Jiisusi makititaam­mat al­lat naas­saan­ngitsumik inuusin­naap­put!

JIISUSIP makititaanera tas­saan­ngilaq itsaq pisimasoq ul­lumik­kut uagutsin­nut pingaaruteqan­ngitsoq. Taman­na apustilip Paulusip ima ersersip­paa: “Kristusi toqusunit makis­simavoq sinip­paar­tuni inereq­qaar­tuul­luni. Toqumi inuk aq­qutigalugu nal­lium­mat aam­mat­taaq toqusut makin­nis­saat inuk aq­qutigalugu nal­liup­poq. Soorlumi Adamimi tamarmik toqusar­tut, taamatut­taaq Kristusimi tamarmik uum­mar­titaajumaar­put.” — 1 Korinthimiut 15:20-22.

Jiisusi makititaavoq ukiumi 33-mi nisanip 16-ian­ni ul­lormi juutit karrit inereq­qaataasa siul­lersaan­nik Jerusalemimi naalaf­fim­mi Jehovamut sas­saas­sif­figisarfian­ni. Paulusip Jiisusi inereq­qaataasumik taagamiuk ersersip­paa aam­ma al­lanik toqusunit makititaasoqarumaar­toq.

Paulusip oqaasiinit tul­liut­tunit erser­poq Jiisusip makititaanerata suna ajor­narun­naarsik­kaa. “Toqumi inuk aq­qutigalugu nal­lium­mat,” Paulusi al­lap­poq, “aam­mat­taaq toqusut makin­nis­saat inuk aq­qutigalugu nal­liup­poq.” Ajor­tiliuneq naam­mal­luin­nan­ngis­suserlu Adamimit kingor­nus­savut pis­sutigalugit tamat­ta toqusus­saavugut. Jiisusil­li inut­tut naam­mal­luin­nar­tutut inuunini uter­titsis­sutitut pil­liutigigamiuk inuiaat toqusunit makititaasin­naalersik­kamigit ajor­timit toqumil­lu aniguinis­samik periarfis­sip­pai. Paulusi Romamiunut al­lak­kamini 6:23-mi naatsumik ima nas­suiaavoq: “Ajor­tim­mi akis­sarsiarititaa tas­sa toqu, Guutil­li saam­maan­nermit tunis­sutaa tas­saavoq inuuneq naas­saan­ngitsoq Kristusi-Jiisusimi Naalak­katsin­ni.”

Jiisusip nam­mineq nas­suiar­paa toqunini makititaaninilu uagutsin­nut qanoq kinguneqas­sanersoq. Im­minut pil­luni ima oqar­poq: “Inuup Er­nera qul­lar­tin­neqar­tariaqar­poq kinaluun­niit taas­sumun­nga up­per­toq taas­sumani naas­saan­ngitsumik inooq­qul­lugu. Guutim­mi silarsuaq ima asatigaa er­nituani tun­nius­simal­lugu taas­sumun­nga up­per­toq kinaluun­niit tam­maq­qunagu naas­saan­ngitsumil­li inooq­qul­lugu.” — Johan­nesi 3:14-16.

Takorlooruk — an­niaateqarani, naal­liuuteqarani aliasuuteqaranilu naas­saan­ngitsumik inuuneq! (Saq­qum­mersitat 21:3, 4) Siunis­samut neriuutip nuan­nis­susia! Biibilimik misis­sueq­qis­saar­tar­tup taman­na ima al­laatigaa: “Iliveqarfiit inuunerup sivikis­susianik eq­qaasitsisut toqusunit makititaaneq toqup sivikin­neranut up­per­narsaavoq.” Aap, Jiisusi makititaam­mat al­lat naas­saan­ngitsumik inuusin­naap­put!