Atuagassiat immikkut ittut
1 Aprilimi majimilu Vagttårnet aamma Vågn op! soqutiginartunik pilluarnartumik siunissaqarusuttunut tamanut kajumissaataasunik ilanngutassiaqassapput. Assersuutigalugu, Vagttårnet-imi 1. aamma 15. aprilimi saqqummersussani sammineqassapput „Kia inuiaat eqqissinermut siulersussavai?“ aamma „Silarsuarmi eqqissineqarneq — Sumik nassataqassava?“ Apeqqutinut tamakkununnga akissutissat inunnit ikittuinnarnit ilisimaneqarput. Jehovalli uagut nalornissuteqartinngilaatigut. (Aamorse 3:7) Inuillu unneqqarissut millionilippassuit tunaartarisinnaasaminnik akissutissarserusupput.
2 Vågn op!-imi aprilimi majimilu saqqummersussani makku sammineqassapput: „Sivisunerusumik inuulersinnaalerumaarpugut?“, „Nuna minguitsoq — Nalitsinni pissava?“ aammalu „Silarsuaq sakkussiaqanngitsoq — Ajornanngila?“
SULINIARNERIT ANNERTUSIUK
3 Atuagassianik immikkut ittunik aprilimi majimilu saqqummersussanik taakkuninnga siaruarterinermut tamakkiisumik peqataanissarput maannangaaq pilersaarusiulereertariaqarparput. Atuagassiat atorlugit angalaarnermut piffissaq pisarninnit annertunerusoq atorniarsariuk. Taava ulluni makkunani sammineqartunik imaqaraangata qularuteqarpasinnginnerullutit angorniornerullutillu atuagassiat neqeroorutigisarsinnaassavatit.
4 Atuagassianik amerlanerusunik siaruarterinissatsinnut suna iluaqutigisinnaavarput? Siullermik atuagassiat naallugit atuaqqissaartariaqarpavut. Qanoq angorniortigisumik saqqummiussisinnaanissatsinnut atuagassiat imaannik qanoq ilisimannitsiginerput aalajangiisuuvoq. Atuagassiat naallugit atuaraangakkit ilanngutassiani sammineqartut aalajangersimasut saqqummiussininni atorsinnaasatit maluginiartakkit. Eqqarsaatigisaruk inunnut immikkooqatigiinnut aalajangersimasunut saaffiginnittunik paasissutissaqarnersoq, imminullu ima aperalutit: „Ilanngutassiat tamakku kikkunnut iluaqutissaanerpaappat? Ilanngutassiat sorliit sanilinnut, nalunngisannut najukkama eqqaani najugaqartumut, niuertunut, atuartunut il. il. soqutiginassappat?“ Atuagassiat sunniuteqarnerpaamik neqeroorutigisinnaajumallugit nuannarerpasillugit neqeroorutigisariaqarpavut imai ilisimagatsigik ullutsinnullu naleqquttuunerat nuannarigatsigu.
ATUAGASSIAT AALAJANGERSIMASUMIK AMERLASSUSILLIT SIARUARTERNISSAANNIK ANGUNIAGAQARIT
5 Amerlasuut, ingammik hjælpepioneriunissaminnik pilersaaruteqartut, atuagassianik siaruarterinertik martsimi, aprilimi majimilu annertusisissavaat. Taamaattumik qinnuigissavavut atuagassianik amerlanerusunik piaartumik inniminneeqqullugit, ilagiit inniminnikkatik piaartumik nalunaarutigisinnaaniassammatigik atuagassianillu siaruarterinissarsuup nalliutinnginnerani tigusinnaaniassammatigik.
6 Illumiit-illumut angalaarnermiinnaanngitsoq allarpassuartiguttaarli atuagassiat siaruarterneqarsinnaapput. Aqqusinermi atuagassianik siaruarterisinnaavugut, pisiniarfiillu ammanerisa nalaanni akigisinnaavavut. Amerlasuut atuagassianik pisisartunut aalajangersimasunut tuniniaasarput. Atuagassianik pisisartut akiliisillugit tuninerisigut atuagassiat pingaartinneqarnissaat imaasalu naleqangaartut ataqqinnilluni atuarneqarnissaat qulakkeerneqarsinnaavoq. Aammattaaq pulaaqqittakkat aalajangersimasumik ornittakkat allat taama pineqarsinnaapput. ’Atuagassialerillaqqikkutta’ atuagassiat siaruarternissaannut periarfissat suulluunniit atorumassavavut, aammattaaq nalaatsornikkut oqaluussigaangatta. Atuagassiat saqqaat takorannersut soqutiginnilernartullu oqaloqatigiinnermik aallarniinissatsinnut iluaqutigigajuttassavavut.
7 Eqqaamajuk atuagassiaativut atuagassianit allanit allaassuteqarmata. Eqqissinermut, pilluarnermut inuunermullu naassaanngitsumut aqqutissiuisuupput. (Juán. 17:3) Taamaattumik aprilimi majimilu suliniarnerit annertusiuk Vagttårnet-imi Vågn op!-imilu ilanngutassiat asseqanngitsut siaruartersinnaajumallugit. (kmD 1/2 90 Særlige blade)
Napasuliaq Alapernaarsuiffik aprilimi saqqummersussaq makkuninnga ilanngutassiaqassaaq: „Silarsuaq pinerluttuliorfiunngitsoq ungasikkunnaarpoq!“, „Paratiisi pilerseqqinneqartussaq aqqutissiuunneqartoq“ kiisalu „Paratiisi pilerseqqitaq Guutimut naalannaataavoq“, (wD 15/8 89). Majimi saqqummersussami uku sammineqassapput: „Maleruagassaq atortuujuaannartoq“ kiisalu „Ileqqussatigut minguitsuuneq inuusuttut nersornaatigaat“, (wD 1/11 89). Junimi saqqummersussami uku sammineqassapput: „Suna pillugu Guuti asassutaasoq mianerineqassava?“ (wD 1/6 89) kiisalu „Uppinngitsut uniaammik allanertamik uniaqatiginiaqinasigik.“ (wD 1/11 89)