„Inuit tamarmik qaquguluunniit asaqatigiissinnaalissappat?“
1 Tusagassaq nuannersoq, tiguartinnartoq kajumissinartorlu silarsuaq tamakkerlugu oqaatsini 169-ini oqaluussissutigineqassaaq. Tusagassaq suna pineqarpa? Qanorlu ililluni tusarliunneqassava?
2 Tassaavoq tullermut asanninneq pillugu tusagassaq. Tusagassaq Naalagaaffiup Nutaarsiassaatai nr. 35-miippoq ima qulequtaqarluni: „Inuit tamarmik qaquguluunniit asaqatigiissinnaalissappat?“ Naalagaaffiup nutaarsiassaatai-ni tamatumani silarsuarmi pissutsit naatsumik eqqartorneqarput, takutippaalu annikilliornartorpassuit alianartorpassuillu nalaattakkavut asanninnerup amigaataaneranik pissuteqartut. Nassuiarpaa sooq ingammik nalitsinni tullermut asanninneq nillertissimasoq, aammattaaq siunissami qanoq sunniuteqassasoq.
3 Naalagaaffiup Nutaarsiassaatai nr. 35-mi aamma takutinneqarpoq ullutsinni silarsuarmi inuit millionilikkuutaat akornanni piviusumik tullermut asannittoqartoq. Kristumiut siulliit pissusiinik uummartitseqqittut tikkuarpai — ukiuni hundredelinni siullerni kristumiut tullermut asanninnermik Jesusip oqaluussissutigisaanik ilisarnaatillit. — Lúk. 10:25-37.
4 Naalagaaffiup Nutaarsiassaatai nr. 35-p naggataani takutinneqarpoq Guutip naalagaaffiata ataani Jesus Kristusimit aqunneqartumi qanoq ililluni inuiaat tamarmik tullermut asanninnermik nittaajumaartut. Naqitaaqqamik atuartut kajumissaarneqarput atuagassiaaqqamik Guutip sumik piumaffigaatigut?-mik piniaqqullugit qanorlu ililluni silarsuaq tamakkerlugu inuiaqatigiinnut asannittunut taakkununnga Guutip oqaasiani erseqqissumik allaatigineqartunut ilanngussinnaanerlutik ilinniaqqullugu.
5 Kia tusarliutissavaa? Silarsuaq tamakkerlugu Jehovap nalunaajaasui oktobarimi novembarimilu tullermut asanninneq pillugu tusagassaq eqqarliminnut, nalunngisaminnut saniliminnullu oqaluttuarissavaat. Tamatumunnga pisinnaatitaasut tamarmik kajumissaarneqarput Naalagaaffiup Nutaarsiassaatai nr. 35-mik tamanut agguaassinermut peqataaqqullugit.
6 Immikkut suliniuteqarnerup tamatuma siunertaraa Biibilimik atuaqqissaarnermik, atuagaq ’Ilisarsineq’ atuagassiaararluunniit Guutip sumik piumaffigaatigut? atorlugu, soqutiginnilersitsinissaq. Aammattaaq Jehovap kiffaasa tamarmik uummammik tamakkiisumik suliniuteqarnerat asanninnerup Guutianut, Jehovamut, erneranullu, Jesus Kristusimut, nalunaajaataalluassaaq.