Allat inuunermik naassaanngitsumik neriuuteqalersikkit
1 Inuit utoqqaliartortarneq kinguartinniartarsimagaluarpaat inuunerlu sivitsorniartaraluarlugu, sulili utoqqalillutalu toqusarpugut. Taamaattumik qujamasuttariaqarpugut Biibilimi nassuiarneqarsimammat sooq utoqqalisarlutalu toqusartugut, aamma qanoq ililluni utoqqalinermi innarluutit toqulu peerneqarumaartut. Piviusut ilumoortut tamakku atuakkami Ilisarsineq inuunermut naassaanngitsumut sammisoq-mi qularunnaarsitsisumik saqqummiunneqarput. Atuakkap inuuneq toqulu pillugit apeqqutit ilungersunartut akissutissaqartippai.
2 Marsimi atuagaq ’Ilisarsineq’ neqeroorutigissavarput Biibilimik atuaqqissaaqateqalernissaq siunertaralugu. (Mat. 28:19, 20) Tamatuma kingorna Guutip naalagaaffia pillugu tusagassamik soqutiginnissimasut tamaasa pulaaqqissavavut. Taamaalilluta inuunermik naassaanngitsumik neriuuteqalersissinnaavavut. (Tít. 1:2) Immaqa siunnersuutit tulliuttut atorsinnaavatit.
3 Siullermik pulaarninni, ima aperisinnaavutit:
◼ „Eqqarsaatigisimaviuk sooq tamatta sivisunerusumik inoorusunnersugut? [Pulaakkat akili.] Buddhasiortut, kristumiut, hindut, musliimit allallu tamarmik toqup kingorna inooqittarneq upperaat.“ Atuakkami ’Ilisarsineq’-mi kapitali 6 qupperuk, „Sooq utoqqalisarlutalu toqusarpugut?“, immikkoortorlu 3 atuarlugu. Allassimaffinnut innersuussutit atorlugit pulaakkat eqqarsalersinniaruk. Aperiuk apeqqutit marluk immikkoortup naaneraniittut akissutaat tusarusunnerai. Taamaaliorusuppat immikkoortut tulliuttut ingerlateqqiinnakkit. Biibilimik atuaqqissaaqateqarneq aallartippoq! Imaluunniit atuakkamik tunisinnaavat isumaqatigiissutigalugulu ullualunnguit qaangiunnarnerani aggeqqinnissat, apeqqutit akiniarlugit.
4 Atuakkamik ’Ilisarsineq’-mik tunniussaqarfinnut pulaaqqiiguit ima oqarsinnaavutit:
◼ „Aggeqqippunga kingullermik oqaloqatigiikkatta toqu pillugu apeqqutit marluk akinngisavut akiartorlugit.“ Apeqqutit uteqqikkit. Taava paasissutissat kapitali 6-imiittut qulequtap „Peqqusersusaarnipalaaq“-ip ataaniittut eqqartukkit. Pissutsit apeqqutaatillugit atuaqqissaaqatigiinneq ingerlatiinnarsinnaavat imaluunniit immikkoortup 7-ip naanerani apeqqut atorsinnaavat tullissaanut atuaqqinnissamut tunngavissatut. Aggeqqinnissannik isumaqatigiissuteqarit. Pulaakkat qaaqqusissummik tuniuk, naatsumillu ataatsimiittarnivut qanoq ingerlasarnersut oqaluttuaralugu. Kajumissinartumik ataatsimiinnernut ornigunnissaanik qaaqqujuk.