Ilaqutariittut inuuneq ikinnguteqarnerlu

NAMMINISSARSIUNNGITSUUGIT

BIIBILIMI NAJOQQUTASSIAQ: “Tamas­si im­mik­kut nam­mineq iluaqutis­sarsi pin­nagu inoqatis­sis­saaq iluaqutis­saat isumagisiuk.” – Filip­pimiut 2:4.

QANOQ PAASISARIAQARTOQ: Al­lanut at­taveqarluas­sagut­ta tunineqar­nis­sar­put pin­nagu tunisinis­sar­put eq­qarsaatiginerusariaqar­par­put. Il­lit nam­minis­sarsior­tuuguit al­lanut at­taveqar­nerit in­narlersin­naavat. As­sersuutigalugu aap­paasoq nam­minis­sarsior­toq im­maqa aap­parminut ilumuun­ngitsulius­saaq. Taamatut­taaq inuk pigisar­pas­suarminik ilisimasar­pas­suarminil­lu usorsisimaarutigin­nit­tuar­toq ikin­ngutigineqarusun­neq ajor­poq. Atuak­kami The Road to Character-imi al­las­simasutut “inuit im­minuin­naq eq­qarsaatigisut ajor­nar­torsiuter­pas­suaqas­sap­put”.

QANOQ ILIORSINNAASUTIT:

• Allat ikiortakkit. Ikin­ngutigiil­luar­tut tatigeqatigiil­lutil­lu ikioqatigiin­nis­samut piareersimajuaan­nar­put. Misis­suinerit ilaan­nit ersersin­neqar­poq inuit al­lanik ikiuisar­tut isumatsarujus­suan­ngin­nerusarlutil­lu im­minut ataq­qinerusar­tut.

• Misiginneqataasarit. Misigin­neqataaneq al­lap an­niaataanik ilumoorluni misigin­nin­ner­tut al­laatigineqar­tar­poq. Misigin­neqataanermik ersersitsiguit ilimanar­poq tusangiasaarin­ngin­nerus­sasutit, tas­sa al­lat ajual­laatigisin­naasaan­nik quias­suaas­san­ngitsutit.

  Misigin­neqataanermik ersersitsisaruit aam­ma al­lanut akuersaar­nerulis­saatit. Tas­sa misigin­neqataaneq nakerisarsior­tuun­ngin­nis­samut as­sigiin­ngitsunil­lu kulturilin­nik tunuliaqutalin­nil­lu ikin­ngutitaar­nis­samut iluaqutigis­savat.

• Allat peqatigisakkit. Al­lat peqatigisar­nerujar­tor­til­lugit ilisarisimal­luar­nerulis­savatit. Al­lat ikin­ngutigil­lualerumal­lugit pingaar­titaat pil­lugit oqaloqatigisariaqar­patit. Taamaat­tumik tusar­naarluar­tarit. Ikin­ngutivit pingaar­titaat soqutigisak­kit. Qanit­tuk­kut misis­suinermi paasineqar­poq “isumaqarluar­tumik oqaloqateqar­tar­neq pil­luar­nerulersitsisarunar­toq”.

SILATUSAARLUTIT IKINNGUTINNIK TOQQAASARIT

BIIBILIMI NAJOQQUTASSIAQ: “Ikin­ngutipalaaqar­neq ileq­qorik­kaluar­tunut aseruutis­siisar­poq.” – 1 Korinthimiut 15:33.

QANOQ PAASISARIAQARTOQ: Peqatigisar­tak­kavit pitsaasumik ajor­tumil­luun­niit sun­nis­savaatsit. Inuit pis­susiinik ilisimatuut oqar­tar­put ikin­ngutit inuunermut sun­niuteqangaarsin­naasut. As­sersuutigalugu oqar­tar­put inuit pujor­tar­tar­tut avin­niar­tul­luun­niit peqatigisaruk­kit pujor­tar­taler­nis­sat avik­kusuler­nis­sal­luun­niit ilimanar­nerus­sasoq.

QANOQ ILIORSINNAASUTIT: Nuan­naar­torisan­nik pis­susil­lit pingaar­titaqar­tul­lu ikin­ngutigiler­tak­kit. As­sersuutigalugu inuit pis­suseris­sut, ataq­qin­nit­tut, tuk­kor­tut inoroorsaar­tul­lu peqatiginiar­tak­kit.

BIIBILIMI NAJOQQUTASSIAT ALLAT

AJUAL­LAN­NAR­TUMIK OQALUN­NAVEERSAARIT.

“Eq­qarsariaq­qaar­nani oqaaserisat panatut kapisisar­put.” – US­SATIT 12:18.

TUK­KOR­TUUGIT.

“Tuk­kusooq nam­mineq tuman­nguersar­neqas­saaq.” – US­SATIT 11:25.

PINEQARUSUN­NIT­TUT AL­LAT PISAK­KIT.

“Inun­nut qanorluun­niit iliorfigeq­qugus­si ilis­sis­saaq taamatut iliorfigisigit.” – MAT­THÆUSI 7:12.