APEQ­QUTIT BIIBILIMUT TUN­NGASUT

Kik­kut qilalias­sap­pat, aam­ma sooq?

Inuit mil­lionilik­kuutaat toqugunik qilaliar­nis­sar­tik neriuutigaat. Jiisusip apustilini aalajaatsut qilam­mi inuulis­sanerar­pai. Toqun­ngitsiarluni Ataatamini qilam­miusumi inis­saan­nik piareersaan­niarlugit neriorsor­pai. — Johan­nesi 14:2 atuaruk.

Sooq inuit nunarsuarmiit qilam­mi inuunermut makititaas­sap­pat? Qilam­mi suleris­sap­pat? Jiisusip apustilini oqarfigai kun­ngin­ngus­sasut. Nunarsuarmut naalak­kersuis­sap­put. — Lukasi 22:28-30; Saq­qum­mersitat 20:4 atuak­kit.

Inuit ajun­ngitsut tamarmik qilalias­sap­pat?

Nunani amerlaner­ni inuit ikit­tuin­naat naalak­kersuisar­put. Inuit qilam­mit nunarsuarmut naalak­kersuisus­satut Jiisusimit makitin­neqar­tut aam­ma ikit­tuin­naas­sap­put. (Lukasi 12:32) Jiisusip naalak­kersueqatis­sai qas­ser­piaas­sasut Biibilimi eq­qaaneqar­poq. — Saq­qum­mersitat 14:1 atuaruk.

Qilaliar­tut saniatigut aam­ma al­lat akis­sarsisin­neqas­sap­put. Jiisusip kun­ngitut naalak­kersuinerani in­nut­taasut aalajaatsut paratiisimi nunarsuarmi pilerseq­qitami naas­saan­ngitsumik inuus­sap­put. (Johan­nesi 3:16) Inuit ilaat pis­sutsit aaq­qis­suus­saanerat ajor­toq maan­na atuut­toq suujun­naarsin­neqar­pat paratiisimi inuunis­samut aniguis­sap­put. Al­lat makititaanermik­kut paratiisimi inuus­sap­put. — Tus­siaat 37:29; Johan­nesi 5:28, 29 atuak­kit.