APEQ­QUTIT BIIBILIMUT TUN­NGASUT

Ajor­tuliatsin­nik isumak­keerfigineqarsin­naavugut?

Biibili naaper­torlugu inuit tamarmik ajor­tiliup­put. Ajor­tulioq­qajaasar­ner­put inum­mit siul­lermit, Adamimit, kingor­nup­par­put. Taamaat­tumik ilaan­nik­kut eq­qun­ngitsulior­tar­pugut kingusin­nerusuk­kut im­maqa peq­qis­simis­sutigiumaak­katsin­nik. Guutip er­nerata, Jiisusip Kristusip, uagut pil­luta toqunermigut ajor­tuliatsin­nut akiligas­sar­put akiler­paa. Taas­suma uter­titsis­sutitut pil­liutaa pis­sutigalugu isumak­keerfigineqarsin­naavugut. Taman­na tunis­sutaavoq Guutimeersoq. — Romamiut 3:23, 24 atuak­kit.

Inuit ilaat ingasat­tumik ajor­tuliorsimasut Guutimit isumak­keerfigineqarsin­naanerlutik eq­qarsaatigisar­paat. Qujanar­tumil­li Biibilimi ima al­las­simavoq: ‘Er­nerata Jiisusip aavata tamanik ajor­taajas­savaatigut.’ (1 Johan­nesi 1:7) Naak ingasat­tumik ajor­tuliorsimagaluar­tugut eq­qor­tumik isigin­nit­taaseqarlutalu peq­qis­simigut­ta Jehovap isumak­keerfigerusup­paatigut. — Esaja 1:18 atuaruk.

Isumak­keerfigineqarumal­luta susariaqar­pugut?

Guutimit isumak­keerfigineqarusuk­kut­ta taan­na ilisarisimaler­tariaqarlugulu taas­suma aq­qutigeq­qusai, siun­nersuutai piumasaqaataalu paasisariaqar­pavut. (Johan­nesi 17:3) Inuit ajor­tuliorsimanermin­nik peq­qis­simis­sutigin­nil­lutil­lu al­lamik isumataar­tut Jehovap isumak­keerfigingaar­tar­pai. — Apustilit Suliaat 3:19, 20 atuak­kit.

Guutimit iluarisaaler­nis­saq inun­nut ar­tor­nar­tuun­ngilaq. Jehovap, nal­lit­tuisuul­lunilu asan­nit­tuusup, san­ngiis­sutivut nalun­ngilai. Taas­suma nuan­nersunik pis­suseqar­nera taas­suman­nga qanoq iluarisaalersin­naanin­nik ilin­niarusulis­sutigaajuk? — Tus­siaat 103:13, 14 atuak­kit.