APEQ­QUTIT BIIBILIMI AKINEQAR­TUT

Up­perisar­sioqatigiit tamarmik Guutimit iluarisaap­pat?

Silarsuarmi nutaarsias­sat tusar­naar­til­lugit malugisimas­sagunar­pat up­perisarsior­nerup aq­qani ilaan­nik­kut ajor­tumik iliuuseqar­toqar­tar­toq. Up­perisarsioqatigiit tamarmik Guutimit ilumoor­tumit pilerfeqar­pat? Naamik. (Mat­thæusi 7:15) Inup­pas­suim­mi sal­loqit­tar­neqarlutik tam­mar­tin­neqarsimap­put. — 1 Johan­nesi 5:19 atuaruk.

Guutil­li inuit eq­qor­tuliorusul­lutik ajun­ngitsunik ilumoor­tunil­lu nuan­narisaqar­tut malugisar­pai. (Johan­nesi 4:23) Guutip inuit taamaat­tut sal­lusuis­sum­mik oqaatsimineersumik, Biibilimeersumik, ilin­niaq­qul­lugit kajumis­saar­pai. — 1 Timotheusi 2:3-5 atuak­kit.

Up­perisaq ilumoor­toq sunik ilisar­naateqar­pa?

Jehovap Guutip inuit up­perisarsioqatigiin­nik as­sigiin­ngitsunik tunuliaqutal­lit sal­lusuis­sum­mik asaqatigiin­nis­saan­nil­lu ilin­niar­tin­nerisigut ataasius­suseqalersip­pai. (Mika 4:2, 3) Taamaat­tumik ilumoor­tumik up­perisarsior­tut isumas­soqatigiin­ner­tik ilisar­naatigaat. — Johan­nesi 13:35 atuaruk.

Ilumoor­tumik pal­lorfigin­nit­tut up­perisar­tik inooriaaser­til­lu Biibilimik tun­ngaveqar­tip­paat. (2 Timotheusi 3:16) Aam­ma Guutip aq­qa ataq­qinarsisip­paat. (Tus­siaat 83:19) Guutil­lu naalagaaf­fia inun­nut neriuutis­satuaanerar­paat. (Danieli 2:44) ‘Qaamasor­tik qaamatil­lugu’ inoqatimin­nut ajun­ngitsulior­nermik­kut Jiisusi ilaar­paat. (Mat­thæusi 5:16) Taamaat­tumik kristumiut ilumoor­tut inuit angerlarsimaf­fian­nut or­nigul­lutik Guutip naalagaaf­fianik nutaarsias­saq nuan­nersoq pil­lugu inus­siar­nersumik tusarlius­sisar­ner­tik ilisar­naatigaat. — Mat­thæusi 24:14; Apustilit Suliaat 20:20 atuak­kit.