1996-mi Teokratiimik Atuarfik iluaqutissarsiffigiuk — immikkoortup aappaa
1 1943-imi Teokratiimik Atuarfik pilersinneqarsimatsiaannartoq Napasuliaq Alapernaarsuiffiup Peqatigiiffiata immikkoortortaqarfiisa ilaat ima allappoq: „Aaqqissuussisimaneq tamanna pitsaasoq iluaqutigalugu qatanngutit angutit amerlasuut siornatigut isumaqarsimanngikkaluartut tamanut oqalugiarsinnaalissallutik piffissaq sivikitsuinnaq atorlugu oqalugiallaqqissunngorsimapput oqaluussinermilu sunniuteqarluarnerulersimallutik.“ Atuarfiup suli pitsaasumik ilinniartittuarpaatigut tamatta atorfissaqartitatsinnik.
2 Biibilimik atuarneq: Pisassaqartut kisimik Atuarfik ilikkagaqarfigineq ajorpaat. Tamatta pisassaqartarpugut, tassa sapaatip-akunneranut Biibilimik atuagassamik. Atuarfimmi atuagassani pilersaarummi ersipput Biibilimi kapitalit sorliit sapaatit-akunneri tamaasa atuarneqartussat. Biibilimi oqaaqqissaaruterpassuaqarpoq ullut tamaasa Biibilimik atuartarnissap pingaaruteqassusianik. (Jos. 1:8; Tuss. 1:2; ap. sul. 17:11) Biibilimik atuaqqissaartarnissaq anersaakkut peqqissuunissap atatittuaannarnissaanut pingaaruteqarpoq; isuma uummallu immersortarpai. Ullormut minuttit tallimat naammassapput sapaatip-akunneranut Biibilimik atuagassap innersuussutigineqarsimasup atuarnissaanut. Ukioq ataaseq qaangiuppat Guutip oqaasiini kapitalit 150-nit amerlanerusut atuareersimassavavut. Biibili qanittutsinniitittuaannarutsigu ullut tamaasa atualaartarnissarput angusinnaassavarput.
3 Oqalugiaat siulleq: Qatanngutip angutip oqalugiaateqartup qatanngutit oqaluussiartornermi ilumoornissaannut ilungersornissaannullu kaammattortariaqarpai. Taamaattumik ilinniartitsillaqqissuusariaqarpoq, taamaalilluni pisassap isumaa eqqortoq saqqummiussinnaaniassagamiuk Jehovamillu, taassuma oqaasianik peqatigiissortaanillu pingaartitsineq ineriartortissinnaaniassagamiuk. Tamatumani pisariaqarpoq utoqqaanertat ilagiinnilu kiffartortut piareersarluartarnissaat, oqalugiaat qulequtarineqartoq malillugu suliaralugu, qularatik oqalullutik pisassarlu uummaarissumik saqqummiullugu. (Epr. 4:12) Oqalugiartup piffissamik eqquilluaanissaa pingaaruteqarpoq. Atuakkami „Hele Skriften er inspireret af Gud og gavnlig“-mi allassimaffippassuaqarpoq Biibilimullu tunngasunik paasissutissanik pissanganartunik imaqarluni anersaakkut iluaqutigisinnaasatsinnik. ’Oqaluttuarisaanilersaarummi’ Jehovap Nalunaajaasuisa peqatigiiffiata takussaasup oqaluttuarisaanerat eqqartorneqarpoq, inuillu uppernermik ilungersuussissusermik, Guutimullu tunniusimanermik asanninnermillu ersersitsisimasut oqaluttuarineqarlutik. Teokratiimik kingornussarput qanorlu Jehovap ullumikkut innuttaminik pilluaqqusisimanera pillugit ilikkarsinnaasarpassuaqarput.
4 Biibilimi pisassamiit pingaarnersiukkat: Qatanngutip angutip tamatuminnga pisassinneqartup versit pingaarnerusut ilagiit iluaqutigalugit atorsinnaasaat toqqartariaqarpai. Taamaattumik kapitalit pisassiissutigineqartut atuartariaqarpai, isumaliutigilluarlugit versillu toqqarsimasani misissorlugit ilagiinnut nassuiaatiginiassagamigit. Register til Vagttårnets publikationer-ip tunuani „Allassimaffinnut qinerlerfissiat“ Biibilimi versinut aalajangersimasunut paasissutissat iluaqutaasinnaasut nassaassaapput. Qatanngutit angutit tamatuminnga pisassinneqarsimasut siuneqassuseqarluartariaqarput pisassamullu pisariaqanngitsut ilanngunnaveersaarlugit. Minuttillu arfinillit ingerlaneranni pitsaasumik saqqummiussinnaasatik sinnerlugit ilanngussinaveersaartariaqarput.
5 Tamatta Teokratiimik Atuarfik iluaqutigisinnaavarput. Oqalunnissatsinnut ajoqersuinissatsinnullu pikkorinnerulersissinnaavaatigut. Aaqqissuussaq tamanna atorluarutsigu taava ’alliartussuserput tamanut malunnarsissaaq’. — 1 Tim. 4:15. (kmD 96/02 Få gavn af Den Teokratiske Skole . . .)