Nakkaannaqinata
1 Jehovas Vidners Årbog 1991-imi (Jehovap Nalunaajaasuisa Ukiumoortumik Nalunaarsuiffiat 1991) silarsuarmi tamarmi siumukarneq angingaartoq Guutip innuttaasa misigisartagaat oqaluttuarineqarpoq. Nunat ilarpassuini oqaluussisartut amerlanerpaaffii qaangerneqartarput.
2 Illilli oqaluussiffinni qanoq ingerlava? Soqutiginninngitsoqaqaa? Inuit naalagaaffimmik tusagassaq suusupagaat? Ikittuinnarnik angerlarsimasoqartarpa? Ikittuinnaat tusarumappat? Taamaappat immaqa Paulusip oqaasiisa Galâsiamiunut agdlagkat 6:9-miittut kajumissaarsinnaavaatsit: ’Ajunngitsuliortali arajussinata nalliuppat katersuiumaarattattaaq qasunngikkutta.’ Ajunngitsuliornerup soorunami Naalagaaffimmik tusagassap nuannersup illumiit illumut oqaluussissutigineqarnera ilagaa. Oqaluussiuartariaqarpugut eqqaamallugu piffissaq sivikitsoq Jehovap suliassamik naammassinninneraanissaata tungaanut. (Jes. 6:8) Puiussanngilarpullu oqaluussiffinni ajornakusoortutut taaneqartuni allaat savat assersuutaasut nassaarineqartartut.
3 Oqaluussisarnitsinni nakkaannarumata qanoq iliorsinnaavugut? Immaqa aallarniut nutaaq atorsinnaavarput. Siunnersuutit pitsaasut ’Ræsonnerebog’-imeersut misilissimavigit? Aallarniut naatsoq eqqorluartorli ikiortigalugu immaqa amerlanerusut soqutiginnilersissinnaavaatit. Inuit malugitinniakkit illit nammineq taakku iluaqutaallu soqutigalugit aggertutit.
ATUAGAQ „LAD DIT RIGE KOMME“ NEQEROORUTIGIUK
4 Januarimi inuit allat soqutigisinnaavavut atuagaq „Lad dit rige komme“ neqeroorutigalugu. Guutip naalagaaffia ilasseqqullugulu tapersersorparput tusagassaq nuannersoq oqaluussissutigalugu. „Lad dit rige komme“ atorlugu naalagaaffimmik immaqa namminneq qinnutigikulasaannik ilisimasakiffigisaannilli ilinniarnissaannik ikiorsinnaavavut. (Atuagaq tamanna kalaallisunngortitaanngimmat, makkuttaaq kalaallisuut Naalagaaffimmut tunngasut immaqa atorneqarsinnaassapput: erĸigsineĸ isumangnáissuserdlo piviussut — ĸanoĸ pilersíneĸásápat?, inûneĸ ilumut sujunertaĸarpoĸ, nâlagauvfik pâratîsimik pilersitsiumârtugssaĸ, kiisalu ’Ata! Suut tamaasa nutaanngortippakka’.)
5 Atuakkami tamatumani kapitalini tamani oqaloqatigiissutigisassanik isumassarsiat ajunngitsut nanisinnaavatit. Assersuutigalugu kapitali 1 quppernerlu 4-mi 5-imilu assilissat saqqummiussininni uparuarsinnaavatit. Pissutsit paratiiserpaluttut tassani takutinneqartut ataanni inoorusuttoqannginnerpa? Kapitali 1-imi oqaaseqatigiit siulliit marluk qinnut inuit kristumiuuneraqatigiinniittut uteqattaartagaat uparuarpaat. Pulaarfigisaq apereriaruk nammineq taama qinusimanersoq. Soorunami allattaaq eqqartorsinnaavatit, soorlu assersuutigalugu kapitali 18-imi quppernermi 174-mi oqaaseqatigiit siulliit marluk. Aamma quppernermi 25-mi avalequtillit „Hvad Guds rige vil gøre“-mik qulequtallit eqqartorneqartut qaammatip oqaloqatigiissutigisassaanut naleqqulluarput.
6 Sapaatit akunneri tamaasa oqaluussinermut peqataagutta qularnanngivissumik nakussatsissavaatigut kajumissaassallutalu. Guutillu oqaasii akuttunngitsumik atuaqqissaarutsigik ilagiinnilu ataatsimiinnernut tamanut najuuttarluta, anersaakkut nukittuujuassaagut. — Epr. 10:23-25.
ALLAT QASUSUINNISSAANNIK IKIUKKIT
7 Imminut ikiorsinnaavutit allallu kajumissisissinnaallugit oqaluussinermi ilagisarukkit. (Gal. 6:10) Immaqa pionerit utoqqaanertallu aperisinnaavatit taakku suleqatiginiarlugit? Akuttusuumik oqaluussisartut immaqaluunniit uningaannartut kajumissaarneqassapput anersakkut peqqissusiat soqutigalugu oqaluusseqataanissaannut isumaqatigiissuteqarfigigukkit.
8 Maanna ulluni kingullerni artornartuni tamatta Jehovamik kiffartuussinermi qasusuittariaqarpugut. Qasusuissutsip tamatuma ikiussavaatigut kristumiuulluta ilungersortuarnissatsinnut naak artornartoqaraluartoq soqutiginninngitsoqaqalunilu. (Epr. 10:36-39) Jehova qinnuiginiaruk nakussatseqqullutit. (Jes. 40:29-31) Qinnuiginiaruk qasusuinnissannut ikioqqullutit kiffartuussinerlu isumaqarluarfigiuarlugu. Eqqaamajuk Guutimut sulisugut. Takuai imminut kiffartuussinermi naammassisavut, puiussanagillu. (Epr. 6:10) Taamaattumik nakkaannaqinata! Akerlianik ’Naalakkap suliaanik naammassisaqangaartuinnarniarta’ Jehovallu nakussatsissagaatigut tatigalugu ’ajunngitsuliortuaqqulluta’. — 1 Kor. 15:58; Gal. 6:9.