Aggeqqigit ilaat annaanneqaqqullugit
1 Guutip ’inuit tamaasa annaqquai sallusuissummillu ilisarsileqqullugit’. (1 Tim. 2:4) Tamatumunnga peqataasinnaavugut sallusuissummik ajoqersuinissarput siunertaralugu pulaaqqiisarnitsigut. Qanoq oqarsinnaavit? Siunnersuutit matumaniittut immaqa ikiorsinnaassavaatsit.
2 Kingullermik atuakkamik „erĸigsineĸ isumangnáissuserdlo piviussut ĸanoĸ pilersíneĸásápat?“ pisimasumut pulaaqqikkuit assiliaq qupperneq 4-imiittoq innersuutigeqqissinnaavat imalu oqarlutit:
◼ „Atuakkap kingullermik ilinnut tunniussama misissornissaanut immaqa periarfissarsisimassaatit eqqartorsimasavullu eqqarsaatigalugit. Guutip uatsinnut nuanningaartumik neriorsuutigisai qanoq isumaqarfigaagit?“ Naatsumik pulaakkavit oqaaseqaataanut akissuteqariarlutit kapitali 2-3-lu innersuutigisinnaavatit, siunnersuutigalugulu eqqartorumallugit sooq upperisarsiortut allallu ilungersuutiginnillutik eqqissinermik isumannaassusermillu pilersitsiniarnerigalui eqquutinngitsut.
3 Kingullermik atuagaq „inûneĸ’ ilumut sujunertaĸarpoĸ“ tunniussimagukku, oqaloqatigiissutigisarsi nagillugu ima oqarsinnaavutit:
◼ „Kingullermik maaniikkama eqqartorparput Guutip siunertarigaa nunarsuarmik nutaamik eqqissineqarfiusussamik pilersitseqqinnissaa. Eqqartorparput qanoq inuunerput neriuutip tamatuma imaqarnerulersillugulu siunertaqarnerulersittaraa. Taava manna apeqqutaalerpoq: ’Qanoq iliortariaqarpugut pilluaqqussutit tamakku angujumallugit?’ Apeqqut tamanna qanoq akissutissaqartissagaluarpiuk?“ Pulaakkat akili. Qupperneq 181 qupperuk eqqarsaatillu immikkoortoq 1-3-miittut eqqartorlugit; erseqqissaruk Guutip oqaasiinik atuaqqissaarnikkut qanoq pingaaruteqartigisoq uppernerup ineriartortinnissaa. Nassuiaaguk aalajangersimasumik atuaqqissaarnikkut tamatuma ikiorsinnaagaatigut. Soqutiginnippat aallartiinnarneqarsinnaavoq takutillugulu qanoq allat Biibilimik atuaqqissaaqatigisarnerigut.
4 Atuakkamik „Den kommende verdensregering — Guds rige“, pisimasumut pulaaqqiileruit immaqa ima oqarsinnaavutit:
◼ „Kingullermik oqaloqatigiissutigaarput Guutip [ajornartorsiut eqqartorsimasarsi eqqaajuk]. Isumaqarpit Guuti pissutsinut akuliutissasoq upperisarsiornerit politikkikkullu aaqqissuinerit ullumikkut inunnik aliasutsitsisimaqisut piuneerullugit? [Pulaakkat akili.] Immaqa kapitali 11 atuarsimassavat, ’en splittet verden går mod sin undergang’; naatsunnguamik takutikkusuppakka allassimaffiit kapitalimi innersuussutigineqarsimasut.“ Pulaagaq tamatuminnga soqutiginnippat immaqa allassimaffiit takutissinnaavatit qupperneq 175-77-imi immikkoortut 1-6-mi eqqartorneqartut.
5 Atuakkamik „Overlev — til liv på en ny jord“-mik tunisimasannut tulliani pulaaqqileruit ima oqarsinnaavutit:
◼ „Aggeqqippunga Guutip nunarsuarmut siunertarisaanik takutikkumallutit“ assiliaq qupperneq 33-miittoq takutiguk, sarĸúmersitat 21:3, 4-ilu atuakkit, naatsumillu nassuiaallugu qanoq Guutip neriorsuutini eqquutitikkumaaraa. Akeqanngitsumik Biibilimik atuaqqissaaqatiginissaa neqeroorutigiuk imaluunniit aallartiinnaruk.
6 Eqqaamajuk pulaaqqiinerup siunertarimmagu atuaqqissaaqatiginnilernissaq. Atuagaq nutaaq, Ilisarsineq inuunermut naassaanngitsumut sammisoq, atuaqqissaaqatigiissutissatut tulluarsagaavoq. Atuakkanik qangarnisaanerulaartunik agguaassiffigisimasatsinnut aggeqqikkaangatta, immaqalu atuaqqissaaqatigisalerlugit, pitsaassaqaaq atuakkap nutaap innersuussutiginissaa. Biibilimik atuaqqissaaqatigineqartut Jehovap aqqanik torlorfiginnittunngoraangamik assut nuannaartittarpaatigut. — ap.sul. 2:21. (kmD 96/01 Vend tilbage for at frelse nogle)