Aasamut sunik pilersaaruteqarpit?

Aasaq tusaraangatsigu, seqineq kiallu, ataatsimeersuarneq najuuffigisassarput eqqissillunilu feeriarnissamut pilersaarutit ilaquttanilluunniit ikinngutinullu tikeraarnissaq eqqarsaatigisarpavut. Aasamut pilersaaruteqarninnut tunngatillugu eqqaasitsissutissaqalaarpugut Naalagaaffiup soqutigisaanik salliussinissanni iluaqutissannik:

◼ Ataatsimeersuaqataanissat pilersaarutigiuk. Angalanissat inissallu ajornartorsiutaaqqunagit piffissaalluartukkut aaqqissukkit.

◼ Feeriassaguit ataatsimiinnerit najuuffiginissaat oqaluussinermullu peqataanissat pilersaarutigikkit. Qaammammut oqaluussisimaninnut nalunaarutit tunniunnissaat eqqaamajuk; pisariaqarpat ilagiinni allatsimut nassiunneqarsinnaapput.

◼ Ilaquttanut uppinngitsunut tikeraarnermi sukkulluunniit nalunaajaanissamik periarfissaq takkussinnaavoq. Biibilimik atuagassianillu nassataqartuaannarit.

◼ Inuusuttut atuanngiffeqannginnerminni periarfissaqarluarput kiffartuussinermik annertusisitsinissaminnut. Ilissi inuusuttut ikiorti-pioneeriunissarsi eqqarsaatigaasiuk?

◼ Silagissiartortillugu qaammariartortillugulu, unnukkut amerlasuut angerlarsimaffigisartagaanni oqaluussineq immaqa kinguneqarluarsinnaavoq.

◼ Utoqqaanertat ilagiit suliniutaat aaqqissugaalluarnersut eqqumaffigisariaqarpaat, taavalu akisussaasut aallarsimanerini akisussaaffinnik tigummisoqarnissaa isumagisariaqarpaat. Eqqortuliornerussanngilaq ataatsimiinnerit ilaat taamaatinneqarpata, ilagiit ataatsimeersuariarnerisa nalaat eqqaassanngikkaanni.

Eqqaamajuk „Eqiasuitsup eqqarsarluaqqaarnera iluanaarutissarsisitsisarpoq.“ (Uss. 21:5) Taamaattumik aasap ingerlanerani teokratiimut tunngasunik sammisaqarnissamut periarfissat takkuttut atorluarniartakkit. (kmD 5/96 Hvilke planer har du . . .)