Ajoqersuisarnerit misissoruk
1 Teokratiimik atuarfimmi saqqummiussassat nutaat 1995 Januarimiit aallartinneqassapput. Nutaarsiassaqarpat? Aap, pisassani siullerni amerlanertigut Jehovap innuttaasa ukiuni nutaanerusuni pissanganartumik oqaluttʹuarisaanerat sammineqartassaaq. Ukiup ingerlanerani quppernerit 178-it atuakkami Jehovas Vidner - forkyndere af Guds rige-mi sammineqassapput. Saqqummiussereernerup kingorna ʹOqaluttuarisaanilersaarummiʹ, uteqqiilluni apeqquteqartassanngilaq taamaattumik pingaaruteqarpoq ajoqersuinitta misissoqqissaarnissaa, taamaalilluta pissarsiaqarluarfigisinnaaqqullugu. - 1 Tim. 4:16.
2 Amerlanerit ʹOqaluttuarisaanilersaarutʹ, atuareersimavaat kisianni atuarfimmi peqqinnera oqaluussisartut teokratiip tunuliaqutaanik pingaartitsillutillu paasinninnerulissutigissavaat. (Tus. 71:17,18) Sapaatit akunneri tamaasa piffissamik immikkoortitsisarniarta ʹOqaluttuarisaanilersaarutʹ atuarniarlugu
3 Uummaarissumik soqutiginartumillu saqqummiineq: ʹOqaluttuarisaanilersaarummitʹ saqqummiineq uummaarissumik soqutiginartumillu saqqummiunneqartariaqarpoq. Paasissutissat atoriaannaassusiat erseqqissarneqartariaqarpoq aammalu Jehovap peqatigiissortaanik ataqqinninnerput Guutimullu kiffaasutut immikkut pisinnaatitaaffitsinnik pingaartitsinerput allisinneqartariaqarluni. Ilaqutariit ʹOqaluttuarisaanilersaarutʹ ataatsimiinnernut nassartarunikku, tamarmik ajunnginnerusumik atuakkap assiliartai assitaalu pissarsiffiginerussavaat.
4 Eqqarsalersitsinartumik Biibilimik atuarneq: Naleqquttumik nipilimmik atuarluarneq ajoqersuinerup ilagaa pingaartoq. Pisassap tullia takisoorsuunngilaq, taamaalillunilu aallaqqaasiinissamut naggasiinissamullu piffissaqarpoq. Aallaqqaasiineq atuartussanut soqutiginnilersitsisuusariaqarpoq, aammalu paasissutissat atoriaannaassusiisa pingaartortai tusarnaartunut ingerlanneqarsinnaallutik. Naggasernera naatsumik nassuiaassinerusinnaavoq, piffissarititaasorlu atorlugu oqalugiartup imarisaa qanoq uagut atorsinnaaneripput oqaluttuarisinnaavaa.
5 Saqqummiussasanik pilersaarut qanorlu saqqummiisarnissaq pillugit paasissutissat amerlanerusut Studieplan for den teokratiske skole i 1995-mi nassaarineqarsinnaapput. Ilitsersuussut tamanna malikkutsigu, saqqummiussasarput piareersarluartarlugu siunnersuutillu oqalugiarnermut ajoqersuinermullu pikkorinnerulissutigisinnaasavut maleruartarutsigik taava ajoqersuinerput misissorluarsimassavarput. Atuarfimmut suli ilaanngitsut ilanngunnissaannut tikilluaqquavut. (kmD 94/12 Vær til stadighed)