Guuti arnanik ataqqinnittuullunilu isumassuisuuvoq

JIISUSIP nunarsuarmiik­kal­larami Ataatami qilam­miusup pis­susii pis­sutsinil­lu iliuuseqarfigin­neriaasia naam­mal­luin­nar­tumik ersersit­tar­pai. Ima oqar­poq: ‘Isuman­nik ilior­neq ajor­punga; Ataatal­li uan­nut ajoqersuutaa malil­lugu oqalup­punga. Tamatigut iluarisaanik ilior­tar­punga.’ (Johan­nesi 8:28, 29; Kolos­semiut 1:15) Taamaat­tumik Jiisusip ar­nanut at­taveqariaasianik taak­kunun­ngalu isigin­nit­taasianik eq­qarsaatigin­nin­nitsigut Guutip ar­nanut isigin­nit­taasia pil­lugu taak­kunun­ngalu qanoq piumasaqar­nera pil­lugu paasisaqangaatsiarsin­naavugut.

Ilisimatuut ilar­pas­suisa iivangkiiliuni al­las­simasut misis­suk­katik tun­ngavigalugit Jiisusip ar­nanut isigin­nit­taasia mumisitsiner­tul­lusooq isigilersimavaat. Jiisusip isigin­nit­taasia sutigut al­laanerugami? Pingaar­nerusumil­lu, taas­suma ajoqersuutai ul­lumik­kut ar­nat kif­faan­ngis­suseqar­nerulis­sutigisin­naavaat?

Jiisusi arnanik qanoq pinnittartoq

Jiisusi arnanut minguitsumik isiginnittaaseqarpoq. Juutit up­perisarsior­nik­kut siut­tuisa ilaasa isumaat naaper­torlugit ar­namut at­taveqar­neq pin­ngitsoorani pileris­suseqaler­nermik kinguneqar­tar­poq. Ar­nat us­ser­nar­torsior­titsisar­tutut isigineqarmata, taak­ku kik­kut tamarmik tak­kuan­ni angutinik oqaloqateqaq­qusaan­ngil­lat nasar­taateqar­natil­luun­niit aneq­qusaanatik. Jiisusili taamatut isigin­nit­taaseqar­nani oqar­poq angutit im­minut naalak­kersin­naasariaqar­tut ar­nanil­lu in­nut­taaqatigiin­nit avin­ngarusimatitsiniarsarinatik taak­kunin­nga ataq­qin­nit­tariaqar­tut. — Mat­thæusi 5:28.

Jiisusi aam­ma ima oqar­poq: “Avil­luni al­lamik nuliar­toq al­lasior­poq, ar­narlu avil­luni al­lamik uinit­toq al­lasior­poq.” (Markusi 10:11, 12) Taamaalil­luni rabbinerit angutit ‘suugaluar­tumil­luun­niit patsiseqarlutik’ nuliamin­nit avis­sin­naatitaaneran­nik ajoqersuutaat taamanik­kut nalingin­naasoq itigar­tip­paa. (Mat­thæusi 19:3, 9) Juutit amerlaner­paar­taasa isumaat naaper­torlugit angutit al­lasior­neq ajor­put. Rabbinerit ajoqersuutigaat uiusoq nuliaminut al­lasior­tutut isigineqarsin­naan­ngitsoq — taamaal­laat ar­nat al­lasior­tarmata! Biibili pil­lugu qinerlerfis­siami ima al­las­simavoq: “Jiisusip, uiusoq ileq­qus­satigut nuliaatul­li pisus­saaf­filer­neratigut, ar­nap inis­sisimaf­fia pingaar­til­lugulu ataq­qinas­suseqar­tip­paa.”

Tamatuma ullumikkut sunniutai: Jehovap Nalunaajaasuisa ilagiivini kristumiuusuni ar­nat angutil­lu tamarmik ataatsimoorlutik ataatsimeeqatigiit­tar­put. Ar­nal­li naleq­qutin­ngitsumik isigineqarlutil­luun­niit qanin­niar­neqar­nis­sar­tik an­nilaangagineq ajor­paat, angutim­mi kristumiut “ar­nat utoq­qaat anaanagisutut ar­nal­lu inuusut­tut qatan­ngutigisutut” pinis­saat eq­qumaf­figisar­paat, ‘tamatigut minguitsuullutik’. — 1 Timotheusi 5:2.

Jiisusip arnanik ilinniartitsinissani piffissaqarfigisarpaa. Taamanik­kut nalingin­naavoq rabbinerit ar­nanik ilisimaatsuutitsiniar­tar­nerat, Jiisusili ar­nanik ilin­niar­titsisar­poq taak­kulu isum­mamin­nik oqaatigin­nin­nis­saan­nut kajumis­saar­tarlugit. Mariap ilin­niar­tin­ngitsooruman­ngin­neratigut Jiisusip ersersip­paa ar­nap igaf­filerinis­saq kisiat sulias­sarin­ngik­kaa. (Lukasi 10:38-42) Mariap qatan­ngutaa Mar­tha aam­ma ilin­niar­tin­neqar­poq, soorlu Lazarusi toqum­mat taas­suma Jiisusimut silas­soril­luni akis­sutaanit taman­na erser­toq. — Johan­nesi 11:21-27.

Jiisusi ar­nat isumaan­nik pingaar­titsisar­poq. Taamanik­kut ar­nat juutiusut amerlanersaat isumaqar­put tul­luusimaarutigisin­naasamin­nik er­ner­taar­nis­saq, ajor­nan­ngip­pat pruf­fiitis­samik er­ner­taar­nis­saq, pil­luar­nar­ner­paas­sasoq. Ar­nap ima torlulaf­figim­mani: “Pil­luar­poq ilumiuuf­figisat pil­luar­put­taaq ivian­ngit miluf­figisatit!”, Jiisusip periarfis­saq taman­na atorluar­paa suli pitsaanerusoq pil­lugu oqalut­tuun­nis­saanut. (Lukasi 11:27, 28) Guutimut naalan­nis­sap pingaaruteqar­nerunera erseq­qis­sarlugu, Jiisusip ar­naq taan­na ar­nat ileq­qutoq­qat naaper­torlugit inis­sisimaf­figisar­tagaan­nit pingaaruteqar­nerungaar­toqar­neranik ilisimatitsivigaa. — Johan­nesi 8:32.

Tamatuma ullumikkut sunniutai: Ilagiin­ni kristumiuni ilin­niar­titsisut ilagiit ataatsimiin­neran­ni ar­nat akis­suteqar­tar­nerat qujamasuutigisar­paat. Taak­kua ar­nat inersimal­luar­tut sutigut tamatigut maligas­siuil­luar­nermik­kut ‘ajun­ngitsulior­nermik ajoqersuus­sisuum­mata’ ataq­qisar­paat. (Titusi 2:3) Aam­ma Guutip naalagaaf­fia pil­lugu nutaarsias­samik nuan­nersumik tamanut oqaluus­sis­sutigin­neqataangaatsiar­tar­nerat nuan­naarutigingaar­tar­paat. — Tus­siaat 68:12; takuuk ungalusaq “Apustilip Paulusip ar­nat ilagiin­ni oqaloq­qun­ngilai?”

Jiisusi arnanik isumassuivoq. Biibilip nalaani paniit er­ner­tut pingaar­tin­neqar­tigin­ngil­lat. Talmudimi taman­na ima ersersin­neqar­poq: “Pil­luar­poq er­nilik, eq­qanarlu panilik.” Angajoq­qaat ilaasa niviarsiaraq naner­tuutitut isigisar­paat — aap­pas­sarsiuut­tariaqar­paat katin­neranilu nas­sataqar­tit­tariaqarlugu utoq­qaligunil­lu isumal­luutigisin­naanagu.

Jiisusip ersersip­paa niviarsiaran­nguup inuunera nukap­piaq­qap inuuneratul­li pingaaruteqar­tigisoq, tas­sami uil­lar­nerup Nainimiup er­neranik aam­ma Jairusip panianik makititsivoq. (Markusi 5:35, 41, 42; Lukasi 7:11-15) Jiisusip ar­naq ‘ukiuni 18-ini nap­paateqar­titsisumik anersaaqarsimasoq’ ajorun­naarsereerlugu oqariar­taaseq juutit al­lagaataan­ni nalingin­naan­ngitsoq atorlugu ‘Aaperaap panianik’ taavaa. (Lukasi 13:10-16) Ataq­qin­nip­palut­tumik inus­siar­nersumil­lu taamatut oqar­nermigut ersersip­paa ar­naq taan­na in­nut­taaqatigiin­ni ilaasus­saatitaal­luin­nar­tutut isigalugu up­perluar­neralu maluginiarsimal­lugu. — Lukasi 19:9; Galatiamiut 3:7.

Tamatuma ullumikkut sunniutai: Asiamiut us­sataasa ilaat naaper­torlugu panim­mik perorsaaneq nam­mineq ilaqut­tanut iluaqutaaneq ajor­poq. Us­sat imaap­poq: “Panim­mik perorsaaneq sanilip naasuutaanik imer­teriner­tut ip­poq.” Ataataasut kristumiut isumas­suil­luar­tut eq­qarsar­taaseq taan­na sun­ner­tis­sutigin­ngil­luin­narlugu meeq­qatik tamaasa, er­nitik panitil­lu, isumagil­luar­tar­paat. Angajoq­qaat kristumiut meeq­qamik tamarmik ilin­niar­titaal­luar­nis­saat pisariaqar­titamin­nil­lu nakorsar­neqar­nis­saat qulak­keer­niarlugu sapin­ngisamin­nik iliuuseqar­tar­put.

Jiisusi arnanik tatiginnippoq. Itsaq juutit eq­qar­tuus­sigaangata ar­nap ilisiman­nit­tutut nas­suiaataa inus­siap ilisiman­nit­tutut nas­suiaataanut naligitin­neqar­tar­poq. Ukiuni hundredelin­ni siul­ler­ni oqalut­tuarisaanermik ilisimatooq, Josefus, ima al­lap­poq: “Ar­nat ilisiman­nit­tutut nas­suiaataat akuerisaqinagit, taak­ku inun­nguutsimin­nik isumaatsuul­lutil­lu mianersuaatsuum­mata.”

Jiisusip taamatut isigin­nit­taaseqan­ngil­luin­narluni ar­nat makititaasimanerminik up­per­narsaasuutip­pai. (Mat­thæusi 28:1, 8-10) Ar­nat aalajaatsut taak­ku Naalak­kamik toqutaaneranik ilisaaneranil­lu takun­nit­tuusimagaluar­tut, ar­nat taak­kua oqaasii apustilinit up­periuminaatsin­neqar­put. (Mat­thæusi 27:55, 56, 61; Lukasi 24:10, 11) Kristusil­li makititaasimasup ar­nanut saq­qum­meq­qaar­nermigut paasinarsisip­paa taak­ku ajoqersuk­katut al­latul­li ilisiman­nit­tuunis­samut naleq­qul­luar­tigisutut isigalugit. — Apustilit Suliaat 1:8, 14.

Tamatuma ullumikkut sunniutai: Jehovap Nalunaajaasuisa ilagiivini angutit akisus­saaf­filer­neqarsimasut ar­nanik ataq­qin­nit­tuuner­tik ersersit­tar­paat taak­kua paasisimasaan­nik suusupagin­nit­tan­ngin­nermik­kut. Aam­ma uiusut kristumiut nuliamin­nik ataq­qin­nit­tar­put taak­kua tusar­naaq­qis­saar­tar­nerisigut. — 1 Mosesi 21:12; 1 Petrusi 3:7.

Najoqqutassiat Biibilimiittut arnanut pilluarnerulissutaasut

Angutit Kristusi ilaaraangas­suk ar­nat Guutip aal­laq­qaam­mul­li siuner­tarisimasaatut ataq­qineqar­tarlutil­lu kif­faan­ngis­suseqar­tar­put. (1 Mosesi 1:27, 28) Uiusut kristumiut ar­nanik asis­suinatik aap­parmik nuan­naarutigingaagaan­nik najoq­qutas­sianit Biibilimiit­tunit siulersor­tit­tar­put. — Efesosimiut 5:28, 29.

Jelena Biibilimik atuaq­qis­saar­taleq­qaarami uiminit peq­qar­niisaarfigineqar­tar­poq. Uia nakuuserfiusumi, nulias­sanik aal­larus­sisar­nerup timik­kul­lu pinerliisar­nerup nalingin­naaf­fian­ni, peroriar­torsimavoq. Jelena ima oqar­poq: “Biibilimit ilik­kak­kak­ka nakus­satsis­sutigaak­ka. Paasiler­para as­sut asaneqarlungalu pingaar­tin­neqarlungalu isumas­sor­neqarlunga. Aam­ma paasiler­para uima Biibilimik atuaq­qis­saar­taleruni uan­nut isigin­nit­taatsini al­lan­ngor­tis­sin­naagaa.” Kis­saataa piviusun­ngor­poq uia pif­fis­sap ingerlanerani Biibilimik atuaq­qis­saar­taler­nis­saminut akuersim­mat kingusin­nerusuk­kul­lu Jehovap Nalunaajaasuisa ilaat­tut kuisim­mat. Jelena ima nangip­poq: “Uiga im­minut naalak­kersin­naanermut tun­ngatil­lugu maligas­saal­lualer­poq. Isumak­keerfigeqatigiit­tar­nis­sar­put ilik­kar­par­put.” Qanoq isum­mer­pa? “Najoq­qutas­siat Biibilimiit­tut aap­pariin­nitsin­ni pisariaqar­tin­neqar­tutut il­lersor­neqar­tutul­lu misiginis­samut iluaqutigeqaak­ka.” — Kolos­semiut 3:13, 18, 19.

Jelenap misigisimasai im­mik­korluin­naq it­tuun­ngil­lat. Ar­nat kristumiut mil­lionil­lit pil­luar­put uitik peqatigalugit najoq­qutas­siat Biibilimiit­tut aap­pariin­nermin­ni malil­lugit inuuniarsarigamik. Up­peqatitil­lu peqatigigaangamik­kit iluarusut­tar­put ataq­qineqar­tutul­lu misigisarlutik. — Johan­nesi 13:34, 35.

Angutit ar­nal­lu kristumiut miserratigin­ngilaat ‘piun­ngitsuus­susermut naalatsigititaal­lutik’ taamaat­tumil­lu ajor­timit naam­mal­luin­nan­ngis­sutsimil­lu im­minut kif­faajun­naarsis­sin­naanatik. Taamaak­kaluar­torli Guutimin­nut Ataatamin­nul­lu asan­nit­tumut, Jehovamut, at­taveqarlualer­nermik­kut ‘nungujas­susermi inus­siaataanermit aniguisitaanis­samin­nik kif­faan­ngis­susermil­lu Guutip qitor­naasa naalan­narsif­fis­sami pisas­saan­nik peqaler­nis­samin­nik’ neriuuteqaler­put. Angutit ar­nal­lu Guutimit isumas­sor­neqar­tut siunis­samut neriuutaat nuan­ningaarami! — Romamiut 8:20, 21.