Guutip oqaasiata kimia
1 Guutip oqaasia uumallunilu kimitsisinnaassuseqarpoq. (Epr. 4:12) Tamanna nalunanngilaq, inuimmi millionilikkuutaat Biibilimi ilikkakkatik inuunerminni atornerujartortillugit inuunerminnik allannguiartuaarsimapput. Aamma ukiuni hundredelinni siullerni Jesusip ajoqersugaasa Guutip oqaasianik ilisimasatik inunnut allanut ingerlateqqikkaangatigik taama pisoqartarsimavoq. — Rûm. 12:2.
2 Biibilip ajoqersuutai iluaqutigisinnaajumagaanni Biibili Guutip oqaasiatut akuerisariaqarpoq. (1 Tás. 2:13) Novemberimi inuit Biibilip naleqangaassusianik paasisaqarnerunissaannik periarfississavavut Ny Verden-oversættelsen af De hellige Skrifter-imik aamma Bibelen — Guds ord eller menneskers?-imik neqeroorfiginerisigut.
3 Pitsaassaaq Bibelen — Guds ord eller menneskers?-ip soqutiginnilersitsissutaasinnaasortai nammineq uteqqilaassallugit. Imaata allattorsimaffiani takuneqarsinnaavoq kapitaleqartoq Biibilimi tupinnartulianut tunngasumik, imminnut assortuussorinartunut tunngasumik, siulittuutinut tunngasumik, ilisimatuussutsimut naapertuunneranut tunngasumik allanullu tunngasunik. Aamma assilisanik titartakkanillu assiliartarpassuaqarpoq. Atuakkap kingorna-tungaani atuakkanut ilisimatuussutsimut tunngasunut innersuussutitaqarpoq. Ikiuutit tamakku atortarukkit atuagaq angorniornerullutit neqeroorutigisinnaassavat, qularutiginagu inuit oqaluussiffissanniittut atuagaq taanna ikiortigalugu tusagassamik nuannersumik tusagaqarnissaminnut pisariaqartitsisut.
4 Inummut Biibilip Guutip oqaasiuneranik upperisaqareersumut atuagaq qanoq ilillutit saqqummiussinnaaviuk? Kapitali 2 innersuussutigisinnaavat, Biibilip oqaluttuarisaanerup ingerlanerani ataannarniarluni akiuussimaneranut tunngasoq, imaluunniit kapitali 14, Biibilip ullumikkut uagutsinnut pingaaruteqassusianik paasinninnerunissamut ikiorneqarnissamik atuartup ilassinninnissaanik kajumissaarisoq. Allassimaffiit kapitali 14-imi innersuussutigineqartut atuaqatigiissutigisarussigik qularutigineqassanngilaq oqaatsitit Biibilimik tunngaveqartut.
5 Kristumiuuneraqatigiit ileqqui pisuullutik inuppassuit Biibili Guutip oqaasiatut isigiumajunnaarsimavaat. Inunnut taama isumalinnut naleqqulluarpoq kapitali 3, „Bibelens falske ven“-imik (Biibilimut ikinngutaasuusaartoq) qulequtalik.
6 Biibiliminngaanniit atuaruit immaqa pulaakkat isumaqassaaq Ny Verden-nutsigaq paasiuminartuusoq. Imaluunniit pulaakkat soqutiginnissaaq, namminerli biibileqarnani. Taava nassuiaassinnaavat biibili illit atukkat sunik iluaqutissartaqartoq soorlu taanna atussallugu iluarinerugit. Takutissinnaavat „Bibelordbogen“, allassimaffiit ilisimaneqarluartut ujarniarneranni iluaqutaasinnaasoq, aamma immikkoortoq „Bibelske samtaleemner“, quppernermi 1516-27-miittoq, apeqqutigineqakulasut akissutissarsiorneranni atuartup iluaqutigisinnaasaa.
7 Biibili ikiortigalugu Jehovap nassuiarsimavaa inuiaat qanoq iliuuseqarfigisimagini, taamaalillutalu pissutsiminik nuanningaartunik ilisimatissimalluta. Ny Verden-nutsigaq aamma atuagaq Bibelen — Guds ord eller menneskers? atorluartartigik inuit allat Jehovamik taassumalu oqaasiata kimittussusianik ilinniartinniaraangatsigik! — 2 Kor. 10:4. (kmD Kraften i Guds ord)