Gûtip okausia ûmavok

píngortitsissit erkainiaruk inûsugtitdlutit

PÍNGORTITSISSIVTA kigsautigâ inûneĸ, tuníssutine erdlingnartoĸ, nuánârutigísagigput. bîbilip atuagartâne, akugdlîssup oĸausîne, oĸarpoĸ: „tipaitsugit merdlertûnerne, inûsugtoĸ ûmâ, . . . ingerdlagit ũmápit avĸutigissaisigut issivitdlo issigissaisigut.“ ũmápitdle issivitdlo pilerigissait nãmagsiniardlugit inûsugtûningne ingerdlanerit Gûtip ilingnik erĸartũssinigssânut súniuteĸásaoĸ. taimáitumik uvane inûsugtut oĸaorĸigsârneĸarput: „narrutsangnartut [imalũnît isumakulûtit] ũmatingnit nigortíkit, perdlungnartutdlo timingnit alisíkit.“

inûsugtut ĸanoĸ ilivdlutik „perdlungnartut“ ingalagsínauvait iluarineĸartumigdlo erĸartũneĸardlutik „inûneĸ nâgssáungitsoĸ“ pissagssaralugo? (Rûmamiut 6:23) inûsugtut ĸanoĸ iliorsínaunigssât kajumigsârúmit ûmánga pâsineĸarsínauvoĸ: „píngortitsissit erĸainiaruk inûsugtitdlutit, uvdlut táuko ajortut nagdliúngíkatdlartitdlugit.“

„uvdlut táuko ajortut“ píngortitsissimingnik erĸaimangníngitsôrtut „nuánaríngi“sait sũpat? akugdlîssup oĸausînik agdlagtup pivai uvdlut utorĸalilerfiussut, inûp sángîtdliartorfê timâtalo pisataisa aserfatdlagkiartorfê, atorsínaujungnaeriartuârdlutik. inûnerup ’ukiua’ akugdlîssup oĸausîne ássersûtitigut agdlauserineĸarpoĸ — sôrdlo seĸineĸ, ĸáumat uvdloríssatdlo târsiartortut, nuíssatdlo nâgdliûtit pê amuartut inûp erdloĸinerunigssânut.

inûnerup nâjartulernera pivdlugo agdlagsimavoĸ: „taimáineragut igdlumik pârssissut sajugtúngortartut, angutit píssaussut peĸíkiartordlutik, arnatdlo neĸigssanik aserorterissut sulísaerdlutik ikigpatdlâleramik, igalássatigutdlo itsuartut târmiulerdlutik, matutdlo silardlît igdlugît matusimalerdlutik; . . . pigdlertardlo kivkaigajugtoĸ artulerdlune.“

ássersûtit pâsivigit? ’igdlo’ ássersûtaussoĸ tássauvoĸ inûp timâ. „pârssissut“ tássáuput talê agssailo, utorĸalinerme sajugtúngortartut. niue — „angutit píssaussut“ — utorĸalinerane peĸíkiartorput, timâ napatísínaujungnaingajagdlugo. kigutai — ’arnat aserorterissut’ — suliagssamingnik sulisínaujungnaerput. ’sulísaerput ikigpatdlâleramik.’

utorĸauvme issai? timâta ’igalâve’ „târmiuler“put inuat tagpîtdlingmat. timâta ’matue’ angmartarungnailerput, igdlumĩtut, tássa timimĩtut, erssersítarungnailerdlugit. nakuitsûgame utorĸaup ássigisínauvâ pigdlertaĸ kivkaigajugtoĸ artulerdlune.

tauva toĸulernerane nagdliutilerpoĸ „pitũtap sîlviussup kigtorarfigssâ, ímersagkavdlo kûltiussup seĸumivfigssâ; imertautip puilassumĩtup aserorfigssâ“. ’pitûtaĸ sîlviussoĸ’ tássáunguatsiarpoĸ ĸimerdluk, ’ímersagardlo kûltiussoĸ’ tássauvdlune ĸarasaĸ. „imertaut“ tássauvoĸ ũmat aungmik inũssutaussumik tigusissartoĸ timimutdlo kâvîârtitsissoĸ. utorĸalineĸ tamákunúnga tamanut súniuteĸartarpoĸ. kîsalo inuk toĸunermigut ivssúngorĸigpoĸ. — akugdlîssup oĸausê 11:9-mît 12:7 ilángutdlugo.

utorĸalinerup ’uvdluisa ajortut’ angunasuartarpât inuk sũssuseĸángitsut piniáinardlugit inûnerminik asiutitsisimassoĸ — „ata, piúngitsut piúngitsut“! (akugdlîssup oĸausê 12:8) taimáitumik silatûvdlutit píngortitsissit erĸainiaruk nukigtûtitdlutit ũmârigsûtitdlutitdlo. Gûtimik ilumôrtumik kivfartũssivdlutit angussaĸardluarniarit, tauvalo táussuma erĸáisavâtit iluaralutit erĸartûtdlutit inûnermigdlo nâgssáungitsumik pissagssaĸartitdlutit. — Matîuse 6:19-21; Eprîarit 6:10-12; akugdlîssup oĸausê 12:13, 14. (wD 15/9 84)