„ilivse sorssugtũngilase, Gûtile sorssugtûvok“
„Jehovamut . . . ugperitse, . . . tauva iluagtitsiumârpuse.“ — 2 Nalunaerssûtigdlit 20:20, NW.
1. sutigut Josafat Jesusimut kúngiussumut ássersûtauva?
JOSAFAT, Judap kúngia, kúngiuvdluarpoĸ. ’Jehovap iluarissâ nigornago saĸivoĸ.’ (2 nalunaerssûtigdlit 20:32) arĸa isumaĸarpoĸ „Jehova erĸartũssissûvoĸ“. Jehovap arĸa akitsisípâ, iluarnerup avĸutâne táuna sujúnersuissoralugo Gûtivdlo ínugtainik erĸartũssiniarnermine táuna ikiortigalugo. Jehovap inatsisainik inuit ajoĸersorneĸarnigssât táussuma isumagâ. nangminêrdlune judamiut tikerârfigai kajumigsâriartordlugit Jehovamik erĸortumik patdlorfigingningnermut uterĸuvdlugit. nâlagauvfik ârĸigssũssivfigâ teokratî, tássa Gûtip nâlagkersuinera, najorĸutaralugo gûtisiornigssamut. tamákunûnatigut tamatigut ássersûtauvdluarpoĸ kúngimut Jesus Kristusimut 1914-ime ĸilangme igsiavíssârssuarminut ivertíneĸarĸámersumut. mãnákut Jehovap ínugtaisa amiákûvdlutik inûnigssãnut táussuma katerssoriartorpai, íngilipiluitdle píssaunigdlit inuiaĸatigît sorssungnigssamut inârutaussugssamut Harmagedonimut katerssorpait. — Matîuse 25:31-34; sarĸúmersitat 16:13, 14, 16.
2. (a) Judákúne pingâruteĸartumik sumik aulajangersaivfeĸalerpa? (b) tamatumúnga ássingussumik uvdlumíkut Jehovap nalunaiaissue ĸanoĸ píssuseĸarpat? (c) Satanip silarssuâta ilainut sunut Ammoníkut, Moabíkut Se’irivdlo ĸáĸâta inue ássersûtáupat?
2 Judame teokratî najorĸutaralugo ârĸigssũssaunerup atulerserĸitaunera Josafatip sulíssutigerêrmago, pingâruteĸartumik aulajangersaivfik nagdliúpoĸ. agssortuissut píssauneĸangârtut, „ujameriarujugssuit“, Ammonimit Moabimitdlo Se’irimilo ĸáĸanit sorssugkiartorput, Gûtip ínugtai piunêrúneĸarnigssãnik sujôrasârdlugit. (2 nalunaerssûtigdlit 20:1, 2, 22) uvdlumíkut uvagut tamatumúnga ássingussumik píssuseĸarpugut. Jehovap nalunaiaissue, silarssûp inuisa ilagíngingmatik, Satanip silarssuânit ûmigssorneĸarput, Gutivdlo akerainit nãkigtaitsumik malerssorneĸartardlutik. (Juánase 15:19; 1 Juánase 5:19) Josafatip nalâne Jehovap ínugtaisa nunâtigut Judákut (isumaĸartoĸ „únersiutigingningneĸ“) píssauneĸássusigssaĸ akerdlerĩsutauvoĸ. mãnákutdle, itsarssuaĸ Ammoníkut Moabíkutdlo periausiat periauseralugo, nâlagkersuiníkut píssaunigdlit niuverniartutdlo („erĸartûtivfigssa“mut sákugssiortitsissut ilángutdlugit) uvdlumíkumêrsut silarssuarme píssauneĸássuseĸ ingiaĸátáussutigât. taimailiornermíkut nâlagauvfik Gûtip Messiasíkut nâlagauvfiata 1914-imîtdle pissugssavfigissâ akuliuvfigât. (sarĸúmersitat 11:15, 18) itsarssuaĸ Se’irip ĸáĸâ Edomíkut tunússissut, Jakobip mardluliaĸatâta Esaup kinguâvisa, nunagât. taimáitumik Se’irip ĸáĸâta inue nalerĸútumik sujumut ássersûtáuput uvdlumíkut kristumiûnerartunut tunússisimassunut angneruniartunut. — 1 Môrsase 32:3.
3. Josafatip Judákutdlo iliornerata ĸanoĸ ássigâ uvdlumíkut nalunaiaissut ilumôrtut iliornerat?
3 ujameriagssuit nunaminut isânigssât ârdlerĸutiginarmat, kúnge Josafat ĸanoĸ ilioriarsínauva? Jehovap kivfai ilumôrtut tamatigut ĸanoĸ iliortarpat avdlatut ajulerângamik, malerssorneĸarângamik inûnertigdlo navianartorsiorângat? ’Josafatip kĩne sâgtípâ Jehova ujardlugo.’ Judavdlo igdloĸarfînit tamanit inuit ’aggerput Jehova ujariartordlugo’ igdluane erĸortumik patdlorfigineĸarfiane. — 2 nalunaerssûtigdlit 20:3-5.
4. (a) píssutsit ineriartornigssât suna Jehovap ínugtaisa ilimagisínauvât? (b) „amerdlangârtut“ amerdliartuínartut suna ánássutigísavdlugo sâgfigât?
4 uvdlumíkut Gûtip ínugtainut ila maligagssiuivdluássusiat! ukiut nakûserfiungârtut máko Harmagedonime sákortuserugtúsáput. píssutsit Satanip silarssuâne atũtut nakûserpalússutsimíkut sákukitdlísángitdlat. (2 Timûtiuse 3:1, 13) Jehovap ínugtaisa inûnere navianartorsiorsínaussarput. sume igdlersorfigssarsisínauvugut? gûtisiorníkut atausiússuserput igdlersorfigssarârput. rigssalivtíne bîbilimigdlo atuarĸigsâĸatigîgfivtíne avdlane katerisimârtarpugut anersãkut inũssutigssat píkunartut ilangîvfiginiardlugit Jehovamigdlo únersiutigingningnigssamik inuit tutsãne kivfartũssiniarnerput ârĸigssorniardlugo. ĸujanartumik „amerdlangârtut“ inuiaĸatigît tamanêrsut aggiajuarput Gûtip ínugtainut kivfartũssineráne ivdlernartume ilángúkiartordlutik. ilánguterĸámersut táuko ’ĸáĸamut Jehovap patdlorfigineĸarfiata igdluanut’ tákússortuarput. táukuátaoĸ tamána ánássutigísavât. — sarĸúmersitat 7:9, 15; Isaia 2:3.
5. Josafatip ’silardlertâliâ’ uvdlumíkut Jehovap peĸatigîgsortaine ineriartornermut sumut erĸainarpa?
5 Josafat „ĸeĸarpoĸ [Jehovap] igdluane silardlertâp sâne“. kúngip Judame sanaortortitsinerata ilagínguatsiarpâ nâlagfeĸarfingme Jerusalemimĩtume gûtisiornermut atorneĸartartut agdlineĸarnerat. taimatut uvdlumíkut, kúngip ivertitaussup, Jesus Kristusip, sujulerssuineratigut anersãkut ítumik nuáningârtumik sanaortortitsineĸarpoĸ, tamatumalo kingunerâ Jehovap nâlagfiata silardliâne nunamĩtume „amerdlangârtu“nut palasiúngitsunut milliûniligpagssuarnut inigssaĸangârnera. tássanîtdlune ila ilorrâtdlangnássusia! — Tussiaat 27:1-5.
Jehovamut sângneĸ
6. (a) ĸinunermine Josafatip sût ĸínutigai? (b) misilingneĸarângavta ĸanoĸ nakússagtíneĸarsínauvugut?
6 Jehovap igdluane Josafatip pisimassoĸ ârdlerinartordlo tamât ĸinuníkut Jehovamut sarĸúmiúpai. Jehovap kúngiússusia, píssaunera angíssusialo nersorpai, ínugtanilo pivdlugit Jehovap suliai oĸalugtuaralugit. nâlagfiup atorĸârtíneĸarnerane Salomonip ilungersortumik ĸinunera taivâ, oĸautsinilo manigũtumik naggaserpai oĸardlune: „[nalulerpugut] ĸanoĸ písassugut; ilingnutdle issivut sangmíput.“ (2 nalunaerssûtigdlit 20:5-12; 6:12-14, 34, 35) ivdlit taima ítumik ĸangalũnît atugaĸarsimavit — ĸanoĸ ilioriarfigssaĸángitsutut ítumik? apustilit nalãne Paulus taimatut angnikitdliortarpoĸ. Jehova tatigingârtariaĸartarpâ. tamatigutdle oĸarsínauvoĸ: „sángîtsarângamame píssagtítaraunga.“ ingminik saperdluínartutut misigigângame, Jehovamut tatigingnigdluínarnine nakússagtíssutigissarpâ artorssartitagssáungitsumik. ivdlítaoĸ nakûsínauvutit! — 2 Korintumiut 12:10; ússatit 18:10.
7. Mosesip ilitsersûtâ suna Judákut táukua maleruarpât?
7 takordlôriaruk Jerusalemime nâlagfeĸarfingme angingârtume pisimassoĸarnera. „Jûtákutdlo ilũngarmik [Jehovap] kînâta sâne ĸeĸartut, ĸitornánguit nuliaitdlo erneritdlo ãma.“ (2 nalunaerssûtigdlit 20:13) ĸularnángitsumik erĸainiarsimásavât katerisimârnerit taima ítut sujunertât pivdlugo Mosesip ersserĸigdluínartumik ilitsersuinera, Môrsasip agdlagaisa tatdlimáine 31:12-ime agdlagsimassoĸ. katerisimârtune amerdlangârtune ĸeĸáinardlune inigssaĸarpoĸ ilaĸutarît Jehova atarĸingnigdlutik utarĸingmássuk, piarêrsimavdlutiĸ kajumigdlutigdlo inássutâta nãmagsinigssânut.
avĸut Jehovap tusardlîvigissâ
8. Jehovap avĸut suna tusardlîvigâ (a) Josafatip nalâne? (b) uvagut nalivtíne?
8 Josafatip ĸínutâ kisime oĸartugssauvdlune Nâlagaussup Jehovap ĸanoĸ akísavâ? Jehova avĸutigssiorpoĸ tusardlîviussumik. avĸutigssaĸ táuna tássauvoĸ Jahaziel Levíkûssoĸ. Jahaziel nauk palasiúngíkaluartoĸ, Jehovap táuna torĸarpâ agdlagkane ivdlernartune tusardliússat kajumigsârutaussut kivdlingnarnerpârtaisa ilât tusardliuterĸuvdlugo. pingârtumigdle ’Jehovap anersâvata táuna ĸulangerpâ ilagît akornáne’. (2 nalunaerssûtigdlit 20:14) uvdlumíkútaoĸ Jehova tamatumúnga ássingussumik avĸutigssîva ínugtame akornánĩtumik? ilauna! Jesusip táuna erĸartorpâ „píssutsit ârĸigssũssaunerata naggatigssâ“ pivdlugo sujuligtũmine „kivfaĸ ilumôrdlunilo silatôĸ“ tanitaussoĸ erĸartoramiuk, Nâlagkap pigissane nunamĩtut tamaisa táussumúnga pâritísagai oĸarame. — Matîuse 24:3, 45-47, NW.
9. (a) Jahazielip arĸa suna pivdlugo nalerĸúpa? (b) Jehovap suna tusardliússarâ, tamánalo mãnákut ĸanoĸ kajumigsíssutigisínauvarput?
9 Jahazielip arĸa isumaĸarpoĸ „Gûte takungnigpoĸ“. ajornartôrfiuvdluínartumut tássunga agtûmássuteĸartut tamaisa Gûtip takusínauvdluarpai. ínugtame ĸanoĸ ilioriarfigssât Gûtip sujumut takusínauvâ. kingunigssâ inârutaussoĸ takusínauvâ. taimaingmat, Jehova Jahaziel avĸutigalugo sumik tusardliússaĸarpa? tusarnârit! tusardliússâ imáipoĸ: „siúneraritse, Jûtákut ilũngavse Jerûsalâmiussusilo kúngilo Jûsavfat; ima oĸarpoĸ [Jehova] ilivsínut: ujameriarujugssuit táuko sujôrássutiginagitdlo ánilârutigísángilase; mássa ilivse sorssugtũngilase, Gûtile sorssugtûvoĸ.“ (2 nalunaerssûtigdlit 20:15) katerssũtutdlo amerdlangârtut táukua tipaitsugsimássusigssât! uvdlumíkutdlo uvagut tipaitsungârpugut nalúngínavtigo, Satan iligissailo sãssutdluta ĸanoĸ ilioraluarpatalũnît — ugpernivtigut agssuarnáissutsivtigutdlo ĸanoĸ misilingneĸaraluaruvtalũnît — uvagut, inuiagtut kátúsimassugut, Jehova tatigivdluínarsínaugavtigo, uvagut sivnerdluta sorssungnigssâ ĸularinago! — 2 Môrsase 15:2, 3; Tussiaat 24:8; 37:3-7; Saggaria 14:3.
ârĸiagîgdlune iliûseĸarnigssaĸ pissariaĸartoĸ!
10. (a) Judákut táuko agssuarnáissutsimíkut ĸanoĸ misilingneĸarpat? (b) Jehovap ’iliornigssâta erĸumîtsup’ suliaĸ suna sujulerísavâ?
10 Judákutdle suliaĸaratik ĸeĸáinásángitdlat Jehovap ĸanoĸ-iliorníkutdlũnît ánáussinigssâ utarĸivdlugo. suleriarsínáussuseĸardluartũsáput! ánásagunik Jehovamut nâlagkumanertik takutítariaĸarpât táussumalo iliûsererĸussâ maligdlugo iliûseĸartariaĸardlutik. ĸularnángitsumik ilarpagssuisa Jehovap ilitsersũssutai erĸumîgait. ilitsersûtaisa Judákut agssuarnáissusiat misilingneĸartípât. tamatumúnga ássingussumik, ’angnikitdliornartup angisûp’ autdlartilernerane kristumiûneraĸatigît sûjungnaersitdlugit ’suliane takornartaĸ, iliornine erĸumîtsoĸ’ nãmagsitínago, Jehovap nalunaiaissune piumavfigai suliagssamut ilarpagssuisa ímaĸa erĸumîgissãnut peĸataunigssãnik. tássauvoĸ ivdlernartumik kivfartũssinigssât inungnut igdluine pulaortaĸátãsassut aseruinigssamik nagdliúkumârtugssamik mianerssorĸujartordlugit. — Isaia 28:21, NW; Matîuse 24:14, 21, NW.
11, 12. (a) Jahaziel sumik nalingínáungitsumik inássuteĸarpa, Juákutdle ĸanoĸ periauseĸarpat? (b) uvagútaoĸ Jehova tatigalugo ĸanoĸ takutísínauvarput?
11 tamána sujumut ássersûtigineĸarpoĸ Jahazielip Judákúnut nâlagkiutânit. akerarpagssue ujameriagssuit pivdlugit oĸarpoĸ: „aĸago táukunúnga atísause . . . ilivse sorssugtugssáungilase tamatumûna; ĸeĸarsínardluse unĩnásassuse [Jehovavdlo] ilivsínik ánáussiniarnera takuniardlugo, Jûtákut Jerûsalâmiutdlo ukorsê; sujôranase ánilârnasilo, aĸago aniniaritse pâriartordlugit, [Jehovap] najorpâse.“ (2 nalunaerssûtigdlit 20:16, 17) katerssarpagssuit angutit, arnat mêrĸatdlo sákoĸángitsut ináneĸarput anerĸuvdlugit akerĸat iligîgsut sákutûe parsiariartordlugit! — nalerĸiuguk Tussiaat 148:12, 13.
12 Jehovap Jahaziel avĸutigalugo únersũssutâ Josafatip Judákutdlo pingârtingârpât. „tauva Jûsavfat kĩnaminik nunamut sikigpoĸ, Jûtákutdlo Jerûsalâmiutdlo tamarmik patdlorput [Jehovap] kînâta sânut, [Jehova] patdlorfigalugo.“ (2 nalunaerssûtigdlit 20:18) Josafatip angnerussup, Jesus Kristusip, nunamĩkatdlarame manigûtdlune Jehova taimatut tatigâ, ĸularísángilarputdlo Jehova sâgfigísagâ sãssússinigssame ilitsersûtigssarsivfiginiardlugo ’Jehovap Jesusip talerpianĩtup uvdlorme kamagfingmine kúngit seĸumisigpagit’. (Tussiaat 110:5, 6) taimatut uvdlumíkut Jehovap nalunaiaissuisa Gûte tatigissartik patdlorfigiumavât, igdluata silardlîne kivfartũssititdlutik. — Tussiaat 84:10-12; 122:1-4.
13. uvdlumíkut kíkut Jehova „nipitôrssuarmik“ únersiutigât, sunalo kingunerâ?
13 nalunaerssûtigdlit áipait 20:19-ime agdlagsimassoĸ nâpertordlugo nâlagfingme erínersârtut „nikuíput [Jehova] Israîlip Gûtia únersiutigalugo nipitôrssuarmik“. uvdlumíkutdlo kíkũpat sivnerútut tanitaussut sujulerssortigalugit „nipitôrssuarmik“ Jehovamik únersiutigingnigtut akeraisa sãnîtdlutik? Jehovap ínugtaisa sujorãnĩput pionerit, tássa avdlamik atorfeĸaratik oĸalũssissartut, amerdliartuínartut. pionerit ikiortaussut nalingínaussutdlo, pionerit atorfinigtitaussut ajoĸersuiartortitatdlo — inuit tamaisa ornigdlugit oĸalũssissarnerme Jehovamik únersiutigingnigtartut sujornanĩtut — 1984-ime 25,6 procentimik sujuariarput. táukua ’erinarssornerata’ naligâ nalunaerĸútap akúnerisa katitdlutik 505.588.037-t — sujornanît 15,8 procentimik ĸagfariarsimassut — 1984-ime kristumiut oĸalũssissarneráne atorneĸarsimassut ilarujugssuat.
14. Judákut maligagssiât maligdlugo, mãnákut inugpagssuit ĸanoĸ iliordlutik ugpernertik suliamíkut takutípât?
14 Jerusalemime singnartôrtariaĸángitdlat. nâlagdlutik inuit „aĸagúkut makiârdlutik Tĩkuap puilassuitsuanut aníput“. (2 nalunaerssûtigdlit 20:20) ugpernertik suliákut takutínasuarniartorujugssûvât. (nalerĸiuguk Jâko 2:14.) uvdlumíkútaoĸ oĸalũssissartut makiârtariaĸartarput. pionerit igdlume ningiûssut avdlatdlo makiârtariaĸartarput igdlume suliagssat isumaginiardlugit, uvdlup ĸerĸata sujornagut Jehovamik kivfartũssiniásagunik. Satanip silarssuâne sule inoĸarpoĸ „aliasugdlutik erdloĸissu“nik, ’angnikitdliornartugssamilo angisûme’ ánangnigssamingnut nalunaerĸutserneĸartariaĸartunik. Jehovap nalunaiaissue aulajangersimáput táuko naniniardlugit. — nalerĸiuguk Hisĩkiale 9:4.
sorssungnermut savssaritse!
15. (a) Judákut kimut ugperĸuvdlutik kajumigsârneĸarpat? (b) uvdlumíkut uvagut ĸanoĸ ilioruvta ’iluagtitsísaugut’?
15 nalunaerssûtigdlit áipáine 20:20-me nangitdlune agdlagsimavoĸ: „anilermatalo Jûsavfat tássane ĸeĸarpoĸ oĸardlune: tusarsinga, Jûtákut Jerûsalâmiutdlo ukorsê, [Jehova]mut Gûtivsínut ugperitse, tauva aulajangersitáusause; pruvfîtai ugperisigik, tauva pivdluásause [iluagtitsiumârpuse, NW].“ taimatut ilagît kristumiut ĸutdlersâta, kúngivta ivertitaussup, ínugtane kajumigsârtarpai ilumôrtuarĸuvdlugit. kajumigsârinere ukunane agdlagsimáput: Matîuse 10:27, 28; 24:9-13; Juánase 16:33. Jehovamut ugperneĸ, oĸausigssaĸartitainut ugperneĸ, âp, peĸatigîgsortainut ugperneĸ! uvdlumíkut Jehovamik kivfartũssiartordluta anigângavta, taimatut ugperssuseĸarnigssavta pissariaĸássusia! taimailiortariaĸarpugut iluagtitsísaguvta — nalunaiaissut túniutdluínarsimassut kuisimassutdlo Jehovamut ugpertut ârĸigssũssinerinutdlo isumavdluartut tamarmik angusínaussât. ârĸigssũssinerisa ilagai inûnigssamut nâgssáungitsumut periarfigssiai nuáningârtut, ernerata pigdliutâtigut ajornaitdlisíneĸarsimassut. — Juánase 3:16; 17:3.
16. (a) „erínersârtut“ kíkut oĸalũssissarnermut sujugdliussarpat? (b) tamarmik ĸanoĸ ilivdlutik ’ássuardlutik’ Jehova únersiutigât?
16 tauvalo Josafatip „[inuit] isumalioĸatigai [Jehova]migdlo erínersârtugssanik ivertitsivdlune, táukua únersiutigísagât ivdlernartumik ássuarsimavdlutik; sákoĸartutdlo sujornatigut savssariartorunik oĸásassut: [Jehova] ĸutsavigisiuk, isumagssuinera nâgssáungingmat.“ (2 nalunaerssûtigdlit 20:21) tássane nâlagfingme erínersârtut sorssungnigssamut aniniartune sujugdliúput. taimatut, sivnerútut tanitaussut sujulerssuinerisigut pionerit ajoĸersuiartortitatdlo, ilagîngnut nákutigdlîssut angalassut nuliaitdlo, ãmátaoĸ angerdlarsimavfingne Beteliussune kivfartûtigdlit, tauvalo ilagît utorĸaunertait utorĸaunertanutdlo ikiortaussut ivdlernartumik kivfartũssinerme sujugdliussartut angalassarput, ilagîngnut ilaussortaussut tamaisa suliaĸarniarnigssãnut kãmagtordlugit. táukua tamarmik Jehova únersiutigât ’ássuardlutik’, teokratîmik ârĸigssũssinerme savssariartordlutik. anersãkut ítunik ássûtigât kristumiutut píssusertâĸ, iluardluínarnermik ilumôrtuarnermigdlo malungnauteĸartoĸ. (Evfisumiut 4:24; Galâsiamiut 5:22, 23) uvdlumíkut ingmíkut pisínautitauvfiuvoĸ naleĸángitsoĸ silarssuarme tamarme kátúsimassunut iláusavdlune, Jehovap arĸanik isumagssuingârneranigdlo únersiutigingnigdlune! — Tussiaat 144:1, 2; 136:1-26.
17. (a) suna pivdlugo Gûtip ínugtai „sorssugtugssáungi“tdlat? (b) Jehovap ’isumaliutâ’ suna erĸúngitsumik ugperissarsiornerup piunêrússaunigssânik kinguneĸásava?
17 Jehovap ínugtane oĸarfigai: „ilivse sorssugtugssáungilase tamatumûna.“ taimáiporme. „pileriatdlarmatalo ĸĩmagtardlutik únersiutigingnigdlutigdlo,“ Jehovap ujameriagssuit pitoráutut terdlinganêriniartunit sãssúneĸartípai, tauva „Amunip kinguai Mûapíkutdlo Sîarip ĸáĸâta inuinut akerartulerput utertínavêrsardlugit nungutitdlardlugitdlo“. (2 nalunaerssûtigdlit 20:17, 22, 23) tamatumûna ersserĸigdluínartumik sujumut univkârutigineĸarput Satanip silarssuâne ungasíngitsúkut piumârtugssat! sôrdlo sarĸúmersitat 17:16, 17-ime takutitsiarneĸartoĸ, Jehova Babylon angisôĸ pivdlugo ’isumaliût’eĸarpoĸ, kristumiûneraĸatigîtdlo Babylonip ilagai agssuarnarnerpaussut. inuiaĸatigît FN-imut ilaussortaussut sákutûlersugaussut sorssungnigssamutdlo piarêrsarsimassut ũmámiuliutísavai ’isumaliũ’minik, táukualo erĸúngitsumik ugperissarsiortut sãssúkiartúsavait aserordlugitdlo sûjungnaersitdlugitdlo. kristumiûneraĸatigît tunússinermíkut ârĸigssũssaussut, Edomíkut Se’irip ĸáĸâta inue ássigalugit, seĸumisíneĸásáput!
18. Ammoníkut Moabíkutdlo uvdlumíkumêrsut Harmagedonime ĸanoĸ piunêrúneĸásápat?
18 tamánáináungilardle! Ammoníkut Moabíkutdlo uvdlumíkut ássersũneĸartut sule tamássa! (nalerĸiuguk sarĸúmersitat 18:9, 10, 15-17.) táukua piarêrsimavfigât Jehovamik únersiutigingnigtut, Judákut uvdlumíkumêrsut, aserúsavdlugit. Jehovavdle erĸartũssúminik nãmagsingnigfigssâ nagdliúpoĸ. sôrdlo sarĸúmersitat 19:11-16-ime agdlautigineĸartoĸ, kúnge, Jesus Kristus, savssariartúsaoĸ ’vĩnimut tunguiaivfik Gûtip ajugaĸángitsup kamangnerata katsungaitsup pianut atortoĸ tungmariardlugo’, tássûna Satanip silarssuarmik ârĸigssũssinerata amiákue sûjungnaersitdlugit. ĸularnángitsumik akiũnigssarssûp tamatuma sualugterugtorfiagut inuiaĸatigît politíke túngavigalugo aĸúneĸartut amiákue pâtsivêrúsimassut iligissarpagssuilo sákoĸartut sákugssaliatik aseruíssutaungârtut atordlugit ingmingnut sãssúnigssât ilimanarpoĸ. tamána Ammoníkúne Moabíkúnilo pisimavoĸ „ikiortigîler[amik] ingmingnut aserordlutik“. Jehovavdle akueríngisáinásavâ atominik sákugssiamingnik ima angnertutigissumik atuinigssât Gûtip ínugtaisa píngortitâtalũnît, tássa nunap matuma, piunêrússaunigssãnut. — sarĸúmersitat 11:18; Isaia 45:12, 18; Tussiaat 115:16.
19. (a) taimaníkugssaĸ sorssûvfik ĸiviardlugo Judákut uvdlumíkumêrsut ĸanoĸ periásápat? (b) Berakap ĸôruane katerssũsimanerat sumut sujumut ássersûtauva?
19 „Jûtákut puilassuitsup ĸinerdlerfianut tikiúkamik, ujameriagssuit ĸiviarpait, sunauvfa timit toĸungassuínait nunamut ordlusimassut, aniguisimassoĸángilaĸ.“ uvdlumíkut „Judákut“ patdlorfigingneĸataitdlo Harmagedonime sorssungnerup kingunerine amiákûvdlutik inûgunik, Jehova únersiutigísavât ajugaunerssuarmik. erĸortumik oĸautigalugo ujajaiartornigssât pissariaĸásángilaĸ, nuánârutigalugule Berakap ĸôruane katerssûtísáput, Beraka isumaĸarmat „pivdluarĸussauneĸ“. tipaitsugdlutik „amerdlangârtut“ palasiúngitsut nâlagauvfiup nâlagkersuinerata atânîtdlutik nunamut minguiagaussumut isãsáput, ingmíkut pisínautitauvfigssartik — nunamik nautsîvíssârssuartut pâratîsíngortitsiniarnigssaĸ — ĸilanâreĸalugo. ukiune 1000-ine Josafatip angnerussup, Jesus Kristusip, kúngitut nâlagauvfigissâ uníngaveĸásaoĸ, Gûtiatalo, Jehovap, uníngaveĸartísavâ avatânĩtumit pineĸásaersitdlugo. — 2 nalunaerssûtigdlit 20:24-30. (wD 1/10 84)
nalunaerssûtigdlit áipait, kapitale 20 uterdlugo
□ Ammoníkut, Moabíkut Se’irivdlo ĸáĸâta inue uvdlumíkut kíkúnut ássersûtáupat?
□ Josafat, Jahaziel Judákutdlo kíkúnut ássersûtáupat?
□ uvdlumíkut Judákut ĸanoĸ iliordlutik suliaĸardluarpat?
□ ’angnikitdliornartugssap angisûp’ kingunere erĸarsautigalugit suna isumavdlûtigisínauvarput?
[Qupp. 13, 14-mi assiliartat]
Josafat ássigalugo Gûtip ínugtai kúngip Jesusip ikiorpai, Jehovamik únersiutigingningnerisigut ’iluagtitserĸuvdlugit’