„bîbilimit atuagagssane pingârnerssaussut“ sujunekardluarnarput
JÛTIT ukiut 600-gssãne u.n.m.a.s. Babylonime autdlarússaorĸanermit angerdlamut uteramik, akissugssáussuseĸartitaussortait „Esramut agdlagkanik ilisimassumut katerssorput inatsisit oĸausê nalunaerssorumavdlugit“. angnerussumik pâsissaĸalernerata suna kingunerâ? inuit nagdliússivingmik tupiussaliorfiussumik ingmíkut ítumik nagdliútorsiorput, „tipaitsungâĸautdlo“. — Nĩmia 8:13-18.
sôrdlo táukunane pisimassut takutíkât, bîbile nalunaerssoruníko Gûtip ínugtaisa iluaĸutigingârsínauvât. taimáitumik Napassuliaĸ Alapernaerssuivfik-me uvane sarĸúmersunilo tugdliussune ilángutagssiaĸartásaoĸ ĸuleĸutalingmik „bîbilimit atuagagssane pingârnerssaussut“-mik. ilángutagssiat táuko iluaĸutigalugit atuartuvta bîbilip atuagartai Esra, Nĩmia kîsalo Estare nalunaerssorsínáusavait.
tamákunínga atuarĸigsârnivtigut erĸainiarsínáusavavut pisimassut písanganartut erĸortumik gûtisiornerup Jerusalemime atûtilerserĸingneĸarfiane, Jehovap nâlagfiutâta tássane sanarĸingneĸarfiane Gûtivdlo ínugtaisa akerĸamingnit sãssúneĸaraluardlutik atatíneĸarfiáne. âp, sôrdlo ilángutagssiane „bîbilimit atuagagssane pingârnerssaussut“-mik ĸuleĸutalingne sujúnersûtigineĸartoĸ bîbilip atuagartai atuartaruníkik, Jehovap nalunaiaissuisa ikíngutaisalo iluaĸutiginerusínáusavât atuagagssat táukûssut teokratîmik ilíniarfingme sapâtip akúneranut pissartume nagdlerpat sangmineĸarnigssât. ãmátaoĸ ĸatángutit angutit teokratîmik ilíniarfingme „bîbilimit atuagagssat pingârnersiordlugit“ oĸalugiarĸuneĸartut ilángutagssiat „bîbilimit atuagagssane pingârnerssaussut“ pigssarsivfigingãsavait bîbilime agdlagsimassut pivdlugit aperĸutinik akissiniarnermingne oĸalugtuatdlo sunik ilíniarfigisínaugivut navsuiainiarnermingne. — Rûmamiut 15:4.
[Qupp. 3-mi nalunaarsugaq]
Persiap kúngê Esrame, Nĩmiame Estarimilo erĸartorneĸartut
nâlagáussusîsa ukiue (u.n.m.a.s.): 550-529 migss.
silamiut oĸalugtuarissauneráne ateĸ: Kyros angneĸ
bîbilime ateĸ: Kôrásse
agdlagsimavfît: Esra 1:1; 4:5
nâlagáussusîsa ukiue (u.n.m.a.s.): 529-522
silamiut oĸalugtuarissauneráne ateĸ: Kambyses II
bîbilime ateĸ: Aĸassvêrusse
agdlagsimavfît: Esra 4:6
nâlagáussusîsa ukiue (u.n.m.a.s.): 522 (ĸáumatit 8-t)
silamiut oĸalugtuarissauneráne ateĸ: Gaumata (Smerdis)
bîbilime ateĸ: Artarssarta
agdlagsimavfît: Esra 4:7-23
nâlagáussusîsa ukiue (u.n.m.a.s.): 521-486
silamiut oĸalugtuarissauneráne ateĸ: Darius I
bîbilime ateĸ: Darîuse
agdlagsimavfît: Esra 4:5, 24; 6:1-15
nâlagáussusîsa ukiue (u.n.m.a.s.): 486-474
silamiut oĸalugtuarissauneráne ateĸ: Xerxes I
bîbilime ateĸ: Aĸassvêrusse
agdlagsimavfît: Estarimik agdlagkat
nâlagáussusîsa ukiue (u.n.m.a.s.): 474-423
silamiut oĸalugtuarissauneráne ateĸ: Artaxerxes I (agssarĸortôĸ)
bîbilime ateĸ: Artarssarta
agdlagsimavfît: Esra 6:14; 7:1-26; Nĩmia 2:1-18