Decemberimi ikiorti-pioneriusinnaavit?
1 Imminut ima aperissagutta pitsaassaaq: ’Qanoq annertutigisumik decemberimi qaammaqqusersuisuusinnaavunga? Ikiorti-pioneriusinnaavunga?’ — Mat. 5:14, 16.
2 Meeqqat inuusuttullu atuartut kuisimasut qaammammi tamatumani atuanngiffeqartarput, taamaattumik immaqa angajoqqaat allallu atuanngiffeqartunik oqaluussiartoqatiginninnissaminnut periarfissaqarluarput. Taamatuttaarlu ulloq naallugu suliffeqartut oqaluussinermut annaassiniutaasumut peqataanerunissaminnut qaammammi tamatumani periarfissaqarluartarput.
3 Ikiorti-pioneriusinnaanissatsinnut aalajangiisuusoq tassaavoq suliniuteqarnerunissatsinnut piumassuseqarnersugut. (Lúk. 13:24) Ilaqutariinni ilagiinnilu pisussaaffivut puiornagit pilersaarusioqqissaarutta immaqa piffissamik nassaarsinnaassaagut ikiorti-pioneritullu kiffartornerup nuannissusia misigalugu.
4 Decemberimi oqaluussinerpit annertusinissaanut periarfissaqarpit? Taamaalioruit oqaluussigaangavit nalorninnginnerulernissannut iluaqutigissavat kajumissinartunillu misigisaqassallutit. Kiisalu tunisinerup pilluarnassusia annerusumik misigissavat. — ap. sul. 20:35. (kmD Kan du være hjælpepioner i december?)