Guuti kinaava?

Inup­pas­suit Guuti up­perinerar­paat. Aperiguk­kil­li Guuti kinaanersoq akis­sutit as­sigiis­san­ngil­lat. Isumaqar­toqar­poq Guuti inuit ajor­tuliaat pil­lugit eq­qar­tuus­sisuusoq peq­qar­niitsoq pil­laarusut­torlu. Al­lat isumaqar­put qanorluun­niit ilioraluarunik Guuti asan­nit­tuujuarlunilu isumak­keerfigin­nit­tuujuar­toq. Sulilu al­lat isumaqar­put Guuti ungasil­lunilu soqutigin­nin­ngitsuusoq. Taama as­sigiin­ngitsigisunik isumaqar­toqarmat inup­pas­suit misigip­put Guuti ilisarisimaler­neqarsin­naan­ngitsoq.

Pingaaruteqarpa? Aap, pingaaruteqar­poq. Guuti ilisarisimaneruleruk­ku inuunerit siuner­taqalersin­naavoq. (Apustilit Suliaat 17:26-28) Guuti qanin­nerujar­tor­til­lugu taas­suma asanerujar­tus­savaatit ikiorlutil­lu. (Jaaku 4:8) Guuti pil­lugu eq­qor­tumik ilisimasaqaleruit al­laat inuuneq naas­saan­ngitsoq angusin­naas­savat. – Johan­nesi 17:3.

Guuti qanoq ili­sarisima­lersin­naaviuk? Ilisarisimal­luak­kat soorlu ikin­ngutin­naat eq­qarsaatigiuk. Qanoq ikin­ngutigiiler­pisi? Ilimanar­poq inuup taas­suma aq­qa, kinaas­susia, nuan­narisai nuan­narin­ngisaalu, aam­mat­taaq iliuuserisimasai iliuusererusutaalu ilisimaleritit. Tamak­ku inum­mut taas­sumun­nga qanil­lis­sutigaatit – taan­na pillugu ilisimasaqaleravit.

Taamatulli Guuti ili­sarisima­lersin­naavar­put uku misis­sor­nerisigut:

• GUUTI QANOQ ATEQARPA?

• QANOQ ITTUUA?

• QANOQ ILIORSIMAVA?

• QANOQ ILIORUMAARPA?

• ILISARISIMALERUKKU QANOQ ILUAQUTIGISSAVIUK?

Apeq­qutit tamak­ku akis­sutaat Biibilimeersut atuagas­siami matumani atuarsin­naavatit. Al­laaserisat iluaqutigalugit Guuti kinaanersoq paasiin­nar­nagu aam­ma taan­na at­taveqarfigileruk­ku qanoq iluaqutigis­sagit paasis­savat.