Soqutiginninnermik nittaasut tamaasa ikiukkit
1 Uppernitta allanullu asanninnitta martsimi kajumissaassavaatigut Naalagaaffimmik tusarliussamik soqutiginnittut tamaasa eqqaaniaalluni nalliuttorsiornermut qaaqqunissaat. Taakkuattaaq Jehovap annaassinissamik aaqqissuussinera, Kristusip utertitsissummik pilliutaa tunngavigalugu, ilikkartariaqarpaat. — Epr. 9:28.
2 Eqqaaniaalluni nalliuttorsiornermut qaaqqusassatit allattorukkit iluaqutigissavat. Biibilimik atuaqqissaaqatigisimasatit, ataatsimiinnernut najuussimasut allatigullu soqutiginninnermik nittaasimasut tamarmik allattorsimasannut ilaasariaqarput. Aamma uppinngitsut nalunaajaasunik aappallit ilaquttaallu allat eqqaamakkit. Taamaalioreeruit sapinngisannik nalliuttorsiornissaq sioqqullugu tamaasa qaaqqusariaqarpatit. Immaqalu utoqqaanertat qinnuigisinnaavatit pulaarfigisassavit ilaannik ikioqqullutit.
3 Pulaarfigisassatit qanoq oqarfigisinnaavigit?
Ilassereerukkit ima oqarsinnaavutit:
◼ „Nalunngilara anersaakkut ittut soqutigisimagitit, taamaattumillu isumaqarpunga nalliuttorsiornissamut immikkut ittumut qaaqqusaanissat nuannarissagit. [Pulaarfigisaq qaaqqusissummik naqitamik tuniuk.] Kristusip toquneranik eqqaaniaalluni nalliuttorsiorneq tassaavoq nalliuttorsiorneq Jesus Kristusip ajoqersukkaminut peqqussutigisatuaa. Kristusip toqunermigut pilersissimasai uagullu tassuuna qanoq ililluta naassaanngitsumik inuulersinnaatitaalersimanitsinnut eqqaasinneqarnissarput qilanaaraarput. Siorna 11 millionit sinnerlugit nalliuttorsiornermut najuussimapput. Nuannaarutigissavara ukioq manna ilagalutit najuussinnaaguma.“ Qaaqqusissummi naqitami eqqaaniaalluni nalliuttorsiornerup sumiiffissaa qaqugulu pinissaa allakkit. Aamma pisariaqarpat aajumallugu siunersuutigisinnaavat.
4 Eqqaaniaalluni nalliuttorsiornermut nutaanik aggertoqarpat tikilluaqquneqassapput. Oqaluussisartut soqutiginnittullu allat eqqaanni najugaqartut taakkununnga ilisaritikkit. Taakkununnga kajumissinassaaq nalunngikkunikku eqqaminni najugallit ilaasa aamma sallusuissut soqutigigaat. Ajornanngippat eqqaaniaalluni nalliuttorsiornermi illit ilaquttatillu qaaqqusimasatit issiaqatigikkit.
5 Soorunami eqqaaniaalluni nalliuttorsiornermik najuunnerinnakkut annattoqarsinnaanngilaq. Qaaqqusavilli ilaasa immaqa aggernertik Jesusip aavanut kuisamut uppernissamut aallarniutigisinnaavaat. Nalliuttorsiornermit angerlaqatigiikkussi apeqqutissai akisinnaavatit, sapaammilu oqalugiarnissamut Napasuliaq Alapernaarsuiffik-millu atuaqqissaaqatigiinnissamut qaaqqusinnaavatit. Inussiarnerit ilassiorlutillu. Paasitiguk sapinngisannik ikiorusullugu. Akuttuunngitsumik ilagisaliaarunisigut anersaakkut siumukajaarnerussaaq. Allat ikiorsimasavut ilagalugit ’annikilliornartussaq angisooq’ anigorsinnaagutsigu, ila nuannissaqaaq nalerisimaarnassaqalunilu! — sar. 7:9, 14. (kmD 3/93 Hjælp alle . . .)