Ataatsimeersuarneq „Guutimik mianerinninneq“ najuuffigiuk!
Jehovap nalunaajaasuisa 1994-imi ataatsimeersuarnissaat najuuffigissallugu pilersaaruteqarpit? Ullut pingasut tamaasa najuuffigigukkit iluaqutigingaassavat! Aamma maani nunatsinni ataatsimeersuarneqassaaq.
Mianerinninnerit ilaat qunusuissutsimut neriunnermullu aseruissutaasinnaapput; kisianni tallimanngornermi ullaap tungaa ataatsimeersuarnerup qulequtaa pillugu oqalugiaammi Guutimik mianerinninneq sunaasoq qanorlu iluaqutaasoq nassuiarneqassaaq. Aap, ataatsimeersuarnermi saqqummiussussat tamarmik tamatuma iluaqutaassusianik erseqqissaateqassapput.
Tallimanngornermi ualikkut tusarsinnaavat qanoq Guutimik mianerinninneq aappariittut ilaqutariittullu inuunermut nakussatsinnartuusoq, inuusuttullu tamanna ikiortigalugu qanoq Guutimut aalajaattuarsinnaasut. Ualeq tamanna naggaserlugu oqalugiaat killitsinnartoq manna saqqummiunneqassaaq: „Aliasuttunut tuppallersaatissaq“. Paasissutissat atoriaannaasut asasaminnik toqusoortunut aliasuttunut iluaqutissaasut pingaartissavatit.
Arfininngornermi takutinneqassaaq qanoq Guutimik mianerinninnerup ilagiinni ulluinnarnilu kiffartuussinitsinni Jehovap siulersuineranut aalajaattuartissinnaagaatigut. Oqalugiaammi „Guutip oqaasia, Biibili, ullut tamaasa atuartaruk“-imi Biibilimik atuarneq atuaqqissaarnerlu pillugit siunnersuutit atoriaannaasut saqqummiunneqassapput. Arfininngornermi ualip naalernerani soqutiginartorujussuarmik oqalugiaateqassaaq ima qulequtalimmik: „Jehovap ullussaa siooranaqisoq qaneqaaq.“
Sapaammi „Iluartut makikkumaarput“ oqalugiaatigineqassaaq. Tamatuma kingorna oqalugiaammi „Annikilliornartussamit aniguisut“-mi Jesusip inuit ilaasa toqunaviannginnissaat pillugu neriorsuutaa tupinnartoq nassuiarneqassaaq. — Juánase 11:26.
Sapaammi ullo’qeqqata siorna isiginnaartitsineq eqqarsariaallannartoq 40 minuttinik sivisussusilik Qinigassaqarputit-mik taaguutilik saqqummiunneqassaaq. Josuap nalaani pisimasunik eqqaasineqassaagut taassumalu Jehovamik kiffartuussinermini aalajaalluinnarnera takussallugu. Eliasillu nalaani inneq atorlugu misiliisimaneq aamma saqqummiunneqassaaq, pisimasullu tamakku ikiortigalugit takutinneqassalluni ullumikkut qanoq ililluta Guutimik mianerinnissinnaasugut. Ualikkut tamanut ammasumik oqalugiaat „Sooq maannakkut Guuti mianerisariaqaripput?“ ataatsimeersuarnermi pingaarnerusut ilagissavaat.
Najuunnissat pilersaarusiorniaruk. Juulip ulluisa 29-ianniit 31-at ilanngullugu Nuummi ataatsimeersuarneqassaaq.
[Suminngaanneernera]
T. Rosenthal/SUPERSTOCK