Allaaserisanik inuit soqutigisinnaasaannik qinersigit
1 Piserialersutut qarsuminnik umeqqissaartutut iliorlutik oqaluussisartut pioneerillu amerlasuut Napasuliaq Alapernaarsuiffik-mi aamma Iteritsi!-mi allaaserisanik aalajangersimasunik oqaluussisarfimmi inuit immikkut soqutigisinnaasaannik qinersisaramik angusaqarluartarsimapput. Atuagassiat normui aalajangersimasut kikkut atuarusussaneraat paasiniartarpaat. Qanoq iliortarpat?
2 Siullermik atuagassiaq tamaat naallugu atuaqqissaartarpaat. Taava imminut aperisarput: ’Allaaserisat ataasiakkaat kikkunnut kajuminnassappat?’ Taava atuagassiami allaaserisanik immikkut ittunik atuarnissaannik ilimanaateqarsinnaasut ornittarpaat. Allaaserisap aalajangersimasup oqaluussisarfimmi amerlasuunit soqutigineqarnissaa ilimagigaangamikku atuagassiap normuanik immikkut inniminneeqqittarput.
3 Atuagassiaativut iluarineqartarput: Aalajangersimasumik pisartagaqartoq, Nigeriap inuiannut tamalaanut atuagassiaataani atuarneqarnerpaami sulisoq, Iteritsi! pillugu ima oqarsimavoq: „Atuagassiat tamatigoortut silarsuarmi pitsaanersaat pillugu pilluaritsi.“ Atuagassiaatitsinnik atuarluartartoq oqarsimavoq: „Ilisimassummik nalissaqanngitsumik imaqarput! Soqutigisakka tamaasa [atuagassiani] taakkunani sammineqarput.“
4 Atuagassiat Biibilimut tunngasut silarsuarmilu pisartut, ilaqutariinni innuttaaqatigiinnilu ajornartorsiutit, oqaluttuarisaaneq, ilisimatuussuseq, naasunut uumasunullu tunngasut sammisarpaat, ilaannaat taassagaanni. Soorunami inuit pisariaqartitaminnut, pissutsinut atukkaminnut ilinniarsimasaminnullu tunngasut atuarumanerusarpaat. Amerlasuut immikkut ajornartorsiutillit soqutigisallillu naapittaratsigik, allaaserisanik naapitatsinnut naleqquttunik qinersisarneq sunniuteqarluartarpoq.
5 Oqaluussisartut marluk tusagassiortumut Iteritsi! 8. septembari 1996-imoortoq neqeroorutigimmassuk qanoq pisoqarsimasoq malugiuk. Allappoq: „Soqutiginninnanga oqarianngitsungaluunniit aappaa oqarpoq: ’Amerikami eqqillit pillugit allaaserisamik imaqarpoq. Nalunngilarput taakku pillugit allaaserisaqartarsimasutit.’“ Tusagassiortup atuagassiat eqquppai. Ullaakkorsiuutigalunilu eqqillit pillugit allaaserisat atuarlugit, kingusinnerusukkullu nassuerutigaa taakkua ’pitsaaginnaratik torrallataaqisut’ aamma ’unneqqarilluinnartut’.
6 Oqaluussisarfinni inuit sunik soqutigisaqarpat? Oqaluussisarfinni niuernermik ingerlataqartunut, ilinniagaqarsimasunut sanilinnulluunniit, suleqatinnut atuaqatinnullu kajuminnarsinnaasunik qaammatini kingullerni atuagassiani sunik malugisaqarsimavit? Eqqartuussissuserisut, ilinniartitsisut, ilaqutariinnut atuarfimmilu siunnersortit, inuusuttunik siunnersuisartut, inunnik isumaginninnermik peqqissaaveqarfimmilu suliaqartut suut immikkut soqutigisinnaavaat? Atuagassiap atuarnerani oqaluussiffigisassat eqqarsaatigigaanni, sallusuissutsip oqaasianik siaruarterinissamut periarfissaqarluassaaq.
7 Napasuliaq Alapernaarsuiffik-mi Iteritsi!-milu allaaserisanik aalajangersimasunik soqutiginninnermik ersersitsisoqaraangat atuagassiarlu tiguppagu, immaqa ima aperisinnaavutit: „Kingusinnerusukkut ilinnut soqutiginarsinnaasumik allaaserisaqassappat takutikkiartorsinnaavara?“ Aamma aperiinnarsinnaavat atuagassiap normui nutaat aalajangersimasumik aggiuttarsinnaanerlugit, taamaalillutit atuagassianik pajuttakkatit amerlisillugit.
8 Anersaakkut anguniagaqarit: Ukiualuit matuma siorna angutip atorfeqarnikkut angusaqarluarniartup Iteritsi! soqutigisaminik sammisaqartoq pisimavaa. Angutilli upperisamik soqutigisallip taassuma Napasuliaq Alapernaarsuiffik ilanngunneqarsimasoq aamma atuarpaa, tassanilu allaaserisaqarpoq ataasiullunilu pingasuusumik ajoqersuummik inuunini tamaat upperisimasaminik nalileeqqitsitsisumik. Qaammatit arfinillit qaangiuttut kuisippoq! Atuagassiaatitsinnik atuartartut anersaamut tunngasunik oqaloqatigissallugit nangaassutigissanngilarput. Atuagassiaaraq Guutip sumik piumaffigaatigut? saqqummiussinnaavat atuagassianillu nutaanik aggiussinerit tamaasa minuttialuit ilinniagassap ataatsip oqaloqatigiissutigisarnissaa siunnersuutigalugu.
9 Pulaaqqittakkatit niuernermilu atassuteqarfigisartakkatit kikkut Napasuliaq Alapernaarsuiffik-up aamma Iteritsi!-p normuinik kingullernik soqutiginnissinnaanersut eqqarsaatigeqqissaartaruk. Taava naapinniarlugit iliuuseqarit. Atuagassiaativut naleqangaartut sapinngisamik amerlasuunut neqeroorutigisakkit. Puioqinagulu atuagassiaatitsinnik amerlanerusut atuartalersinniarlugit ilungersoraangavit, taava ’karriutitit imaatigut nassiuttarpatit’. Immaqa piffissap ingerlanerani siunissami kiffaqatissannik nassaassaatit. — Nal. oq. 11:1, 6.