Naalagaaffimmik oqaluussissutiginninnermit nutaarsiassat
Oqaluussineq angerlarsimaffimmi atuarfimmilu kinguneqarluartoq
KRISTUMIUTUT inuunermut allanut ajunngitsuliorneq ilaavoq, ingammik Guutip naalagaaffia pillugu nutaarsiassamik nuannersumik nalunaajaanikkut. ússatit 3:27-mi allassimavoq: ’Ajunngitsut erliginaviikkit inussaanut, assatit qanoq iliorneq sapinngikkallartillugit.’ Argentinami nalunaajaasoq angut inuusuttoq highschoolimi ukiut pingajussaanni atuarnermini atuaqatiminut Guutip naalagaaffia pillugu nutaarsiassamik oqaluussissutiginnissimavoq. Taamaaliornera kinguneqarluartorujussuuvoq.
Ullut ilaanni nalunaajaasup angutip inuusuttup ikinngutiminut eqqaavaa upperisarsiornerit tamakkeratik ajunngitsunik naammassisaqartartut. Ikinngutini akilluni oqarmat nammineq ajortumik iliorneq ajorluni, nalunaajaasoq oqarpoq: „Aammami Guutimut iliuuseqanngilatit.“ Tamanna ikinngutaata eqqarsalissutigaa. Kingusinnerusukkut nalunaajaasoq nassuiaavoq ulluni kingullerni inuusugut, Guutimullu iluarisaajumagaanni Biibili eqqorluartumik ilisimalertariaqartoq ilikkakkallu malillugit iliortariaqarluni. Ikinngutaa isumaqataavoq. Biibilimilli atuaqqissaartalernissaa ilaqutaasa akueriumassanerpaat? Ikinngutini eqqarsaatissarseqqullugu nalunaajaasup kajumissaarpaa atuagaq pâratîsime nuname nâgssáungitsumik inûsínauvutit atuaqqullugu.
Ullut ingerlapput, ikinngutaalu atuarunnaarpoq. Ukioq ataaseq sinnerlugu nalunaajaasup tusarfiginngilaa. Taava ullut ilaanni nalunaajaasup inuusuttup tupaallaatigeqisaanik ikinngutaata sianerfigaa oqarfigalugulu takusinnaallugu Biibilimi siulittuutit ilumut eqquussortut. Ingerlaannaq Biibilimik atuaqqissaaqatigisalerpaa.
Ikinngutimi angajoqqaavinut pulaarnermini malugaa angajoqqaavisa ernermik qanoq iliulernera isumakuluutigisorujussuugaat. Allaat ikinngutaata nukaa isumaqarpoq angajuni ’niaqulaalersimasoq’. Taamaattumik tullianik atuaqqissaalermata nukaa angajoqqaavisa peqataatippaat marsertillugu. Naammassimmata nukaa isini imerlaarsisut angajoqqaaminut oqarpoq angajuni ’niaqulaalersimanngitsoq’, taamaalisorlu anaanaa nillerpoq: „Ataatsimik ajornartorsiuteqarunnaarlunga, marlunnik ajornartorsiuteqalerpunga!“
Taamaattumik tullianik atuaqqissaalermata nammineq najuuppoq nassuerutigisariaqarlugulu ernini ’niaqulaalersimanngitsut’. Kingorna taanna uialu Biibilimik atuaqqissaaqatigineqartalerput. Sivitsunngitsoq ilaqutariit tamarmik ilagiit naalagaaffilersaarfimmi ataatsimiinnerinut najuuttalerput. Naggataatigut aamma arnap angajoqqaavi Biibilimik atuaqqissaaqatigineqartalerput ataatsimiigiartalerlutillu. Tamatuma kingorna nalunaajaasup ikinngutaa angut inuusuttoq kuisippoq. Kingorna katippoq, maannalu nulianilu pioneeriupput suliniarluartut.
Angutip inuusuttup nalunaajaasup atuarfimmi torrutiinnarlugu nalunaajaanermigut atuartut allat marluk, kiisalu taakkua arlaata anaanaa qatanngutaalu arnaq, Biibilimik atuaqqissaartalernissaannik ikiorsimavai. Katillugit inuit aqqanillit sallusuissut Biibilimiittoq ilikkarpaat nalunaajaasoq inuusuttoq atuaqatiminut ’ajunngitsunik erliguussinngimmat’. Ilumut kingunera nuanneq! Aap, „pilluarput inuiaat [Jehovamik] Guuteqartut!“ — Tussiaat 144:15. (wE 1/11 95)