Guutip isumagaatit

SOOQ QULAR­TOQAR­TOQ: Qanit­tuk­kut misis­sueq­qis­saar­neq naaper­torlugu galaksitsin­niin­naq ikin­ner­paamik 100 mil­liardinik ul­loriaqarunar­poq angalasunik. Silarsuup angingaas­susia eq­qarsaatigalugu inup­pas­suit ima aperisar­put: ‘Sooq Pin­ngor­titsisorsuup inuit nunarsuamineeran­nguamiit­tut soqutigis­savai?’

GUUTIP OQAASIANI AJOQERSUU­TIGINEQAR­TOQ: Guutip Biibilimik tuneriarluta soqutigiun­naan­ngilaatigut. Imami neriorsor­paatigut: “Siun­nersus­savak­kit, isigiuas­savak­kil­lu.” — Tus­siaat 32:8.

Hagari, ar­naq Egyptenimiu ukiut 1900-t Kr.in.si. inuusoq, as­sersuutigeriar­tigu. Hagari sulisitsisiminut, Sarajimut, ataq­qin­nin­ngitsuliorami taas­suman­nga nikanarsar­neqar­poq inoqajuitsumul­lu qimaal­luni. Hagari kuk­kus­suteqarmat Guutip soqutigiun­naar­paa? Biibilimi ima al­las­simavoq: “Naalak­kap in­ngiliata Hagari tikip­paa.” Imalu oqarfigaa: ‘Kap­pialanerit Naalak­kap tusar­paa.’ Hagarilu Jehovamuta ima oqar­poq: “Il­lit Guutiuvutit isigin­nit­tar­toq.” — 1 Mosesi 16:4-13.

‘Guutip isigin­nit­tar­tup’ aam­ma il­lit soqutigaatit. As­sersuuteqariar­ta: Anaanaasup asan­nit­tup qitor­nani mikisut nak­kutiginerusar­pai, meeq­qam­mi mikisut angajoq­qaamin­nit nak­kutigineqar­tariaqar­put. Taamatut­taaq Guutip inuin­nan­nguusugut qajan­nar­tutut misigigaangat­ta nak­kutiginerusar­paatigut. “Ineqar­punga qutsin­nermi il­ler­nas­sutsimilu,” oqar­poq Jehova, “aam­mat­taarli sequmisitaasumi anersaak­kul­lu nikal­lorsimasumi, inuum­maris­sarumal­lugu ... uum­matimigut neriuutaarut­toq.” — Esaja 57:15.

Imali eq­qarsar­toqarsin­naavoq: ‘Guutip qanoq isigaanga? Qal­lik­kut qanoq it­tuunera kisiat isigisar­paa, ilorlik­kul­luun­niit qanoq it­tuunera takusin­naal­lugulu paasil­luar­paanga?’