Guuti misiginneqatiginnittarpa?

PINNGORTITAMIT SUNA PAASIGIPPUT

Misigin­neqatigin­nin­neq ima nas­suiar­neqarsimavoq: “Al­lap misigis­susiinik misigin­nis­sin­naaneq imaluun­niit inuup al­lap misigisimasaanik takorluuisin­naaneq.” Eq­qarsar­taatsimik ilisimatooq Dr. Rick Hanson oqar­poq “misigin­neqataaneq inun­nguuserigip­put”.

UNA EQQARSAATIGIUK: Sooq misigin­neqatigin­nis­sin­naavugut, uf­fa uumas­susil­lit al­lat taamaas­sin­naan­ngitsut? Biibilimi nas­suiar­neqar­poq Guutip inuit im­minik as­silil­luni pin­ngor­tik­kai. (1 Mosesi 1:26) Guuti as­silil­lugu pin­ngor­titaagat­ta taas­suma pis­susii nuan­nersut ersersis­sin­naavavut, kil­lilim­mil­li. Taamaat­tumik inuit misigin­neqatigin­nin­neq kajumis­sis­sutigalugu inun­nik al­lanik ikiuigaangamik Pin­ngor­titsiser­tik nal­lit­tuisoq, Jehova Guuti, misigin­neqatigin­nit­tar­toq ilaar­tar­paat. – Us­satit 14:31.

GUUTIP MISIGINNEQATIGINNINNERA PILLUGU SUUT BIIBILIMI PAASIGIVUT

Naal­liuk­kaangat­ta Guutip nuan­niigingaarlugulu misigin­neqatigisar­paatigut. Itsaq Israelik­kut, Egyptenimi inus­siaatil­lutik peq­qar­niitsumik pineqareerlutik ukiuni 40-ni inoqajuitsumi atugarlior­tut pil­lugit Biibilimi ima al­las­simavoq: “Erloqis­sutaat tamaasa [Guutip] erloqis­sutigai.” (Esaja 63:9, tastamantitoĸaĸ 1961-imi naqitigaq) Malugiuk Guutip taak­kua naal­liun­nerat malugiin­nar­nagu erloqinerat nam­mineq aam­ma misigigaa. Ima oqar­poq: “Erloqis­sutaat nalun­ngilak­ka.” (2 Mosesi 3:7) “Ilis­sin­nik at­tuisut isima tap­piutaat at­tor­paat,” Guuti oqar­poq. (Zakaria 2:12) An­nersin­neqaraangat­ta aam­ma Jehova an­ner­tar­poq.

Im­minut ajorisin­naagaluar­tugut Guutimil­lu misigin­neqatigineqar­nis­samut ajuk­kus­sin­naagaluar­tugut Biibilimi up­per­narsaavigineqar­pugut taan­na ‘uum­matitsin­nit an­nerusoq suul­lu tamaasa ilisimagai’. (1 Johan­nesi 3:19, 20) Guutip im­minut ilisarisimanitsin­nit ilisarisimaneruaatigut. Atuk­kavut, eq­qarsaativut misigis­sutsivul­lu tamaasa eq­qumaf­figil­luin­nar­pai. Misigin­neqatigaatigut.

Allassimaffiit qularunnaarsitsisut

• “Torlorfigis­savat, Naalagarlu akis­saaq, taava ikioq­qul­lutit suaas­saatit, oqas­saarlu: Maaniip­punga!” – ESAJA 58:9.

• “Uangami nalun­ngilak­ka ilis­si pil­lusi pilersaarutigisak­ka, oqar­poq Naalagaq, pil­luar­nis­samik pilersaaruteqarama ajunaar­nis­samik pin­nanga. Siunis­saqar­tis­savas­si neriuutis­saqar­til­lusilu. Torlorfigigus­singa akiumaar­pas­si, qin­nuigigus­singalu tusarumaar­pas­si.” – JEREMIA 29:11, 12.

• ‘Qul­lik­ka toq­qor­tar­patit il­lit imiisivin­ni amiusumi, map­persak­kan­ni nalunaarsorsimap­put.’ – TUSSIAAT 56:9.

GUUTIP MALUGALUTALU PAASILLUTALU MISIGINNEQATIGISARPAATIGUT

Guutip misigin­neqatigigaatigut nalun­ngin­natsigu atugarlior­nitsin­ni naam­magit­tas­sutigisin­naavar­put? Mariap misigisai sam­meriar­tigit:

“Er­nera ukiuni marlun­ni kræfteqareerluni 18-inik ukioqarluni toqum­mat misigivunga inuuneq ar­tor­narlunilu naaper­tuil­luan­ngitsuusoq. Jehova kamaap­para akuliul­luni ajorun­naarsin­ngim­magu!”

“Ukiut arfinil­lit qaangiut­tut ikin­ngutip ilagiin­niit­tup misigin­neqataasup Jehovamit asaneqan­ngitsutut misiginera oqalut­tuarigiga tusar­naar­paa. Nalunaaqut­tap-akun­ner­pas­suini oqaaseqarani tusar­naareerlunga kil­litsis­sutigisan­nik Johan­nesip al­lagai siul­liit 3:19, 20 ima is­suaaf­figai: ‘Guuti uum­matitsin­nit an­neruvoq suul­lu tamaasa ilisimal­lugit.’ Nas­suiaal­lungalu Jehovap naal­liuutivut paasisarai.

Taamaak­kaluar­toq suli kamas­saqar­punga. Taava Tus­siaat 94:19 atuar­para ima al­las­simasoq: “Eq­qarsaatima eq­qis­siviil­lior­tileraangan­nga tup­pal­lersaaner­pit nuan­naalersit­tar­paanga.” Versit taak­ku uan­nut al­lan­neqar­tutul­lusooq ip­put. Erloqis­sutik­ka pil­lugit Jehova oqaloqatigereeraangak­ku pif­fis­sap ingerlanerani tup­pal­lersar­neqar­tutut misigisaler­punga, nalun­ngin­nak­ku tusar­naarlungalu paasigaanga.”

Tup­pal­ler­naqaaq nalunagu Guutip paasisarlutalu misigin­neqatigisaraatigut. Soormiuna silarsuarmi taama naal­liun­nar­toqar­tigisoq? Imaap­pa Guutip ajor­tuliavut pil­lugit pil­lar­taraatigut? Guutip naal­liuutit tamaasa atuuk­kun­naarsis­saner­pai? Tamak­ku al­laaserisani tul­liut­tuni sam­mineqas­sap­put.