Nalunngiliuk?

Biibilip nalaani pilittat sulerisarpat?

BIIBILIP nalaani pilit­taq il­lumi pisor­taasar­poq imaluun­niit al­lap pianik nak­kutigin­nit­tar­luni. Oqaaseq ‘pilit­taq’ aam­ma ‘il­lumi pisor­tamik’ ‘pisor­taatitamil­lu’ Biibilimi nutser­neqar­tar­poq.

Josefi, ataataaner­paap Jaakup er­nerisa ilaat, Egyptenimi inus­siaataanermini naalak­kami il­luanik nak­kutigin­nit­tun­ngor­tin­neqarluni pilit­tan­ngor­poq. Naalagaata Egyptenimiup ‘pigisani tamaasa Josefimut paaritip­pai’. (1 Mos 39:2-6) Kingusin­nerusuk­kut Josefi Egyptenimi pis­saanilis­suan­ngor­poq nam­minerlu il­lumini pisor­taqalerluni. – 1 Mos 44:4.

Jiisusip nalaani nunaatil­lit il­loqarfin­ni, nunaatimin­niun­ngitsoq, najugaqak­kajut­tar­put. Taamaat­tumik nunaatimin­ni sulianik nak­kutigin­nit­tus­sanik pilit­taqar­tar­put.

Kik­kut pilit­tan­ngor­nis­samut piuk­kun­neqar­tar­pat? Kristumiut siul­liit nalaan­ni Romamiu atuak­kior­toq Columel­la siun­nersuil­luni al­lap­poq inus­siaq nak­kutil­liisun­ngor­tin­neqar­toq, imaluun­niit pilit­tan­ngor­tin­neqar­toq, misilit­tagaqarluar­tuus­sasoq. Sulias­sat sulisunit suliarineqar­tar­nis­saat isumagisin­naasus­saavaa, naak­kit­taatsuun­ngitsumil­li. Columel­la aam­ma al­lap­poq pingaar­ner­paamik piumasaqaataas­sasoq pilit­taq eq­qarsas­san­ngitsoq suut tamaasa ilisimal­lugit, tamatigul­lu ilik­kagaqarusus­suseqar­tus­saavoq.

Guutip oqaasiani pilit­taq taas­sumalu suliarisar­tagai ilagiin­ni suliarineqar­tar­tut ilaan­nut as­sersuutitut ator­neqar­put. As­sersuutigalugu apustilip Petrusip kristumiut kajumis­saar­pai pigin­naanitik Guutimit pisimasatik atoq­qul­lugit Guutip ajun­ngisaar­neranut pisas­sarin­ngisaraluamut “pilit­taal­luar­tutut” kif­far­torfigeqatigiin­nermin­ni. – 1 Petr 4:10.

Jiisusip pisor­taatitaq oqalut­tuaralugu as­sersuusior­nera Lukasi 16:1-8 atuar­neqarsin­naavoq. Aam­ma kun­ngisut najuun­nerminut nalunaaqut pil­lugu siulit­tuinermini Jiisusip ajoqersuk­kani neriorsor­pai “inus­siaq aalajaal­lunilu silatooq”, imaluun­niit “pilit­taasoq” aalajaatsoq, toq­qarumaarlugu. Pilit­tap naggatis­sap nalaani Jiisusip ajoqersugaanut anersaak­kut nerisas­sanik pisariaqar­titaan­nik tamanik pilersuinis­saq pingaar­ner­tut isumagis­savaa. (Matt 24:45-47, NW; Luk 12:42) Biibililersaarutinik nunarsuaq tamak­kerlugu pis­sarsiarineqarsin­naasunik pilit­tamit aalajaatsumit pilersor­neqar­tar­ner­put qujamasuutigaar­put.