Saqqummeeriaatsit sunniuteqarpat taava atoruk!
1 Naalagaaffimmut Kiffartorneq-mi saqqummiussinissatsinnik kiffartortilluta atorsinnaasatsinnik siunnersuuterpassuarnik piuartarpugut. Nutaanik isumassarsisarpugut qanoq ililluta soqutiginnilersitsisinnaalluta Naalagaaffiup oqariartuutaanut. Immaqa qaammatit tamaasa saqqummeeriaaseq ataaseq arlallilluunniit ilinniarniarsarisarpatit. Oqaluussisartut ilaat misigisarput saqqummeeriaatsit tamakku atulaaginnarlugillu Naalagaaffimmut Kiffartorneq-mi siunnersuutinik nutaanik takkuttoqariikatattartoq. Soorunami tamarmik pisoqqamik suli iluamik sungiussisinnatik saqqummeeriaatsimik nutaamik ilikkagaqarsinnaanngillat.
2 Pioneerit oqaluussisartullu allat tuusintilikkuutaat piffisssaq annertooq oqaluussinermut atortarpaat. Aammalu ilagiippassuaqarpoq sapaatip akunnialuinnaani oqaluussisarfimminnik naammassinnittartunik. Pissutsinni taamaattuni oqaluussisartut nuannaarutigisarpaat aallarniinissanik isumassarsianillu nutaanik saqqummiussisinnaanissartik. Tamanna oqaluussisartutut pikkorissiartornerminnut iluaqutigisarpaat. Kiffartornerat soqutiginarnerulersarpoq angusarissaarfiunerulerlunilu, taamaalillutillu unamminiarnartut anigornissaannut iluaqutigisarpaat.
3 Saqqummeeriaatsimik soqutiginnilersitsisumik sungiusagaqarsimaguit, taava kiffaanngissuseqarputit atuinnarnissaanut! Saqqummeeriaaseq ajunngitsunik inerneqartitsisartoq atorunnaartariaqanngilaq. Qaammatip neqoroorutaanut tulluarsaannaruk. Naalagaaffimmut Kiffartorneq-mi siunnersuutit misissoraangakkit, oqariaatsit soqutiginartut imaluunniit pingaartut saqqummeeriaasissannut ilanngussinnaasatit isumassarsiarisinnaavatit.
4 Taamaattumik eqqaamajuk Naalagaaffimmut Kiffartorneq-mi siunnersuutit siunnersuutaannaammata. Atorsinnaagukkit taava ajunngilaq. Kisianni oqaluussisarfinni saqqummeeriaatsimik ajunngitsumik kinguneqartitsisumik nassaarsimaguit, taava taanna atuinnaruk. Tamanit pingaarneruvoq ’kiffartuutigisarput naammassillugu kiffartornissarput’ ajunngitsumik, pisariaqartitsisut nanillugit ajoqersuganngortinnissaannullu ikiorlugit. — 2 Tim. 4:5.