Periarfissani tamani atuagassiaativut neqeroorutigikkit
1 Pissutissaqarluarpugut Napasuliaq Alapernaarsuiffik Iteritsi!-lu pingaartissallutigit. Atuagassiat allat suut atuartartunut sumi tamaaniittunut kajuminnartuuppat? Qaammammi uani atuagassiat oqaluussiartornitsinni atussavavut, oktobarimilu normut kimittuunik paasissutissaqarput. Amerlanertigut atuagassiat illumiit illumut angalaarnermi siaruarternerusarpavut, piareersimaffigisariaqarparpulli periarfissani sumiluunniit neqeroorutiginissaat.
2 „Vagttårnet“ 1. oktobarimoortoq neqeroorutigilerutsigu immaqa pulaagaq ilanngutassiamut „En verden uden krig — hvornår?“-mut soqutiginnilersinniarsinnaavarput, ima oqarluta:
◼ „Inuppassuit eqqarsaatigisarpaat sooq silarsuaq sorsuffiujunnaarsinnaanngitsoq taama qanoq iliuuseqartoqarluareeraluartigisoq. Qanoq isumaqarfigaagit Vagttårnet-imi 1. oktobarimoortumi qupperneq 5-imi oqaaseqarfigineqartut? [Oqaaseqatigiit siulliit immikkoortuni marlunni ima qulequtaqartumi atuakkit „Religion — en stor hindring“, pulaagarlu kingorna oqaaseqartinneqarli.] Soorunami imaanngilaq sorsuttoqartuaannassasoq. Maluginiariaruk Jesaja 9:6, 7-imilu qanoq Guuti neriorsuisimasoq. Allassimaffik atuaruk atuagassiamiluunniit issuagaq atuarlugu. Eqqaajuk Napasuliaq Alapernaarsuiffik Jehovap naalagaaffianik silarsuarmi eqqissisitsisussatuatut eqqartuimmat pulaagarlu siunnersoruk atuagassiaq atuaqqullugu.
3 „Vågn op!“ 22. oktobarimoortoq saqqummiutilerukku ima oqarsinnaavutit:
◼ „Qanoq isumaqarfigaajuk atuagassiap saqqaaniittoq apeqqut: „Hvorfor er livet så kort? [Pulaakkat akili.] Atuagassiap ersersinniarpaa ilisimatuut allallu utoqqalisarneq qanoq oqaaseqarfigisimaneraat, taavalu aamma iserfigineqarluni Pinngortitsisutta inuunissamik naassaanngitsumik neriorsuutaa. Atuagassiaq atuarusukkukku pisinnaavat.“
4 Pulaagaq upperisarsiortuuppat, atuagassiaq „Vagttårnet“ 15. oktobarimoortoq saqqummiusinnaavat. Immaqa saqqummiusseriaaseq tulliuttoq soqutiginnilersitsisinnaassaaq:
◼ „Apeqqut manna qanoq isumaqarfiginerit tusarusukkaluarpara: Guuti asaneqarsinnaanerluni mianeriitigalugulu?“ Pulaagaq oqaaseqartinneqarli, atuagassiamilu pingaarnertut allassimasoq atuarlugu „Gudsfrygt — Hvorfor vigtig netop nu?“ (Nal. 12:13) ’Ræsonnerbog“-imi qupperneq 178-imi assersuutit ilaat eqqaaneqartut atorluakkit, soqutiginninnermik ersersitsisoqarpat atuagassiat neqeroorutigikkit.
5 Illumiit illumut angalaartilluta pisiniarfiit suliffeqarfiilluunniit qaangiinnartariaqanngilavut. Oqaluussisartut akuttunngitsumik pisiniarfinnut angalaarfiusinnaasunukartartut oqaatigaat pissarsiaqarluarnartuusoq ajunngitsunillu kinguneqartarluni. Saqqummiussineq paasiuminaatsuunngitsoq misilissinnaavarput „Iteritsi!“ decembarimoortoq neqeroorutigilerutsigu:
◼ „Paasisimavarput niuernermik ingerlatsisut najukkaminni pisunik malinnaarusuttartut. Qularinngilluinnarpara atuagassiat uku soqutigissagitit.“ Atuagassiami „Angajoqqaat kisermaat. . .“ naatsumik eqqarsaatinik tassanngaannit eqqaasaqarit.
6 Pulaakkat ulapippat, atuagassiat takutissinnaavatit imalu oqarlutit:
◼ „Paasisinnaavara pulaartoqarnissannik utaqqinngitsutit, sivikitsoralaannguamik takutissavara. Atuagassannik tamatsinnut attuumassuteqartumik tunerusuppakkit. Atuagassiami toqqarsimasanni maluginiagassamik innersuussigit, atuagassiarlu neqeroorutigalugu.
7 Illumiit illumut allattaavitit peqqissaarutikkit, atuagassianillu pisimasunut tamanut orniguteqqillutit. Pulaaqqiileruit ilumoortumik soqutiginnittoqartoq paasigukku, neqeroorutigineqarsinnaavoq atuagassiat akuttunngitsumik aggiuttalernissaat. Piareersarluarta atuagassiaativullu periarfissani sumiluunnit neqoroorutigisartigik. (kmD 95/10 Tilbyd bladene ved enhver lejlighed)