĸ. (Lúkarse 22:61, 62) pitsaunerúsagaluaĸaordle misigissaĸ tamána misigisimángíkaluaruniuk! ivdlit piarêrsimavit ímaĸa nâpitaĸarnigssangnut Peterip misigisimassânut ássingussumik — ímaĸa jûtdlip nalâne? aulajaitsumik aulajangersimavdluínarpit sagdlusuíssut aulajangiúkumavdlugo Jehovalo Gûte erneralo atarĸiumavdlugit, ĸanoĸ pissoĸaraluarpatdlũnît? (wD 15/12 84)

[Quppernerup ataani ilanngussaq]