Apriilimi atuagassianik immikkut suliniuteqarit

Jehovap Nalunaajaasuisa ullorsiutaat 1996-mi erserpoq ukioq manna apriilip 2-ani eqqaaniaaneq nalliuttorsiutigineqassasoq. Nalliuttorsuarmit tamatumannga kajumissisinneqarluta apriilimi atuagassianik siaruarterinermut tamatta eqiasuilluta peqataasariaqarpugut. Atuagassiat pissutsinut maannakkut atuuttunut naleqquttorujussuussapput. Vagttårnet-imi 1. apriilimoortumi siorna ataatsimeersuarnermi tamanut oqalugiaatigineqartoq ilaatigut sammineqassaaq: „Naassaanngitsumik Kunngiusoq unnersiutigiuk!“ Vagttårnet-imi 15. apriilimoortumi ukioq kingulleq immikkut oqalugiaatigineqartoq malittarineqassaaq: „Upperisarsiornermit eqqunngitsumit aniguisitaangajalerpugut.“ Ukioq manna immikkut oqalugiaatigineqartussaq, 21. apriilimi pisussaq, iliuuseqarnissamut suli kajumissisitsineroqqittariaqarpoq. Ima qulequtaqarpoq: „Kinguaariit killormoortut akornanni assuarnaatsut.“ Aammattaaq Vågn op! 22. apriilimoortoq saqqummiutissavarput tassani eqqartorneqarpoq: „Sorsunnernut tamanut aniguisitaagutta.“

Siorna naqitaaqqamik Naalagaaffimmik Nutaarsiassat-mik suliniarnersuaqarsimavugut, ukioq manna apriilimi suliniarnissarsuarmi immikkut atuagassiat agguaattariaqarpavut, maannakkullu pisariaqartumik pilersaarusiornissamut piffissanngorpoq. Amerlasuut ikiorti-pioneeriunissaminnut nalunaarumaarput. Atuagassiat immikkut tikisitassat pisariaqartut inniminnereerneqassapput. Ullut atuagassianik agguaassiffissat pilersaarusiorneqassapput sapinngisamik amerlasuut peqataaffigisinnaasaat, ullaap tungaa, ualikkut immaqalu aamma unnukkut. Apriilip 6-ani ulloq immikkut oqaluussiffik aqqusinermi illumiillu illumut oqaluussinermi atuagassianik amerlasuunik agguaassinissatsinnut iluaqutigissavarputtaaq. Tamatta ’oqaatsimik naammassinnittuusa’. Qanortorlu Messias pillugu siulittuutigineqartutut oqarsinnaagisa Tussiaat 69:10-mi oqaatigineqartutut: „Illit illunnik ilungersuutiginninnerma nungutilerpaanga.“ — Jâk. 1:22; Juá. 2:17. (kmD 96/02 Gør en særlig indsats med bladene i april)