Atuagassiat atortakkit allat sallusuissummik aveqatigiumallugit
1 Paasissutissat eqqortut ilumoortullu pingaaruteqarnerat ullumikkut inuppassuit sumiginnartarpaat. Ussassaaruterpassuit, naalakkersuisut neriorsuutaat unioqqutinneqartartut naalakkersuisullu salloqqittaasarnerat tamarmik tamatumunnga pisooqataapput. Napasuliaq Alapernaarsuiffik Iteritsi!-lu immikkut ittuupput, tassami taakkua kisimik Guutip naalagaaffia pillugu sallusuissut tusarliuttaramikku inuillu paasitillugit naassaanngitsumik pilluaqquneqarumallutik qanoq iliortariaqarnissaannik.
2 Nunat ilaanni paasissutissiisarnermut ministereqarfimmi atorfillip atuagassiaativut pingaartingaarpai atuagassiallu agguaannissaannut akuerisaanissamik ikiorusulluta. Ima oqarsimavoq: „Isumaqarpunga Napasuliaq Alapernaarsuiffik tassaasoq atuagassiat pitsaanerpaartaasa ilaat; nuannaarpunga ikiuisinnaagama.“ Uagut immikkut pisinnaatitaaffeqarpugut allat ikiorsinnaagatsigik atuagassianik paasissutissanik inuunissamut sammisinnaasunik imalinnik tunisinnaagatsigik. (Juá. 17:3) Maajimi juunimilu atuagassiat pingaarutillit qanoq ilillutit saqqummiutissavigit? Immaqa siunnersuutit tulliuttut iluaqutigissavatit.
3 „Napasuliaq Alapernaarsuiffik“-up juunimoortup (qallunaatut 15. maaji) aallaqqaataani ilanngutassiat saqqummiukkukkit ima oqarsinnaavutit:
◼ „Inuit silarsuarmi atuagaq pisiariumaneqarluarnerpaaq pillugu oqaloqatigaavut. Nalunngiliuk atuagaq sunaanersoq? [Pulaakkat akili.] Tassa Biibili. Biibili taama pisiariumaneqarluartigimmat pissutissaqarluarsimassaaq, isumaqarpungalu nassuiaat ilaatigut allassimaffimmi Timûtiusimut agdlagkat áipait 3:16-imi nassaarineqarsinnaasoq.“ Allassimaffik atuareerukku oqaatigereerlugulu ilanngutassiani eqqarsaatit eqqartorneqartut ilaat erseqqissaarsinnaavatit.
4 Imaluunniit ima oqarsinnaavutit:
◼ „Nuannaarpunga naapikkakkit. . . .-mik ateqarpunga . . .-mi najugaqarlunga. [Unillatsiarit.] Qularnanngitsumik malugisimavat ukiuni makkunani silarsuaq tamakkerlugu meeqqat ajornartorsiutigisaat isumakuluutigineqartartut. Illit maani nunatsinni suut meeqqanut ajornartorsiutaasoraagit?“ Pulaakkat akili. Taava silarsuarmi meeqqat ajornartorsiutigisartagaasa ilaat Vågn op!-imi 8. maajimoortumi allaatigineqartut eqqartukkit. Takutiguk Guutip naalagaaffia aaqqiissutissaasoq.
5 Pulaaqqittakkannik allattuiffissanni ilaat qularnanngitsumik aallaqqaataani soqutiginnippasissimagaluarput, taamaattoq kinguneqarsimanatik. Soqutiginnippallaanngimmata immaqa isumaqarputit pulaaqqittariaqarnagit. Immaqali allattuiffigisatit tamakku ikiortigalugit atuagassianik pajuttagaqalersinnaassaatit nanisinnaassavatit. Isumaqaruit pulaakkavit ilaasa ilanngutassiaq aalajangersimasoq soqutigissagaa, pulaarniaruk atuagassiaq tamanna neqeroorutigalugu.
6 Sukkulluunniit nalunaajaaneq: Periaaseq tamanna atoraanni allat atuagassianik soqutiginnilersinneqarajuttarput. Ittuujuisaartuunani atuagassiat saqqaat tiguartinneqartut takutikkaanni immaqa oqaloqateqartoqalersinnaavoq. Qatanngutip arnap suliffimmini allaffimmi atuagassiat arlallit saqqumitittarpai suleqatiminut takusinnaaqqullugit; taakkua ilaat atuagassianik tigusipput. Qaammammi matumani misilinniaruk atuagassianik nassataqartarlutit, taava pisiniarfimmi, atuarfimmi, bussimi allamiluunniit neqeroorutiginiakkit.
7 Napasuliaq Alapernaarsuiffik-mi Iteritsi!-milu Jehova taassuminngalu pallorfiginninneq pillugit apeqqutissanut akissutissat nassaassaapput. Atuagassiat tamakku sapinngisamik atorusuppavut inuit allat „Jehova sallusuissutsip Guutia“ ilisarilersinnaaqqullugu. — Tuss. 31:6, NV. (kmD 9405 Brug bladene . . .)