Kajumillutit Jehovamut naalatsigitigit

1. Sooq Jehovamut naalatsigitis­saagut?

JEHOVAMUT naalatsigitit­tariaqar­pugut.b Taan­nami Pin­ngor­titsisuuvoq pin­ngor­titaminul­lu najoq­qutas­siorsin­naatitaasuul­luni. (Saqq 4:11) Naalan­nis­saanul­li al­lamik pis­sutis­saqarluar­pugut: Jehovap aqutseriaasia al­lanit tamanit pitsaaner­paavoq! Inuit oqalut­tuarisaaneran­ni arlal­lit oqar­tus­saas­suseqarsimap­put. Taak­kunun­ngali sanil­liul­lugu Jehova Naalak­kersuisutut silatunersaavoq, asan­nin­ner­paavoq, naak­kin­nin­ner­paavoq misigin­neqataaner­paal­lunilu. – 2 Mos 34:6; Rom 16:27; 1 Joh 4:8.

2. Jehovamut naalatsigitin­nis­samut Hebræerit 12:9-11 qanoq pis­sutis­saqalersip­paatigut?

² Jehovap kis­saatigin­ngilaa mianerin­nin­ner­put pis­sutigiin­narlugu naalas­sagitsin­ni, kis­saatigaali taamaalius­sasugut Ataatatsitut qilam­miusutut asagatsigu. Paulusi Hebræerinut al­lak­kamini nas­suiar­paa Jehovamut ‘an­nerusumik naalatsigitis­sasugut’ taas­suma “iluaqutis­satsin­nik” ilin­niar­tit­tarmatigut. – Hebræerit 12:9-11 atuakkit.

3. (a) Jehovamut naalatsigitin­ner­put qanoq ersersit­tar­par­put? (b) Apeq­qutit suut akis­sutis­sarsis­savavut?

³ Jehovamut naalatsigitin­ner­put ersersit­tar­par­put sapin­ngisamik sutigut tamatigut naalan­neratigut nam­minerlu paasisimasaqas­sutsit­ta tatigeq­qajaasar­nerata akior­neratigut. (Uss 3:5) Jehovap pis­susii nuan­nersut ilin­niar­nerujar­tor­til­lugit naalak­kusun­nerulis­savar­put. Sooq? Pis­susii iliuusaanut tamanut tun­ngavium­mata. (Tuss 145:9) Jehova pil­lugu ilisimasaqar­neruler­til­luta taan­na asanerulis­savar­put. Asagutsigulu qanoq ilioq­qusaanerluta ilioq­qusaan­ngin­nerlutalu malit­tarisas­sior­nis­sar­put pisariaqar­tis­san­ngilar­put. Jehovap piumasaatut eq­qarsar­tar­nis­saq misigis­suseqar­nis­sarlu ilin­nias­savar­put ajor­torlu ingalas­simaniar­tarlugu. (Tuss 97:10) Jehoval­li naalan­nis­saa imaan­naajuaan­nan­ngilaq. Sooq? Utoq­qaaner­tal­lu naalagaatitaq Nehemia, ataataasut kun­ngi Daavi aam­ma anaanaasut Jiisusip anaanaa Maria qanoq ilin­niarfigisin­naavaat? Al­laaserisami apeq­qutit taak­ku akis­sutis­sarsis­savavut.

SOOQ JEHOVAMUT NAALATSIGITINNEQ UNAM­MINIAR­NAR­SINNAASOQ

4-5. Romamiut 7:21-23 naaper­torlugit sooq Jehovamut naalatsigitin­nis­saq unam­miniar­narsin­naava?

⁴ Jehovamut naalatsigitin­nerup unam­miniar­narsin­naaneranut pis­sutaasut ilagaat tamat­ta ajor­ti kingor­nus­simagatsigu naam­mal­luin­nan­ngitsuul­lutalu. Taamaat­tumik naalas­sereeq­qajaasar­pugut. Adami Evalu Guutimut naalan­ngil­lutik paar­namik nereq­qusaan­ngitsumik nerigamik nam­min­neq aalajangerusuler­paat suna ajun­ngitsuusoq sunalu ajor­tuusoq. (1 Mos 3:22) Nalitsin­ni inuit amerlanersaasa Jehova soqutigin­ngilaat nam­min­nerlu suut ajun­ngitsuusut suul­lu ajor­tuusut aalajangerusut­tarlugu.

⁵ Al­laat Jehovamik ilisarisiman­nit­tut asan­nit­tul­lu sutigut tamatigut naalan­nis­sar­tik ajor­nakusoor­nar­tis­sin­naavaat. Apustilip Paulusip taman­na nam­mineq misigaa. (Romamiut 7:21-23 atuakkit). Jehovap isaani ajun­ngitsuliorusup­pugut, soorlu Paulusi taamaak­kusus­simasoq. Ajor­tulioq­qajaasar­ner­pul­li akior­tuar­tariaqar­par­put.

6-7. Jehovamut naalatsigitin­nerup unam­miniar­narsin­naaneranut pis­sutaasoq al­la suua? As­sersuuteqarit.

⁶ Jehovamut naalatsigitin­nerup unam­miniar­narsin­naaneranut pis­sutaasoq al­la tas­saavoq peroriar­torfitsin­ni kulturimit sun­ner­neqar­ner­put. Inup­pas­suit Jehovap piumasaanut akerliusunik eq­qarsar­taaseqar­put, taamaat­tumik taak­kunatut eq­qarsaleq­qunata ilungersor­tuar­tariaqar­pugut. As­sersuuteqariar­ta.

⁷ Nunat ilaan­ni inuusut­tut aningaasarsiorluar­nis­samik pimoorus­sinis­samut tatineqar­tar­nerat nalingin­naavoq. Qatan­ngut ar­naq Marymik atilikc taama misigisaqar­poq. Jehova pil­lugu ilin­nialin­ngik­kal­larami nunagisamini ilin­niarfin­ni qaf­fasin­ner­paat ilaan­ni ilin­niar­tuuvoq. Mary akis­sarsiagis­saar­nar­tumik ataq­qineqar­nermil­lu kinguneqar­titsisumik atorfinin­nis­samut ilaqut­taminit tatineqar­poq. Nam­minerlumi taama atorfit­taarusup­poq. Jehovali pil­lugu ilin­nialerami taan­nalu asalerlugu anguniak­kani al­lan­ngor­tip­pai. Ajor­nan­ngitsuin­naan­ngilarli. Ima nas­suiaavoq: “Ilaan­nik­kut aningaasarsiorluar­nis­samut periarfis­saqaleriasaar­tar­punga, nalun­ngilarali Jehovamut kif­far­tor­nin­nut ajoqutaas­sasoq. Perorsar­neqar­nera pis­sutigalugu naaggaar­nis­sara ajor­nar­tit­tar­para. Us­ser­nar­torsior­nin­ni ikioq­qul­lunga Jehova kimigiiserfigisar­para taas­sumun­nga tamaviaarlunga kif­far­tor­nin­nut ajoqutaasumik sulif­feqaleq­qunanga.” – Matt 6:24.

8. Maan­na suut sam­mis­savavut?

⁸ Jehovamut naalatsigitin­ner­put iluaqutigisar­par­put. Inuil­li oqar­tus­saas­susiler­neqarsimasut – soorlu utoq­qaaner­tat, ataataasut anaanaasul­lu – Guutimut naalatsigitit­tut al­lanik ikiuisin­naap­put. Jehova nuan­naar­tik­kumal­lugu oqar­tus­saas­suseqar­neq qanoq ator­neqarsin­naasoq paasiniarlugu Biibilimi maligas­saal­luar­tut maan­na sam­meriar­tigit.

UTOQQAANERTAT NEHEMIA QANOQ ILINNIAR­FIGISIN­NAAGAAT

9. Nehemiap unam­miniar­nar­tut suut nalaap­pai?

⁹ Jehovap in­nut­taminik paarsisus­satut utoq­qaaner­tat pingaarutilim­mik akisus­saaf­filer­pai. (1 Petr 5:2) Nehemia Jehovap in­nut­taanik qanoq iliuuseqar­tar­nis­samut tun­ngatil­lugu ilin­niarfigingaarsin­naavaat. Taan­na Judamut naalagaatitaagami an­ner­tuumik oqar­tus­saas­suseqar­poq. (Neh 1:11; 2:7, 8; 5:14) Nehemiap unam­miniar­nar­tut nalaataasa ilaat eq­qarsaatigik­kit. Paasivaa juutit naalaf­fik mingutsis­simagaat Levik­kun­nul­lu tunis­suteqar­tan­ngin­nermik­kut Inatsisinik maleruaan­ngitsut. Aam­ma sabbati pil­lugu inatsit unioq­qutip­paat, angutil­lu ilaat al­lamiunik nuliar­taarsimap­put. Nehemiap pisoq erloqinar­toq taman­na iliuuseqarfigisariaqar­paa. – Neh 13:4-30.

10. Nehemia unam­miniar­nar­tunut nalaataminut qanoq qisuariar­pa?

¹⁰ Nehemiap oqar­tus­saas­suseqar­nini ator­nerlul­lugu Guutip in­nut­tai isum­maminik maleruaaq­qul­lugit pin­ngitsaalin­ngilai. Qaman­ngali pisumik Jehovamut qinunik­kut ikioq­quvoq inuil­lu Jehovap inatsisaanik ilin­niar­til­lugit. (Neh 1:4-10; 13:1-3) Aam­ma maniguul­luni juutit suleqatigai al­laal­lu Jerusalemip qarmarsuinik sanaar­tor­neran­ni ikiorlugit. – Neh 4:15.

11. Thes­salonikamiunut al­lak­kat siul­liit 2:7, 8-lu naaper­torlugit utoq­qaaner­tat ilagiin­niit­tunik qanoq pin­nit­tas­sap­pat?

¹¹ Nehemiap nalaas­simasaasa as­singanik utoq­qaaner­tat unam­miniar­nar­tunik nalaataqas­sagunan­ngil­lat, taamaat­torli amerlasuutigut ilaarsin­naavaat. As­sersuutigalugu qatan­ngutimi iluaqutis­saan­nik ilungersorlutik sulisar­put. Aam­ma oqar­tus­saas­suseqar­ner­tik an­nerunialis­sutigin­ngilaat. Paarlat­tuanik ilagiit asan­nit­tumik pisar­paat. (1 Thessalonikamiut 2:7, 8 atuakkit). Maniguul­lutil­lu asan­nit­tuugamik al­lat inus­siar­nersumik oqaluut­tar­paat. Andrew, utoq­qaaner­taasoq misilit­tagaqarluar­toq, ima oqar­poq: “Maluginiar­nikuuara utoq­qaaner­taq asan­nil­lunilu inus­siar­nersuugaangami qatan­ngutimi uum­mataat kil­lin­nerusarai. Aam­ma suleqataanis­saq taak­kunun­nga kajumin­nar­neruler­tar­poq.” Tony, sivisuumik utoq­qaaner­tatut kif­far­tor­toq, ima oqar­poq: “Filip­pimiut 2:3-mi peq­qus­sut maleruar­niar­tar­para al­lal­lu uan­nit an­nerusutut isiginis­saat sulis­sutigiuarlugu. Taman­na naalagaaniar­tan­ngin­nis­samut iluaqutigisar­para.”

12. Sooq utoq­qaaner­tat maniguut­tuunis­saat pingaaruteqar­pa?

¹² Utoq­qaaner­tat Jehova ilaarlugu maniguut­tuusariaqar­put. Jehova nunami qilam­milu Kisimi Oqar­tus­saasuugaluarluni ‘sequmisitaasuni nikal­lorsimasunilu ineqar­poq’. (Es 57:15; Tuss 18:36) Pingaar­niar­tut makitasuul­lu maajugai. – Uss 16:5.

13. Sooq utoq­qaaner­taq ‘oq­qaminik naalatsitsisariaqar­pa’?

¹³ Utoq­qaaner­taq Jehovamut naalatsigitit­toq ‘oq­qaminik naalatsitsisariaqar­poq’. Taamaaliun­ngik­kuni im­minut ataq­qin­nin­ngitsumik ilior­toq inus­siar­niitsumik akisoorsin­naavaa. (Jaak 1:26; Gal 5:14, 15) Andrew, siusin­nerusuk­kut eq­qaaneqar­toq, ima oqar­poq: “Misigisarsimavunga isumaqaraangama qatan­ngutima utoq­qaaner­tatut ataq­qin­ngik­kaanga inus­siar­niitsumik akerusut­tarlugu. Biibilimili angutit aalajaatsut maligas­siaat eq­qarsaatigeq­qis­saarlugit paasinikuuara maniguut­tuunis­sap pingaaruteqas­susia.” Utoq­qaaner­taasup ilagiin­ni qatan­ngutini utoq­qaaner­taqatinilu asan­nit­tumik inus­siar­nersumil­lu oqaluut­tar­nerisigut Jehovamut naalatsigitin­nini ersersit­tar­paa. – Kol 4:6.

ATAATAASUT KUNNGI DAAVI QANOQ ILINNIAR­FIGISIN­NAAGAAT

14. Ataataasut Jehovap qanoq akisus­saaf­filer­pai, aam­ma suna naatsorsuutigaa?

¹⁴ Ataataasut ilaqutariin­ni it­tuusutut Jehovap akisus­saaf­filer­pai, taamaat­tumik naatsorsuutigaa meeq­qani ilin­niar­til­lugil­lu perorsas­sagai. (1 Kor 11:3; Ef 6:4) Ataataasul­li oqar­tus­saanerat kil­leqar­poq, Jehovami ilaqutariin­nik pilersitsisuum­mat taas­sumun­nga akisus­saatin­neqas­sap­put. (Ef 3:14, 15) Ataataasut oqar­tus­saas­susermik Jehovap iluarisaatut ator­neratigut Guutimut naalatsigitin­ner­tik ersersit­tar­paat. Kun­ngip Daavip maligas­siaa ilin­niarfigingaarsin­naavaat.

15. Sooq kun­ngi Daavi ataataasunut maligas­siuil­luar­pa?

¹⁵ Daavi ilaqut­tamini it­tuuvoq, aam­mali Israelimi Jehovap kun­ngitut akisus­saaf­filer­paa. Taamaat­tumik Daavi pis­saaneqangaar­poq. Ilaatigut oqar­tus­saas­suseqar­nini ator­nerlut­tar­paa ingasat­tumil­lu ajor­tulior­tarluni. (2 Sam 11:14, 15) Perorsaatis­sin­neqar­nerli akueralugu Jehovamut naalatsigitin­nini ersersit­tar­paa. Uum­mam­miugisani tamaasa Jehovamut aniatit­tar­pai. Sapin­ngisaminil­lu Jehovap peq­qus­sutai maleruar­niar­tar­pai. (Tuss 51:3-6) Tamatuma saniatigut maniguul­luni angutinit aam­mali ar­nanit ajun­ngitsumik siun­nersor­neqar­nini akuerisar­paa. (1 Sam 19:11, 12; 25:32, 33) Daavip kuk­kus­sutini ilin­niutigalugil­lu Jehovamut kif­far­tor­nini pingaar­ner­paatip­paa.

16. Ataataasut Daavi qanoq ilin­niarfigisin­naavaat?

¹⁶ Ataataasutit, kun­ngi Daavi qanoq ilin­niarfigisin­naanerit eq­qarsaatigiuk: Jehovamit oqar­tus­saas­susiler­neqar­nerit ator­nerloqinagu. Kuk­kus­sutitit nas­suerutigik­kit Biibililu tun­ngavigalugu al­lanit siun­nersor­neqar­nerit akueralugu. Taamaalioruit ilaqut­tavit maniguun­nerit pil­lugu ataq­qis­savaatsit. Ilaqut­tatit sin­nerlugit qinugaangavit uum­mam­miugisatit Jehovamut aniatit­tak­kit, taava paasis­savaat Jehova qanoq tunaaritiginerit. Pingaar­ner­tul­li, Jehovamut kif­far­tor­nerit inuunin­ni pingaar­ner­paatiguk. (5 Mos 6:6-9) Maligas­siuinerit ilaqut­tan­nut tunis­sutigisin­naasan­ni naleqar­ner­paat ilagaat.

ANAANAASUT MARIA QANOQ ILINNIAR­FIGISIN­NAAGAAT

17. Anaanaasut Jehovap qanoq akisus­saaf­filer­pai?

¹⁷ Anaanaasut ilaqutariin­ni pingaarutilim­mik Jehovap akisus­saaf­filerlugil­lu meeq­qamin­nut oqar­tus­saas­susiler­pai. (Uss 6:20) Anaanaasup iliuusai oqaasiilu meeq­qaminut inuunerisa sin­nerani sun­niuteqarsin­naap­put. (Uss 22:6) Maria, Jiisusip anaanaa, qanoq ilin­niarfigisin­naaneraat maluginiaruk.

18-19. Anaanaasut Maria qanoq ilin­niarfigisin­naavaat?

¹⁸ Mariap Al­lak­kat Il­ler­nar­tut ilisimal­luar­pai. Jehova qaman­nga pisumik ataq­qivaa taas­sumun­ngalu qanimut at­taveqarlualersimal­luni. Jehovap siulersuineranut kajumil­luni naalap­poq, aam­ma inuunermini al­lan­nguerujus­suar­nermik nas­sataqaraluar­pat. – Luk 1:35-38, 46-55.

¹⁹ Anaanaasusi, Maria arlalitsigut ilaarsin­naavarsi. Qanoq? Siul­ler­tut, nam­mineq Biibilimik atuaq­qis­saar­nik­kut nam­minerlu qinusar­nik­kut Jehovamut qanimut at­taveqar­tuar­nis­sigut. Aap­paat­tut, Jehova nuan­naar­tik­kumal­lugu inuunis­sin­ni al­lan­nguinis­samut piareersimanis­sigut. As­sersuutigalugu im­maqa peroriar­tor­nin­ni angajoq­qaatit kamajasuul­lutil­lu meeq­qamin­nut sak­kor­tuumik oqalut­tar­put. Taamaat­tumik imaas­sin­naavoq eq­qarsarsimasutit angajoq­qaat taamaat­tar­tus­saasut. Jehoval­li meeq­qan­nut qanoq pin­nit­tar­nis­san­nut tun­ngatil­lugu piumasai ilin­niareeraluarlugit eq­qis­sisimasar­nis­sat meeq­qan­nul­lu kamagit­tar­tuunis­sat suli ajor­nakusoor­nar­tis­sin­naavat, ingam­mik qasusutit naalan­ngik­kaangata. (Ef 4:31) Taamaat­toqar­til­lugu qinunik­kut Jehovamut ikioq­qunis­sat pingaaruteqangaar­poq. Anaanaasoq Lydiamik atilik ima oqar­poq: “Ilaan­nik­kut er­nera naalan­ngik­kaangat kamal­lunga oqaluutin­ngin­nias­sagak­ku as­sut qinusar­punga. Al­laam­mi oqaatsik­kaluun­niit naanagit Jehovamut ikioq­qul­lunga nipaatsumik qinusar­punga. Qinuneq eq­qis­sisimajuar­nis­samut iluaqutigaara.” – Tuss 37:5.

20. Anaanaasut ilaat qanoq unam­miniagas­saqar­pat, qanorlu taman­na qaangersin­naavaat?

²⁰ Aam­ma anaanaasut ilaasa meeq­qamin­nut asan­nin­nermik ersersitsinis­sar­tik ajor­nar­tis­sin­naavaat. (Tit 2:3, 4) Taamatut unam­miniagaqar­tut amerlasuut nam­min­neq peroriar­toramik angajoq­qaamin­nit asan­nin­nermik ersersitsivigineqarsiman­ngil­lat. Il­lit taama peroriar­torsimaguit angajoq­qaavit kuk­kus­sutaat ilaar­tariaqan­ngilatit. Anaanaasup Jehovap piumasaanut naalatsigitit­tup meeq­qaminut asan­nin­nermik ersersitsinis­saq ilin­niar­tariaqarsin­naavaa. Eq­qarsaatimi, misigis­sutsimi iliuutsimilu al­lan­ngor­tin­nis­saat ajor­nakusoor­nar­tis­sin­naavaa. Al­lan­nguinerli iluatsis­sin­naavoq, taman­nalu im­minut ilaqut­taminul­lu iluaqutaas­saaq.

JEHOVAMUT NAALATSIGITITTUARIT

21-22. Esaja 65:13, 14-ilu naaper­torlugit Jehovamut naalatsigitin­nerup iluaqutis­sar­tai suup­pat?

²¹ Jehovamut naalatsigitin­nerup iluaqutis­sar­tai kun­ngip Daavip ilisimavai. Ima al­lap­poq: “Naalak­kap maleruagas­siai naaper­tuil­luar­tuup­put, uum­mam­mik nuan­naar­titsisar­put. Naalak­kap peq­qus­sutai piviusuup­put, isinik qaamaneqalersitsisar­put. Kif­fat taak­kunun­nga ilitsersor­tip­poq, maleruaraan­ni taman­na naam­mat­tumik akis­sarsis­sutaas­saaq.” (Tuss 19:9, 12) Nalitsin­ni Jehovamut naalatsigitit­tut taas­suma asan­nit­tumik siun­nersuineranik itigar­titsisunit al­laanerunerat ersarip­poq. Jehovamut naalatsigitit­tut ‘uum­mam­mik iluun­ngaan­nit qiim­mat­tar­put’. – Esaja 65:13, 14 atuakkit.

²² Utoq­qaaner­tat, ataataasut anaanaasul­lu kajumil­lutik Jehovamut naalatsigitin­nerat inuunermin­nut iluaqutaasar­poq, ilaqut­tamin­nik nuan­naar­nerulersitsisar­poq ilagiin­nil­lu ataasioqatigiin­nerulersitsil­luni. Pingaar­ner­paatul­lu Jehovap uum­mataanik nuan­naar­titsisar­poq. (Uss 27:11) Tas­sa nuan­naar­nermut pis­sutaasuni an­ner­paaq!